JEREMIA 16:4 - ASII LAKDAP Bible (BSI)

⁴ Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

Hawa Naga Bible 2001

⁴ Tsuingshiq kuex vhiz juing mac tsac vtueq thueyc tuex, uraq muinz tsuingshiq muex yonzyex ruiux shuluip shuex rvmuq. Tsuingshiq maungx kuex ghaq wawc ghaqbur phungc ikhoc kv-phungc tuex. Tsuingshiq kuex ralx rvlungc nuex thvy gay rvhumc ruiux khvmx vrvmc rueq thueyc tuex; tsuingshiq maungx htenc kuex wushawx htenc nuiyc ngvmx saz vsvl vwvl htenc tvkoc phuiuz vsvy muex yaungx tuex.

JEREMIA 16:4 Referencias Cruzadas

2 HOKHVMX 9:10

Jejebel maa ka lap mak miraq. Apaiq maa ka Jejreel wang na hikong raq miphaqbaiq.’” Ara bomtsi kra chongkuq lot raütiishe, jerowe shammiwe ka kra khokmong wa donghoto. Raüta tlatchhat juto.

Tvtsvmc 78:64

Ramwebi thun ka re jaq na tsaito, kiimaq tsangnyung mantinyungre ma, tsangwetiim maa phong ka tiijo mak riito.

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

ISAIA 18:6

Tsangshiq phenlabi maaphong ka hiq na riiphong riirong wushikong nai rumngam sekong riili miphaq. Raju ji na wushikong raq maiq maa phong ka miphaq. Kiimaq diwin ji niika rum ngamse kong raq miphaq.”

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

JEREMIA 19:7

Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.

JEREMIA 21:6

Ngi raq ara chela na siti maiqse angu wiita loweatek mijiip baiqha; maiqse angu thun nai nyamse thun ka phiiptsi chang thabi dong raüta wiita adam na mijiim.

JEREMIA 25:33

Kra matdong akhing ranaiq na Tatiwe raq re ma atiijiipbaiq maiq maa phong ka, hiqraikhü konü siimko maq riita konü siim na saüli riinyin riishin mirphong. Tsangshiq maahoti ka maiq jumin ahü miraq. Kiimaq tsang maa phong ka doti nai maa lapti ka jumin ahüshe miraq. Maiq maa phong ka riiphong riirong hiq na küram liira hiq tiipü chang minsaü daiq phong ikha miraq.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 34:20

Ngi raq tsangshiq ka tsang jaqtinok jaqkhon mong niishe mikiinong kuqbaiqha. Tsangshiq tseabaiq wan tankhantinok miishe mikuq baiqha. Krai mren, tsangshiq maa phong ka wushi kong nai rum nyamse kong riishe miphaq wan.

JEREMIA 36:30

Riita kra ningkhan, ümchaü, Ngi, Tatiwe raq, Hokhamwe Jehoiakim ümniima ngutiikang, ümsaü ümsetiim wa Dawit mungtan thaq na jumin hokham jawan lot mak she miraq. Kiimaq ümmaa ka maiq raq rum na mido baiqki. Raüta ranaiq na rashekii raq mishin kiimaq rawa na nyiirii rok raüta mipiimsiq.

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 7:33

Maiq maa phong ka wushi kong raq nai rumnyamse kong raq miphaq. Kiimaq kriithun jobaiqti maiq ka ahü miraq.

JEREMIA 9:22

Maiq maa phong ka barap binrii na riinyin riishin riiphongtlo, wak ram na minsaü daiq phong tlaq ikha, wak na khaolümtei thun tsamhanti jai na tiiphongtlaq ikha, tsam ka maiq ajutti ahü kha maq abaiqthü ikha riiphongtlo. Tatiwe raq ngi ma akha chongkuqlaq nguto.”

AJONJÜ 4:9

Redong akhing na tsaiwanti thun ka, jai na atinkhan chamchao raüta tsaiti, thaq na kiim ahea lin. Jamkhano ngukla, jai na tsaiti ka ram raq ajam riiwan raüta, tsai wanto.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

JEPHANIA 1:17

Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

TRI CHONGKE 28:22

Tatiwe raq ümniika thabi tsi maiqdü na riilii phan maq mitiitsai. Kiimaq khum na achhang ajong, kiimaq khutsi rasong henghea mitiisaü. Apaiq raq rarin henghea mitiisaü kiimaq rahai haike henghea tiihai raüta, üm wak wa tsam ka wiita mitiithen baiq. Arthun thawa saütlaq arka ümniika wiita miqchup mithum haüshaq wiiwii ümniika tiichamchao ruqli miraq.

TRI CHONGKE 28:26

Ümtiikiiwa ümniika mijiim rai haü, wushi kong nai rum ngamse kong ka wa raüta üm maa phong ka miphaq. Kiimaq kra wushi kong nai ngam kong jobaiqti maiq ka jumin ahüshe miraq.