JEREMIA 16:21 - ASII LAKDAP Bible (BSI)

²¹ “Ikhla,” nguta Tatiwe raq ngutlo, “Ümchaü sanha Ngi raq klang maq lakshi maq panthit, Ngi raq mangjong hiq na maiq mung ümchuwa sitlaq kriima, Ngi ningkun jong nai Ngi arang jonglu kriishe mitiichhi kuqha. Raüla tsangshiq raq Ngi ardea Tatiwe nguta misap wan.”

Hawa Naga Bible 2001

²¹ Yehowa rueq, “Kvkhoc ngoz ruiux ngaz rueq ngvy luimc vkawc nuiyc lotlaungc lvmz kuex kvlaungx taq tsuingshiq muex tvtuiuz shaungx; ngaz Yehowa rvtauk lvmz kuex tsuingshiq rueq tuiuz wvnc wuez shuex,” ngoz tueq jungx tueq.

JEREMIA 16:21 Referencias Cruzadas

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 15:3

Tatiwe ka nolajong; apaiq mang ka Tatiwe.

DUNGWVNC 6:3

Ngi ka Abraham phana, Isak phana, kiimaq Jakob phana Ningkun Ajong Shiikeawe heshap maq riihumki kang. Shatmaq Ngi raq tsangshiq ma imang asii Tatiwe kra chonglatiika tiisap kuq mang dea.

ISAIA 43:3

Ngi ka Tatiwe üm Shiikeawe, asii Israilnok Shiikeawe, ümnaq chhiitiwe. Ngi raq Ejip mung ka ümkhum dokda miitu mikuqbaiqha; Ngi raq Sudan mung nai Seba mung mikuqbaiqha.

JEREMIA 33:2

Tatiwe, hiq tiiqtiwe, jurwa tiiq lo raüta hiq ka ashong chang ba na shongtiwe raq ngi ma akha chongto, Apaiq mang ka Tatiwe kriiraq nguto,

EJEKIEL 24:24

Kra akhing niishetiq irilung arka namshiq ma miithii shong ashi miraq. Ngi raq jamlai wa klokang kra namshiq riishe miklohan. Tatiwe raq ngutlo kra akhing saüwa raüla, namshiq raq Apaiq kriidea Tatiwe ngutiishe misap han.”

EJEKIEL 24:27

Kra ranaiq akhing niisiitiq she, ümbom mokitaq kra abom miitu ningkun she milap nong haü. Kiimaq ümniika apaiq rai mirbom haü. Akha ümniika mungmaiqse ma miithu shong ashi miraq. Kiimaq tsangshiq raq Ngi ardea Tatiwe nguta misap wan.”

EJEKIEL 25:14

Isengi Israilnok raq iphuk lam Edom mung ka mikhat baiq. Raüta tsangshiq raq Edom mungti ma itsankhiq walü hengtlaq kra mitiisap kuq. Edom mungti raq i phuk lam walü nyai raq khiim kriishe misap wan.” Arka Tati Rakaü Hiqwe raq toqtanto.

EJEKIEL 6:7

Maiq thun ka barap binrii wa wiita mijiipbaiq, kiimaq aso ümchuwa tiichong jiiq, tsangshiq raq Ngi ardea Tatiwe nguta misap wan.

AMO LUIK DVP (AMOS) 5:8

Tatiwe raq raiqsaiq raiqsii tiiqto, pleiads nai Orion, jurai liirai raiqsaiq tiiqto. Apaiq raq rawa ka ranaiq tiija tlo, ranaiq ka rawa tiija tlo. Apaiq raq sammok tra kham hea raüta, mangjong hiq raikhü raübaiqto. Apaiq mang ka Tatiwe