JEREMIA 16:19 - ASII LAKDAP Bible (BSI)

¹⁹ Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

Hawa Naga Bible 2001

¹⁹ Yehowa lex, mnoz kuex ngvy tvkhup wungx vtueq hungc vlaungc kuy jix rvtoq; kuilc daz rvhumc vkhing nuex mnoz rueq ngaz muex romc kuq phux. Ghaq tvsuip wawc miqphvnx htenc kuex mnoz kox nuex kaz vtueq, “Nuiyshiq jix vwaz tamx kuex phara yac yuimx htenc maq lvy vtueq vganc yvmx muinz vguez, kvruex htenc kuex vjux vguez nuiyc khuec guez dvyx rvtueq.

JEREMIA 16:19 Referencias Cruzadas

1 HOKHVMX 20:23

Hokhamwe Benhadad sengi ajong alabi raq apaiq ma nguto, “Israilnok phrakong ka pum na siti. Kriikha maq Israilnok raq nashiq ka khat raüta tangto. Shatmaq nashiq raq tsangshiq ka hiqthung tan maq khathai jiika, nashiq raq tsangshiq mitang rong i.

Tvtsvmc 18:3

Ngi raq Tatiwe heakang, kiimaq apaiq raq ngi ka ijaqtinok jaq wa tiichhiikuqtlo. Tatiwe miili tiitsam!

Tvtsvmc 19:14

Ibomtsi thun nai ngi tiima tsantsii thun ka ümniiraq taoli chang dea mirlaq, O, Tatiwe lei, ümniika ngi tiipaü chang kiimaq ngi dokdatiwe!

Tvtsvmc 27:5

Chamchao ranaiq na apaiq raq ngi mitiiwongkuq; apaiq raq ngi ka apaiq Shomjam na tiiwongkuqshat miraq, kiimaq longkaü diiluwiq thaq na tiiwongshat mitiinga.

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

Tvtsvmc 62:2

Apaiq riili ngi tiiwongtlo kiimaq chhiikuqtlo; apaiq ka ngi tiichhiiti, krai mren ngi ka re raq ümtiikiimin tangmak.

Tvtsvmc 62:7

Ngi tiichhiiwan nai ikhushü tiijong luti Shiikeaweli; apaiq ka ngi tiiwongti nolajong; apaiq ka tiiwongtiip.

Tvtsvmc 65:3

tsangshiq ngarai thun miitu. Naishiq shutphit thun raq naishiq tiidea baiqtlo, shatmaq ümniiraq kriithun ka diikuq laü.

Tvtsvmc 68:31

Ejip mung wa kiimwebi thun miwa; Sudan mungti raq tsangshiq jaq do raüta Shiikeawe jaq wa achu mijaü.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 44:10

Jin maq sumla phra tiiq raüta noqpi ka atuli. Jamlai awet min ahü!

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

ISAIA 45:14

Tatiwe raq Israil ma ngutlo, “Ejip mung nai Sudan mung tsiiqtum ka ümniiriishe miraq, kiimaq maiqjong maiqlu Seba mungti ka ümdisekong she mija; tsangshiq ka ümjai phan phan jinraü maq khaje miwa. Tsangshiq ka ümjichong na bum raüta tsangnü maq, ‘Shiikeawe ka ümniirai— apaiq kli dea Shiikeawe ka.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 62:2

Jerusalem lei, maiq mung thun raq ümniiraq rekhat tang wan kra michhi! Tsang hokhambi kunli raq ümkhushü jong kra michhi. Ümniika mang anye miishe mihea, Kriika Tatiwe apaiq raq amangkuq.

JEREMIA 10:3

Arnok thun thatsang lamphan ka thiihü. Rum wa pechong ashi daqtlo; raüta kra pe sham smati raq laklü tansang thun maq aheawiq wat haihuntlo.

JEREMIA 10:5

Akhnok sumla phra thun ka kumpiip rü na khala tiihai ma sumla ahaithü ikha; tsangshiq ka abom min bomtsü mak. Tsangshiq maiq raq api wan chang. Jamkhano ngukla tsangshiq ka khumtsü mak. Tsangshiq ma naqhai rongkiq; tsangshiq raq ümniika jamkhiimin riilot mak, kiimaq tsangshiq raq ümniima ahea jaq min shamkuqlot mak.”

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 14:8

Ümniili she Israil mung tsantsii riiwiiq chang ka; ümnaq kli naishiq ajiim wan wa tiichhiiketi. Ümniika naimung na wanwe ikha jam nguto jaki laü? wanwe lamlea wanti ra wa shi se lamjap wanti ikha jam nguto jaki laü?

JEREMIA 17:17

Ümniika ngi tiiphiipjiiptiwe ma naq jakiq. Chamchao akhing ranaiq ümniika ngi tiipaükai chang ba.

JEREMIA 2:11

Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.

JEREMIA 2:8

Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

JEREMIA 3:23

Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

EJEKIEL 11:16

“Riita ümchaü ümniiraq ümnok ümta munglu shumwi sitlaqti kiima Ngi raq jamlai wa chongtiikang ara chongkuqlaq. Ngi ahata tsangshiq ka pongmung thun luhea na siwa rongkiq nguta tiiwabaiqtiwe. Kiimaq maiq mung ahin thun na nyinbaiq wanti. Li jiimin Ngi ka jaqlo miitu tsangshiq rai adam kra mung thun na sitiikang.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

NAHUM 1:7

Tatiwe ka ahea; Apaiq raq asengi, chamchao mong wa, tiiwong kuqtlo; Apaiq wokhong na nyap wanti, apaiq raq shiilitlo.

HABAKUK 3:19

Tati Rakaü Hiqwe raq ngi ma, ningkun kuq tlo, apaiq raq longraq kam khu miimin chhingi kaü ikha, iji ni ka pharang rang tiikhum tlo. Apaiq raq ngi ka raq khakhu miili, juwan ha jiimin, chhanlan mang phan, tiiju tlo.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Romans 1:25

Arkha niishe tiina, tsangshiq raq Shiikeawe lamphan sap wan chang tengteng bomtsi kriika, no niishe tsuqbaiq raüta, arot akiq lam she phan tlo. Tsangshiq raq Shiikeawe ka shomnoq raüta, apaiq wokhong na siwan rii na, apaiq raq aphansang thun kra khoti shomnoqtlo. Maiqse riika akha riikli jiimin, Shiikeawe khushüli mijong laq! Amen.

1 Peter 1:18

Jamkhano ngukla, namshiq raq asap han, namrilung ka namtitiim raq akuq thü thiihü rilung kra daa wan miitu athii kuq wantaq kra asap han. Kriika atiithen baiq chang phan kampho riimakla chaq ikha hupsam ka riimak.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”