JEREMIA 15:7 - ASII LAKDAP Bible (BSI)

⁷ Armung na chelatek na Ngi raq namshiq ka tsamkü bun rahai ma tiipanbaiqtlaq ikha wanbaiq kang. Ngi raq namshiq ka tiithenbaiqkang, isenginok lei. Ngi raq namsetiim tsatbaiqkang, jamkhano ngukla namshiq raq abi lamphan ka thaqbaiq man riilan.

Hawa Naga Bible 2001

⁷ Ngaz rueq mnoz kuex mungtan wawc miqghaq htenc nuex raungguil nuex pvnc gay yaq wekkhix ikhoc tuip gay phaungx. Ngvy miqsaz lex, ngaz rueq mnoz tvbac gay phaungx, mlayx vbac kuex mnoz rueq httvr muq ningkhvnc nuex msahez kuex ngaz rueq thvt gay tauk.

JEREMIA 15:7 Referencias Cruzadas

Tvtsvmc 1:4

Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 51:2

Ngi raq pongmungti tiiki lata rahai raq tsam chhii pan wan tlaq ikha Bebilon mung kra mitiithen baiqha. Kra athen wan akhing she saüwa raüla, tsangshiq raq Bebilon mung ka shokrap norii miishe mikhat wan. Raüta kra mung ka hiq maq hutse tiisiirai mitiithen baiq.

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

EJEKIEL 24:25

Tatiwe raq nguto, “Riita ümchaü min, maiqse lei, Ngi raq tsangshiq makki wa tsangshiq khushü jong chang kiimaq tsangshiq chochi chang, tsangshiq raq aliisea lungwiitlaq kiimaq kiijaq khumki raüta liiseakai rotlaq, angang alang pinthum Shomjam kra alam she mirbaiqha. Kiimaq Ngi raq tsangsetiim maiqwese kong nai jechakse kong thun kra alam she mirwanha.

EJEKIEL 36:12

Ngi raq Isenginok, namshiq Israilnok ka nammung na mitiijang tsuq wan nongha. Lata mitiishong ha. Kriika namshiq maiqmii hiqshong rahai she miraq. Kra hiq raq namsetiim ka amang alei, songtsi ramtsi ma tiichamchao mak she miraq.

JEKERIA 1:4

Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

TRI CHONGKE 28:18

“Tatiwe raq ümniika ason miraq. Kra ningkhan ümsetiim ka atsap seli miraq. Tsam ka atsapseli milap haü. Kiimaq minsaü kiimaq sku min atsapseli miraq.

TRI CHONGKE 28:32

Ümmak ki na ümsetiim maiqwe sere kong nai jechaksere kong ka pong mungti ma disetiim ma tiija ma mikuq baiq. Wranaiqtek ümniika makshü jaqshii ümsetiim ka ümtiiko jang wan jiiq nguta maklii khamthii misi haü.

TRI CHONGKE 28:41

Ümsetiim maiqwe sere nai jechaksere ka asi miraq. Shatmaq tsangshiq ka ümjam kun wa amo mirki. Jamkhano ngukla tsangshiq ka munglu shumwi kong ma pong mung na mitsuq wan.