JEREMIA 15:6 - ASII LAKDAP Bible (BSI)

⁶ Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

Hawa Naga Bible 2001

⁶ Nuimshiq rueq ngaz kuex tvdux gay phuinx; nuimshiq rueq ngaz muex yix tvnungx shung gay tuit. Kvkhoc rvtueq ngvy thuinkhvy nanx kuex vjvnc shex ningkhvnc nuex ngaz rueq yauk tvlanc vtueq nuimshiq kuex rop gay phaungx.

JEREMIA 15:6 Referencias Cruzadas

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 28:13

Kriikha niishe Tatiwe raq namshiq ma lak kaü ka tsishishi se maq, lamshishi se maq, leson ka ashishi maq mishrinkuq. Kiijiishetiq namshiq ka kiimwiiq aweatek na atiithaptha mirhan. Namshiq ka mitiibukrai han, lantea ami atsitamli she mirhan, Kiimaq thiikho na midea han. Raüta munglu shumwikong miishe mitsuq wan.

ISAIA 31:3

Ejip mungti ka tisho kong ka riimak. Tsangshiq ka miinan han-ngam maiqse siili. Tsangshiq kumrangkong ka winjikong ka riimak. Ümtiikiiwa Tatiwe raq chongwai shamjiiq, maiq mung ningkun jonghea rümti mung kiimin wiita miqchup mithenki. Kiimaq ningkun ajom mungti tsangshiq tijong horaüta siti ka wiita miqchup mithen wan. Tsangshiq mungnai wiita khoshi na mitiideabaiq. Raüta mithen.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 6:11

Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

JEREMIA 6:12

Tsangshiq jam awak thun ka maiq ahinti miishe mili kuq baiq wan. Krai mren tsangshiq wak ajam thun nai tsangnyungtiim kiimin wiita mikuq baiq wan. Ngi raq armungti ka ninta she mitsat ha.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

JEREMIA 7:16

Tatiwe raq nguto, “Jeremia, arnok miitu achu naq jaükiq. Tsangshiq miitu naqhoqkiq riimakla tsangshiq miitu achu min naqjaükiq. Tsangshiq miitu ngi ma naq tiipaiq neakiq. Ngi raq ümnaq achujaü ka tai mang mirha.

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

JEREMIA 8:9

Namshiq phong wa taksu maiqsetiim ma jeashe mitiingaü. Tsangshiq ka mrumrang she. Kiimaq tsangshiq ka thiikho na midea. Tsangshiq raq ibomtsi shishe baiqto, Tsangshiq raq jamlai taksu tsii wa humta.

EJEKIEL 14:9

“Kiimaq shammiwe ka ajiq bomtsi chongkuq raüta tlao rai haüla, apaiq kiimin, Ngi Tatiwe raq laobaiq kha na tlao raito ngushat. Ngi raq apaiq ka isenginok Israilnok phungtu mong wa atiidong mirbaiqha.

EJEKIEL 25:7

Ümniiraq akha slailiisiq wan laü kha na, Ngi raq ümniika pong mungti thun jaq khon mong niishe mikiinong kuq baiqha. Tsangshiq raq ümniika mitek wan kiimaq ümtsiiq thun ka tiisiirai mitsuq wan. Ngi raq ümniika tiimiq chup mitiithen baiqha. Krai mren, ümniika maiq mungtan ashi ka jalot maü she miraq. Kiimaq ümniiraq arka naimung dea nguta ngochang ka ahü she miraq. Kiijiishetiq ümniiraq Ngi ardea Tatiwe nguta misap haü.”

EJEKIEL 35:3

Tsangshiqnok ma, Ngi Tati Rakaü Hiqwe raq jamlai wa ngutiikang ara chongkuqlaq: Ngi ka ümniima wesang, Edom mung wa pum thun lei! Ngi raq ümniika hiqmiq changkhü ma mitiijabaiqha.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

JEPHANIA 1:4

“Ngi raq Jerusalemti ma mo mitiihoha. Kiimaq Juda mungti tlotli. Kiiwa Baal phra shomnoq chang thun kra, wiita hiq maq hutse mitiithenbaiqha. Kiimaq apaiq shomnoqti, thatsang maiqse ramwebi mang, jurmin tiitsang mak she miraq.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.