JEREMIA 15:4 - ASII LAKDAP Bible (BSI)

⁴ Ngi raq mangjong maiqse tlotli ka tsangshiq miq wantaq kra chhi raüta phiip ma mitiitsaiha, jamkhano ngukla Hejekia se Manase raq apaiq raq Juda mung hokham jawantaq akhing na Jerusalem maq jamlai wa abi klo wantaq, kra kha na, Ngi raq ara klo wan tiikang.”

Hawa Naga Bible 2001

⁴ Hezekia saz Manase kuex Yuda hokhvmx yaungx yaq nuex, Yerusalem nuex piq rueq shuimx wvnc tueq yauk shuimc ningkhvnc nuex ngaz rueq mungkawx miqsaz lotlaz muex ekvruex hez kuex khiz vtueq tvkawc yawc shaungx,” ngoz tueq.

JEREMIA 15:4 Referencias Cruzadas

2 HOKHVMX 21:1

Ümtiikiiwa Manase ka Juda mung na hokham ma shongtaq kiitiikaq arawii ka wiiroqshi ri wiinai riito. Apaiq raq mung ka Jerusalem maq nga raüta wiiroqbiingi ri wiibiingi siqto. Anyung mang ka Hephjiba.

2 HOKHVMX 21:15

Ngi raq arthun ara isenginok khuthaq na miklo wan ha, jam ningkhanno ngukla, tsangshiq raq iman na ngarai pahea klo wanto. Raüta tsangtitiim pat na Ejip mung maq laü wanli miiphat ümchaü niitaq saüli itsankhiq ka shaü wanto.”

2 HOKHVMX 21:2

Pongmungti thun raq Tatiwe makki na maiqphai asi ngarai tang wanto. Kra ningkhan Tatiwe raq asenginok miki na pongmungti thun ka tsang mung wa jobaiq wanto. Manase riimin kriithun ngarai ka tangto.

2 KAÜWA WERAÜ 33:1

Manase ka arawii wiiroqshi ri wiinai na Juda mung na hokham ma shongto. Kiimaq apaiq ka Jerusalem na ngaraüta mung ka wiiroq biingi ri wiibiingi siqto.

2 KAÜWA WERAÜ 33:2

Maiq mung thun raq maiqphai asi ngarai bihea klo wan kha na Tatiwe raq kra mung thun ka asenginok ma mungshi shi maq tiikhat wan wan raüta wiita jobaiq wanto. Manase raq tsangshiq jai phan kriithun ngarai kra hali klo wanto. Raüta Tatiwe makki na ngarai tangto.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

EJEKIEL 18:19

“Shatmaq namshiq raq akha waitlan: ‘Riita awe ngarai thun miitu ka ase raq jaro mo homak?’ Kra bomtre ka ara; Ase riika tri na jamlai wa riikhaqli kiimaq athuk atsom kra shamto. Apaiq raq itri raütu ka riikhaqli rümto. Raüta athuk atsom aheawiq tsapkapkap maq tri thun kra langto. Kra ningkhan, tengteng apaiq ka atra misi.

EJEKIEL 23:46

Riita Tati Rakaü Hiqwe raq ngutlo: “Mung maiqse phong shea wan laq. Lanta tsangnai ka phiip ajiip ma tiitsai ronglaq. Lanta tsangnai tsiiq anyam ka wiita trunbaiq ronglaq.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.