JEREMIA 15:3 - ASII LAKDAP Bible (BSI)

³ Ngi, Tatiwe raq, tsangshiq khuthaq na phiiptsi chang phanblai tiisaü raa dongdii nguta tri ashat thü kun she: tsangshiq ka re na mijiim; tsangshiq maa phong ka hi kong raq mihit phaq wan. Rum wushi kong raq tsangshiq maa phong ka miphaq. Kiimaq kiiwa abung tiichongtlaq ka rum ngam kong raq miphaq.

Hawa Naga Bible 2001

³ Ngaz, Yehowa rueq tsuingshiq nuex vhiz juing phvnx bvlic yaungc wvnc tvkoc htvp htaz taq tauk: tsuingshiq kuex ralx rvlungc nuex thvy gay rvhumc tuex; tsuingshiq maungx htenc kuex guyhex rueq het wvnc rvhumc tuex; wushawx htenc rueq saq shuex, ngvmx saz svl vwvl rueq kvjungx yaq htenc kuex phauk gay shuex.

JEREMIA 15:3 Referencias Cruzadas

Tvtsvmc 68:23

Krai mren ümniiraq ümjaqtinok tiijai khamrai kra mirap haü, kiimaq ümhikong raq maiq tiijai ka ümchu nyangro wa kra mimesiq.”

ISAIA 18:6

Tsangshiq phenlabi maaphong ka hiq na riiphong riirong wushikong nai rumngam sekong riili miphaq. Raju ji na wushikong raq maiq maa phong ka miphaq. Kiimaq diwin ji niika rum ngamse kong raq miphaq.”

JEREMIA 12:9

Isenginok ngi raq atsea arwanha ka rum wa wushi kaü ikha; trotam ma liikong raq tamphaq wanto. Rum ngam kong ka healaq, wa raüta ngamphaq poi ka milomdamlaq!

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 14:16

Tsangshiq raq mungmaiqse ma ara bom chongkuqtaqti thun kiimin tsangshiq rai adam na kiikhiisii mitsai. Tsangshiq maa phong ka Jerusalem na chhii heawea lam thun kiijaq küram liira mirphong. Kiimaq tsangshiq maa lapsheti maiq ka jumin ahü miraq. Arka tsangshiq tarü ma misaü wan. Tsangchaktiim, tsangsetiim maiqwesere kiimaq jechakse kong kiimin, wiita mijiipbaiq. Tsangshiq raq ümtinkhan wa ashut klowantaq kra kha tham ka Ngi raq tsangshiq khuthaq na akha miphong kuqha.”

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 7:33

Maiq maa phong ka wushi kong raq nai rumnyamse kong raq miphaq. Kiimaq kriithun jobaiqti maiq ka ahü miraq.

AJONJÜ 3:11

Apaiq raq ngi ka lamphai na joho raüta, kholam kholiiq kaqphaqto. Raüta thaq baiqto.

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.

EJEKIEL 33:27

“Tsangshiq ma chonglaq, Ngi, Tati Rakaü Hiqwe raq tsangshiq ma honlam bom chongtiikang, tengteng, Ngi ka atra Shiikeawe. Athen arki chela thun na siti mungmaiqse thun ka re jaq na mitsai. Kiimaq hiqshong thun na siti mungmaiqse ka rum wa ngamthaiq kong raq mikaqbaiq. Raüta miphaq wan. Kiimaq ku akin thun na kiimaq chongkhong longsha thun na tiipaüti thun ka thadong raüta mitsai.

LEWI 26:16

Ngi raq namshiq ma mo mitiihoha. Ngi raq namshiq khuthaq na tsamku mitiiwaha. Ahea chang phan riimak thatsi, kiimaq tsidong raq nam mak ka mitiichuk baiq. Raüta nam rilung ka wiita atiijam mitiisa baiq. Namshiq raq tsamlai ka wak na miwan kihan. Shatmaq namshiq ma jamliip min ahü miraq. Jamkhano ngukla namjaqtinok raq namshiq ka mikhat wan. Raüta namshiq raq achhi jang han tü atsam ka wiita miphaqsiq wan.

LEWI 26:22

Ngi raq namshiq phana phiiptsi chang ngamthaiq kong she mitiiwaha. Kiimaq ngamthaiq kong raq namsetiim ka mikaq raüta mitsai. Namshiq jam nyamse kong kra mitiithen baiq. Kiimaq namshiq ka atsap seli mitiichong han. Kiimaq chiihea wea tung alam thun kiijiimin maiq akhum ashiimti ka ahüshe miraq.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

TRI CHONGKE 28:26

Ümtiikiiwa ümniika mijiim rai haü, wushi kong nai rum ngamse kong ka wa raüta üm maa phong ka miphaq. Kiimaq kra wushi kong nai ngam kong jobaiqti maiq ka jumin ahüshe miraq.

TRI CHONGKE 32:24

Tsangshiq ka ramdong raq nai tsidong raq mitsai; tsangshiq ka phiiptsi chang thadong raq mitsai. Ngi raq rum ngam kong tiiki lata tsangshiq miitiikaqha, kiimaq alai henghea paükong tiiki lata mitiithaüha.

Revelation 6:8

Kiijaq ngi raq liikang. Kiimaq lütaitai kaü, kumrang ashi chhikang. Kriithaq na chaoti we mang ka Tsailam we nguta chongtlo. Kiimaq apaiq jaiphanti we mang ka Wulum we nguta chongto. Tsangnai ma mangjong maiqse ka, manblai wa manshi rii ka redong na, ramdong na, kiimaq thadong raq, kiimaq rum ngamse lümaq tiijiip baiq miitu arang kuqto.