JEREMIA 15:19 - ASII LAKDAP Bible (BSI)

¹⁹ Ara ngukangta Tatiwe raq akha treto, “Ümniika iwokhong na jang wa nong haüla, Ngi raq ümniika mitao wan nongha, kiimaq ümniika ijaqshise ma hali mija nong haü. Kiimaq bang bang bomtsi kra chongke la na, ümniiraq athii atsin bomtsi ka riikhaqli maq chiiriim laüta chongkuq haü jiila, ümniika ishammi ma hali mija nonghaü. Mungmaiqse ka ümnaq phana hali miwa nong. Ümniika tsangshiq pha na kairai ngomin rarai mak she.

Hawa Naga Bible 2001

¹⁹ Vruex ningkhvnc nuex Yehowa rueq tvralc tueq, “Mkhoc shoc maq mnoz yek ruiux, ngaz rueq tvyez shvlx wvnc phaungx, mnoz kuex ngvy nvrc waz muex tvyaungc yek phaungx. Mkhoc shoc maq mnoz rueq vjux vguez bomjungc kuex kvjak muq maq, vjux vhttax kvjaz dvyx kvjak ruiux yuq, mnoz kuex ngvy shvmmax muex yaungx yek tuiux. Miq htenc kuex mnoz kox nuex yek tuex, mnoz tsuingshiq kox nuex kay rac muq.

JEREMIA 15:19 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

DUNGWVNC 4:12

Ümchaü min, kilaq! Ümnaq jamkhii bom chang wa ka Ngi raq mikhrum kuqkang. Kiimaq jamlai chong chang wa kra Ngi raq michong kuq kang.”

TAKSU LAK 22:29

Ümniiraq howe minwe chhitlaü shea? Apaiq ka hokhamwe rai nga raüta jaq misham. Manghü rahüti rai ka simak.

JEREMIA 1:9

Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 35:19

Arningkhan, Ngi, Tati Ningkun Ajongwe, Israilnok Shiikeawe raq, ara kiqkham raüpot khakuq tiikang, Rechap se Jonadab raq Ngi shiikumpan wan miitu, alai maiqwe se ka pattup pat-sa hum wan ruq miraq.”

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

JEREMIA 6:29

Ja tiiqchang jam na khi wa ka kai henghea nyaisiqtlo. Shatmaq wadaiq phong ka ajam ka jammak she, atsin kai kun she. Arningkhan isenginok ka wa na ümtinkhanli tiijo chaq raü min jamkam taichang riimak she. Jamkhano ngukla tsangshiq phong wa maiq abi maiqse kong atei arbaiq ka lambaiq wan mak shaqli.

AJONJÜ 1:11

Asenginok ramlü ramshii haü wanto, Raipo wonglo jamin ahüshe riito. Tsangshiq tsiiq chong nyamchong, tsitsü riichüm miitu phaqsea maq klaito, “Tatiwe lei, ngi ara liilaq, ngi akit ajom riihum kang,” nguta chelati hoqtrang tlo.

EJEKIEL 2:7

Ngi raq ümniima jamlai bom wa tiichongki tiikang kra tsangshiq ma michongkuq haü. Tsangshiq raq taitlo, taimak lo. Tsan na tiitsanglaq tsangshiq ka ikiq khü srutinok.

EJEKIEL 22:26

Ramwebi raq itri raütu thun kra jintlo. Kiimaq jamlai wa asii hupsam thun kra shreng mak riitlo. Tsangshiq raq asii phan nai siimak phan hupsam liipan na atsea atsiiq chang nguta sap mak. Tsangshiq raq maiqse ma asii phan hupsam nai ashe ashi phan hupsam liipan na arai arii raüta shrinkuq mak. Kiimaq tsangshiq raq Asii Niitiitsak Ranaiq ka shili shaqlaqli liitlo. Kra ningkhan na Israilnok raq Ngi ka shreng mak.

EJEKIEL 44:23

“Ramwebi raq isenginok ma jamlai wa asii, kiimaq jamlai wa siimak, kra tseatsiiq wan kra tlangke ratlo. Kiimaq jamlai phan wa asii, alang mimai, kiimaq jamlai phan wa, apii lang mai chang kra tseatsiiq wan kra shrinke ratlo.

LEWI 10:10

Namshiq raq Shiikeawe rii athiiq nai wiita raq joli na lang chang kra arai arii wan ka sap ratlo. Jamlai wa asii kiimaq jamlai wa siimak apii chang kra asap ratlo.

LEWI 14:57

Arthun tri maq shin raüta jamlai wa ashe kiimaq jamlai wa asii kra thapthitlo.

Jona 3:2

Apaiq thaüto, “Tiidolaq, laüta Ninewi chelajong kiina walaq. Laüta ngi raq chongkang traho bomtsi kra chii riimho riimho chongkuq wakiq.”

JEKERIA 3:7

Tati Ningkun Ajong Pinthumwe raq chongtaq kra chongto: “Ngi raq akuqha tri raü thun kra tingting maq lang laüta, ngi raq ümniima jaqsham akuqha ka, khaqkhaq sham haü jiila, ümniika Shomjam mong na jaqsham arang hoti aki ashi mija haü. Kiimaq khokthun kra liiti ma mija haü. Kiimaq ngi rai siti rasetiim achu jaü tre tiikang kiikhiisii, ümnaq achu jaü kiimin mitre ha.

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

Luke 12:12

Kra akhing na, namshiq raq jamlai bom chong chang wa kriika, Asii Wenyi raq namshiq ma atlang mirkuq.”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Acts 20:27

Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

Galatians 2:5

Shatmaq, namshiq miitu, tengman tlaq Tsütsa Ahea bomtsi ka awongsii thü wan miitu, naishiq raq tsangshiq kiqtsi na akhiismin shonbii wan mai riikai.

Hebrews 5:14

Dung chungkaq seati kriika maiqla she ngushat. Kriika maiqmii rilung na, Shiikeawe bomtsi kra lang raüta, Shiikeawe maklii na, jamlai wa ajiq nai alam kra tseatsiiq wan angam she. Kiimaq atsin she ngushat.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--