JEREMIA 15:19 - Hawa Naga Bible 2001

¹⁹ Vruex ningkhvnc nuex Yehowa rueq tvralc tueq, “Mkhoc shoc maq mnoz yek ruiux, ngaz rueq tvyez shvlx wvnc phaungx, mnoz kuex ngvy nvrc waz muex tvyaungc yek phaungx. Mkhoc shoc maq mnoz rueq vjux vguez bomjungc kuex kvjak muq maq, vjux vhttax kvjaz dvyx kvjak ruiux yuq, mnoz kuex ngvy shvmmax muex yaungx yek tuiux. Miq htenc kuex mnoz kox nuex yek tuex, mnoz tsuingshiq kox nuex kay rac muq.

ASII LAKDAP Bible (BSI)

¹⁹ Ara ngukangta Tatiwe raq akha treto, “Ümniika iwokhong na jang wa nong haüla, Ngi raq ümniika mitao wan nongha, kiimaq ümniika ijaqshise ma hali mija nong haü. Kiimaq bang bang bomtsi kra chongke la na, ümniiraq athii atsin bomtsi ka riikhaqli maq chiiriim laüta chongkuq haü jiila, ümniika ishammi ma hali mija nonghaü. Mungmaiqse ka ümnaq phana hali miwa nong. Ümniika tsangshiq pha na kairai ngomin rarai mak she.

JEREMIA 15:19 Referencias Cruzadas

1 HOKHVMX 17:1

Gilead mungx Tishbe ghaq jix vmuingc Eliya ngoz yaq shvmmax washiz rueq Hokhvmx Ahab muex ngoc, “Yehowa muingc maq muinz, ngaz rueq shuimx kuq vshaungx vtvraungx httax yaq Israel Tishox maq muinz ngaz rueq jungx yek shaungx nuex httuiuc laz, vruex wawc nueyc wawc thuimx vyuq buing muinz dvy muq, raungx muinz yunx muq rvtuex kuex ngaz rueq mnoz muex jungx vphaungx,” ngoz tueq jungx tueq.

DUNGWVNC 4:12

Majuiuc kaz kuiuz! Mnoz muex kvjaz ngaz rueq romc kuq phaungx, mnoz rueq yvmx khoc jungc juing lac kuex ngaz rueq jungx kuq phaungx,” ngoz tueq jungx tueq.

TAKSU LAK 22:29

Yauk shuimc tsvp kvp jix miq kuex ngaz muex tvkhic kuq kuit, kvkaq hokhvmx kungjix yaungc aungx yaq nuiyc vganc jix paunghvlc htauk nuex muinz vhvlx pinhtumc waz kuex mnoz muex tvkhic phaungx.

JEREMIA 1:9

Kvmaq Yehowa rueq piq yauk tenz ruiux, ngvy nuix nuex htuinc vtueq ngaz muex jungx phuex, “Tay shuiuz, mnoz rueq jungc juing kvjaz htenc kuex ngaz rueq kuq vphaungx.

JEREMIA 15:1

Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

JEREMIA 20:9

Yuq muinz ngaz rueq, “Ngaz rueq Yehowa kuex lauk gay ruiux, vpiq muingc maq jungphvnx mauk shex,” ngoz tueq jungx ruiux yuq, mbomjungc kuex ngvy thuinz mungx nuex wvr rueq ikhoc khamc gay yaq. Kvruex tvkuiux raz lot tvkoc vhvlx maq hunglaungx tauk, yuq muinz kvruex raungluingx saz muinz nanx lot mauk.

JEREMIA 35:19

Kvkhoc rvtueq ngaz, Tvphaungc Tvsuip Yehowa Israel Tishox rueq Rekhab saz Jonadab wawc ngaz muex shuimc lvmc kuy tvkoc suiuz vsaz miqwaz saz kuex tvhttoarc vtueq httaz wvnc tuex ngoz tueq bomkhvmc kuq vphaungx,” ngoz tueq jungx tueq.

JEREMIA 4:1

Yehowa rueq, “Israel miqsaz htenc lex, mkhoc shoc maq nuimshiq kuex ngaz kox nuex yek waungc roc ruiux yek woz luit. Mnoz ngaz muex tvmtuing httax vtuiux ngoz ruiux kuex ngaz rueq shuiuc vshaungx yac yuimx htenc kuex tvhttot lvmz gay ruiux,

JEREMIA 6:29

Junx tvyuimx shoay juing wvrkez kuex kalc hvlc rvtueq, yuq muinz junx tix kuex yuimx muq. Layx bac jix miqsaz htenc kuex thvlc gay guez ningkhvnc nuex ngvy miqsaz htenc kuex tvhttoarc vtueq jenx lawc tvkoc vjux vguez.

AJONJÜ 1:11

Piq miqsaz htenc rueq phuiuz vsvy thuiyx yaq nuex wvraungx nuiyq kvbot nyvnx wuez tueq; Tsuingshiq shauk pumz tvraungx lvp tvkoc tsuingshiq tsak vnyvmx maq phuiuz vsvy layc wuez tueq. Ghaqyungx rueq, “Yehowa lex, ngaz kuex lawc koq; ngvy thuinz kuilc daz vtaungx kuex khiz kuq koq,” ngoz tueq guyc sez tueq.

EJEKIEL 2:7

Tsuingshiq rueq tay shuex yuq muinz, tay muq yuq muinz tsuingshiq muex jungc kuy tvkoc ngaz rueq mnoz muex jungx phaungx yvmx yuq muinz mnoz rueq tsuingshiq muex jungx shuiuz. Tsuingshiq kuex tvgap gawx jix rvtueq kuex rvwvl shuiuz.

EJEKIEL 22:26

Shomc waz bix rueq ngvy tvrac kuex tvbac gay ruiux, vsawc taungx vwawx kuex tvtsanc nganc muq. Tsuingshiq rueq vsawc nuiyc sawc muq kuex tvrv-phvlc muq. Tsuingshiq kuex vsawc nuiyc sawc muq phvnx kuex rv-ngvlc muq lvmz tvluing wuez muq, Vguilc Raungnuiyq kuex bvlvmx lawx muq. Kvkhoc ningkhvnc nuex Israel miqsaz kuex ngaz muex tvtsanc nganc wuez muq.

EJEKIEL 44:23

“Shomc waz bix rueq ngvy miqsaz htenc muex vsawc nuiyc sawc muq kuex tvrv-phvlc thenc tvkoc muinz, nawk palx htungx nuex seng vtueq vsawc nuiyc sawc muq lvmx htenc muinz tvluingc kuy juing rvtueq.

LEWI 10:10

Nuimshiq rueq Tishox nuex seng yaq phvnx nuiyc seng muq phvnx, nawk palx htungx vlayx maq vsawc phvnx nuiyc sawc muq phvnx htenc kuex tvrv-phvlc thenc rax.

LEWI 14:57

Kvruex kuex sawc yaq, sawc muq ngoz tueq tvrv-phvlc htvp htaz juing tvrac htenc rvtueq.

Jona 3:2

Vpiq rueq, “Yunghvlc Ninewe ghaqyungx kvyuq kaz kuiuz, ngaz rueq mnoz muex jungx vphaungx bomjungc kuex kvruex ghaq wuinz htenc muex jungx kuq shuiuz,” ngoz tueq jungx tueq.

JEKERIA 3:7

Tvphaungc Tvsuip Yehowa rueq jungx tueq kvjaz kuex jungphvnx kuq tueq: “Ngaz rueq mnoz muex yauk shuimc kuq phaungx kuex shuimx kaz vtueq ngvy tvrac htenc kuex phvnx ruiux yuq, ngvy Shomc Yuimx nuiyc kvruex wangx htenc kuex tvhttoarc vtueq shunshvlx lvp shuiux. Ngaz rueq ngvy khaungkac nuex httax yaq raungkamx bix rueq vjux thoz yaq bomc kuex tay kuq shaungx ikhoc, mnoz rueq vjux thoz shuiux bomc htenc muinz tay kuq phaungx.

Luke 1:19

Raungkamx waz rueq, “Ngaz kuex Tishox khaungkac nuex jvp jix waz Gabriel rvtauk, mnoz muex shuenruenc bomjungc vruex jungphvnc kuy tvkoc ngaz nvr tvkaz phuex rvtueq.

Luke 10:16

Yesu rueq vpiq sangac bix muex, “Nuimshiq kvjaz tay jix waz kuex ngvy kvjaz tay jix waz rvtueq, nuimshiq kvjaz lvlc gay jix waz kuex ngvy kvjaz lvlc gay jix waz rvtueq, kvmaq ngvy kvjaz lvlc gay jix waz kuex ngvy nvrc jix Waz kvjaz lvlc gay rvtueq,” ngoz tueq jungx kuq tueq.

Luke 12:12

Yvmx khoc lac ngoz ruiux lec Vsawc Siyac rueq kvruex vkhing nuex nuimshiq rueq yvmx khoc jungc juing lac kuex tvluing kuq kv-phuinx.”

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Acts 20:27

Yvmx khoc lac ngoz ruiux lec ngaz rueq Tishox kvmungx htenc kuex nuimshiq muex lotlaz vtvkhic kuy wuez shex rvtueq.

2 Corinthians 5:16

Kvkhoc rvtueq naungshiq rueq ukhaq muex yuq muinz miqsaz tanc khvnc maq rvjungc miq shex. Mvnnuex Christu kuex miq saz tanc khvnc maq tv-ngvlc wvnc tiq ngoz ruiux muinz majuiuc kuex kvkhoc shuimx miq shex.

Galatians 1:10

Kvkhoc jungx vshaungx kuex ngaz muex miq rueq rvtueq ngoz tueq ngoc kuy kuex lvp tvkoc haz hunglaungx vtaungx? Kvkhoc kuex rvmuq! Ngaz rueq raungc raq vshaungx lvmx kuex Tishox rueq rungx raz raungc raq yaq lvmx dvyx rvtueq! Ngaz kuex miq htumc nuex muingc dung laz haz hunglaungx vtaungx? Miqsaz rueq roc yaq lvmz kuex ngaz rueq thuiyx vshaungx ngoz ruiux kuex, Christu nvrc waz muex yaungx lot mauk.

Galatians 2:5

yuq muinz shuenruenc bomjungc nuex seng vtueq tsuingrux lvmx kuex nuimshiq tvkoc tvkhup tvwungx wvnc muex nuiyshiq rueq tsuingshiq thuinroc lvmx kuex vlosaz doc muinz vsumx khvmz miq.

Hebrews 5:14

Vlaung vtsaung phuiuz vsvy kuex miqlaungx shex hez tvkoc dvyx rvtueq, tsuingshiq kuex vphvnc vjvnc lvmx maq vhvlx nuiyc vbac tv-phvlc tuiuz wvnc jix hez shex rvtueq.

Jude 1:24

Nuimshiq kuex kvrunx kvhttak wvnc muit laz juing tvkhup wungx kuq ruiux, vpiq ngauz vngax khaungkac nuex vyaq mvrax kop muq maq kokez juing kuq lot yaq,