JEREMIA 13:13 - ASII LAKDAP Bible (BSI)

¹³ Kiijiishe ümniiraq tsangshiq ma chongkuqlaq, Ngi, Tatiwe raq armungti ka che tiibak nyang lata wok phetaktak, che maq mitiichokha. Hokhambi thun, Dawit saüsetiim thun kra. Kiimaq ramwebi thun kra kiimaq shammibi thun kra kiimaq Jerusalemti thun kra che maq mitiipheha.

Hawa Naga Bible 2001

¹³ Kvruex yimaq tsuingshiq muex jungx shuiuz, ngaz Yehowa rueq Dawid suiuz vsaz htenc rvtueq hokhvmx bix, shomc waz bix, shvmmax bix, nuiyc Yerusalem miqsaz lotlaz svpiq tix muex pawx nuex httuiuc laz, vruex mungtan nuex httax yaq miqsaz kuex svpiq tix maq tvmvrc taq shaungx.

JEREMIA 13:13 Referencias Cruzadas

Tvtsvmc 60:3

Ümniiraq ümsenginok ka kai tiichamchao laü; naishiq ka cherop kong ikhiishe tro-tri phela raihokai.

Tvtsvmc 75:8

Tatiwe jaq na khap ashi shamshat, kra khap mong na atsankhiq henghea chetsai thütlo. Apaiq raq kra khap kiiwa tsümkuqtlo, abi maiqse tarü raq kra nyangtlo; tsangshiq raq che ka tsantiiheali chhaq khap ka tsit-hok raüta nyangtlo.

ISAIA 29:9

Kriq na, angikong lei, angi ma ja ronglaq! Makchuk konglei ahea na! Che nyanghü miili, chok rai rongliina! Che nükhuqshi min teihü miili trop miikhop phetrang rong liina!

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

ISAIA 51:17

Jerusalem lei, samtlo laq! Maiqmii tiidolaq laüta chaplaq! Ümniiraq moho chekhap ka baknyang laüshe kata! kriika Tatiwe raq atsankhiqtsi ma nyanglaq nguta akuq kata; ümniiraq baknyang laü, kriiraq tropkhop tlaü.

ISAIA 51:21

Namshiq chamchao raitlan Jerusalemti lei, namshiq ka maiq che raq achokrai tropkhop raitlaq ikha tropraitlan.

ISAIA 63:6

Itsankhiq tsi ma, Ngi raq maiq mung thun ka tlotli ji maq nishishi nibaiq kang. Lata tsang mung thun ka bunlak buncha tiibunbaiq kang. Lata Ngi raq tsangshiq tiijai ka hiq na kham ikha raübaiq kang.”

JEREMIA 13:12

Tati Shiikeawe raq ngi ma chongto, “Jeremia, Israilnok ma chonglaq che tsabumtek na che ka ama tuptup mithiilaq. Kra ngu raüla tsangshiq raq mitre che tsabum ngutlaq ka che thümiili raq.

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

JEREMIA 51:57

Ngi raq amungtuwebi ma che mitiibak nyangha lata mitiipheha; taksubi, tuwebi, kiimaq phenlabi. Tsangshiq ka akon mirwan, kiimaq ümtiikiimin samkimak she miraq. Arka, Ngi hokhamwe raq ngutiikang, Ngi ka Tati Ningkun Ajongwe.

JEREMIA 51:7

Bebilon mung ka ijaq na chaq khap ikha shamkang. Lata mangjong maiqse tlotli ma che ka phetak tiibak nyang kang. Maiq mung raq maiqmiimii che khap ka bak nyangto. Raüta tsangshiq ka chok rai raüta chephe maakaiq chhaq sunghü tsiihü she riito.

HABAKUK 2:16

Ümniika jeasi khatamshi, bu laütiishe misi haü. Ümkhushü jonglu rii na, maiq tho dali she miho haü. Ümjaq na chamchao chekok sham laüta, mibak nyang wan haü. Laüta atiimeshi min lot maü, migamgu wan haü! Tatiwe raq ümnaq tiichamchao chang, chekok mitiinyang wan. Raüta ümkhushü jong ka, jea rai li she mitiiche wan.