JEREMIA 12:12 - ASII LAKDAP Bible (BSI)

¹² Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

Hawa Naga Bible 2001

¹² Kumtsvy tvnx wawc ghaq luimx vjoz lotlaz kuex yanz vtueq khvt nyvlc tvkoc miq htenc kuex kaz yaq. Ngaz rueq wvmungx tuimx tvbac gay tvkoc ralx tvlung tauk; washiz muinz nomic httax lot tuex rvmuq.

JEREMIA 12:12 Referencias Cruzadas

ISAIA 34:6

Anep jasai ka tsangshiq tiijai raq nai tsangpü raq mijop wan. Skusekong tiijai nai apü da kiimaq chhechhi kong honglu na ataakuq tiijai nai ngampü raq joptlaq ikha mijop. Tatiwe raq ara honglu thun arka Bojra chela na mitaakuq wan. Ara maiqjiip baiq wan jonghea arka Edom mung maq mitaa kuq wan.

ISAIA 57:21

Ngarai maiqse miika hansang ahü,” nguta Tatiwe raq ngutlo.

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 16:5

“Ümniika maiq maaho manyi jam na düwa maimak. Maiq ka juli tsai raü min naqjokiq. Ngi raq isenginok ma hansang shiiman kuqmang she. Kiimaq tsangshiq ma lungwii tsü nai tiihang mangchan tiichhikuq mangshe.

JEREMIA 25:11

Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 3:2

Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

JEREMIA 3:21

Hiqlam thun thaq na maiqho maiqsii tiitaitlo: kriika Israilnok hoqtrangtlo, kiimaq tiipaiqnea trangtlo, jamkhano ngukla tsangshiq ka ngarai maaho raütli siwanto, raüta tsangshiq Tatiwe Shiikeawe ka laqbaiqto.

JEREMIA 30:5

“Ngi raq maiq aphiip ajiip aho trang tai tiikang, haisitsi ma hoqsii trangtlo hansang bom ka riimak.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 46:10

Arka Tati Rakaü Hiqwe Ningkun Ajongwe ranaiq; ümchaü ranaiq apaiq raq phuk milam; ümchaü ranaiq apaiq raq ajaqtinok ma mo mitiiho. Apaiq nepja raq tsangshiq ka awok mipheshaq wiiwii mibak phaq, raüta tsan miheashaq wiiwii tsang tiijai ka minyang. Ümchaü ranaiq Ningkun Ajongwe raq ajaqti thun honglu na takuqtlo, shekhu nü na Euphretis rai maq.

JEREMIA 47:6

Namshiq hoq trangtlan, ‘Tatiwe nepja! Ümtincho na saüli wa maiq ka mijiipbaiq haü? Ümhiqmong niishe jap wa nongkiq, laüta kiijaq silaq kiimaq ümnii tiitsak ngalaq!’

JEREMIA 48:2

Mob mung khushü jong ka thumto. Re raq Heshbon chela ka jiiwanto, kiimaq Mob mung tiithenbaiq miitu thiikho thuto. Madmen chela ka kaiqshakshak she; re raq kra milong wan.

JEREMIA 8:15

Nashiq ka mungtsing maq siwan miitu khekai. Kiimaq jamlai wa shut wankai kra tru wan miitu khekai. Shatmaq kriika atu li she riito. Phiiptsi chang akhing li she saü wanto.

AJONJÜ 3:17

Ngi ka apeo maq si nai, khu asang maq khoqriiq shishiiq si, ka sap mang she.

EJEKIEL 14:17

“Riimak jiila, Ngi raq kra mung na re tiidong lata, chuntsi nyiim win henghea phan maq khat lata, kra mungti ka kiimaq nyamse thun ka kunkun hiq maq pili mitiijiip baiqha.

EJEKIEL 21:28

“Maiqse lei, riisham bom maq tiithailaq. Ngi, Tati Rakaü Hiqwe raq jamlai bom wa chongtiikang ara Israilnok shummiiti Ammon mungti ma tiitai chongkuqlaq. Tsangshiq ma akha chonglaq: ‘Nepja ka atiithenbaiq ma khekham she; Kriika maiq jiipbaiq miitu chhainyii minto, rachhai ralüp wa ikha chhaitlo.

EJEKIEL 21:4

Ngi raq inepja ka shamlata namshiq loweatek khuthaq na hutjok, shekhu nü mung maq riita shemai nü mung na tiisaüli mirum jiip wanha.

EJEKIEL 21:8

Tatiwe raq ngi ma akha chongto,

EJEKIEL 21:9

“Maiqse lei, riisham bom maq tiikhailaq, mung maiqse ma, Ngi, Tatiwe raq jamlai wa ngutiikang kra chongkuqlaq: Nepja, nepja ashi ka tiisi minto she, chhaisamsam hea minto.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

AMO LUIK DVP (AMOS) 9:4

Kiimaq tsangshiq ka rewe raq shumwi ma, tsuq wan raümin, kriiwa ngi raq ja ma mitiitsat baiq ha. Lata ngi raq tsangshiq liishat mirha, ahea miitu riimak, atsea baiq miitu miliiha,”

JEPHANIA 2:12

Tatiwe raq Sudan mungti kiimin, wiita thumthum mijiip baiq.

TRI CHONGKE 32:42

Iliq sin kii thun maq tsangshiq tiijai misa, kiimaq Ngi rai riilongtibi ka inepja raq mijiipbaiq. Ngi rai riilongti ka jumin tiijoq mang; ashoti nai shumwi kong kiimin wiita mitsai.’

Revelation 6:4

Kiijiishe kumrang kaü ashi hali dongho nongto chhikang. Kra kaü ka ashii kaü riito. Kra kaü thaq na chaoti we miika mangjong hiq na re tiidongkai miitu arang kuqto. Krai mren, maiq nai maiq liipan niishe mitriijiip wan. Kiimaq apaiq ma nepja jonghea ashi kuqto chhikang.