JEREMIA 12:11 - ASII LAKDAP Bible (BSI)

¹¹ Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

Hawa Naga Bible 2001

¹¹ Tsuinghez rueq kvruex mungtan kuex kuiyqshuik kuiyq shix muex tvyaungc gay tueq; kvruex kuex ngvy khaungkac nuex kuiyqshuik shex. Wvmungx tuimx kumtsvy tvnx yaungx wvnc vtueq washiz rueq muinz tsvp kvp lawc muq shex.

JEREMIA 12:11 Referencias Cruzadas

THARC TVLUINGC 7:2

Poi klo raüta phaqsea chamtraq sitlaq jam na kai nam miika, maiqtsaiki taq jam kiijaq kairiiwe ka ahea lin. Jamkhano ngukla, maiqse rilung ka akhiisii then run wan chang siisaq. Kiimaq maiqse atrati tarü tsantsii na, ara bomtsi arka thüshat maq sichang.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

JEREMIA 10:22

Taironglaq! tsütsa she saükito! Shekhu nü mung maq reshe dong wanto! Kra re raq Juda mung wa chela thun ka kumtsaiphii ma mitiijabaiq, miikakoi kong sichang miishe mija wan.”

JEREMIA 10:25

Ümtsankhiq ka pongmungti thun ümnaq shomnoq makti thaq na raübaiqlaq. Kiimaq ümnaq shishetinok khuthaq na raükuqlaq. Tsangshiq raq ümsenginok tsatbaiqto; Tsangshiq raq naishiq tiinamtok tiithenbaiqto, raüta naimung ka botkhulai rai shotbaiqto.

JEREMIA 14:2

“Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

JEREMIA 19:8

Ngi raq ara chela na pinthum maiqse nübok maq chonglot mai chang khan, phiiptsi chang thenjen wan jaqsham mitiichhi kuqha. Krai mren maiq loweatek arlam maq lea wanti raq kra chhiraüta akiinyii mirwan kiimaq awang athangli mirwan.

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 25:11

Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 4:20

Phanshi then wan jai, phanshi mithen wan; mung ka hiq maq hutse tiithenbaiqto she. Tiidongchhaq miili nashiq tombutiip thun ka tiithenbaiqto; khetuk chang thun ka bunlak buncha chaibaiqto.

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

JEREMIA 6:8

Jerusalemti lei, arthun mra pinwan tlaq kriika namshiq ma tsii chhi wan lamlu mijalaq. Riimakla, Ngi raq ümniika miimbaiqtlii she mimiimbaiqha. Ngi raq ümchela ka rumnyangkhi kumtsaiphii miishe mitiija baiqha. Kriika hiqmiq changkhü ikha, maiqsi maimak she miraq.”

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

JEREMIA 9:9

Tsangshiq raq atinkhan ashut klotlaq arkha na, Ngi raq tsangshiq ma mo tiiho mangli shea mirha? Akhnok mungti khuthaq na iphuk lam mang li shea misiha? Arka, Ngi, Tatiwe raq ngutiikang.”

Yoel 1:10

Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.

LEWI 26:32

Ngi raq nammung wa hiqshong rahai thun ka tiihihut mishthen baiqha. Kra ningkhan namjaqtinok nammung jii wanti ka raq kra hiqmiq changkhü ma atiijabaiq kra chhi raüta akiinyii li she miraq.

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

MALAKI 2:2

Namshiq raq ngi ka namshiq jaqsham maq shreng ratlo. Namshiq raq ibomchong taiman riihan la, ngi raq namshiq khuthaq na manson mitiisaüha. Namshiq ramwe jaqsham jaq maq hupsam lap tlan thaq na tüsaiqsaiq misonha. Riikhaqli miika ngi raq man ason kun she. Jamkhano ngukla, namshiq raq ngi aming shreng lanta lang man.

Romans 8:22

Ara jamkhano chongtiikang ngukla, nashiq raq asap i. Ümchaü pat na saüli, Shiikeawe raq aphansang wan thun kunli raq, nowüchhi tsi hannyi rai tlaq ikha, kra ariim kai chang thiikho mong wa, dong wan tlo hai jiilei nguta hannyi rai tlo.