JEREMIA 11:12 - ASII LAKDAP Bible (BSI)

¹² Kiijiishe Juda mungti nai Jerusalemti ka tsangshiq raq shomnoqtlaq kiimaq honglu thun kuq wantlaq phra thun phaniishe wa raüta khrum kuq ronglaq nguta mihoqsiq trang wan. Shatmaq kriithun phra kong raq tsangshiq ka ara then wantlaq kriiwa tiiwongkuqlot mak miraq.

Hawa Naga Bible 2001

¹² Kvruex yimaq Yuda nuiyc Yerusalem miqsaz htenc kuex tsuingshiq rueq shomc nawk kuy shomc kuq yaq tishox htenc kox nuex kaz vtueq, romc kuy tvkoc guyc sez thoz wuez shuex. Yuq muinz tishox htenc rueq vkhoc tvbac tac gay lvmz httuiuc tuex nuex, tsuingshiq kuex palc wvnc lot shuex rvmuq.

JEREMIA 11:12 Referencias Cruzadas

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

ISAIA 46:7

Tsangshiq raq kra tsang phaqlam na do raüta pitlo; raüta tsangshiq raq hiq bashi na tiinga thütlo, tiinga thütaq ba kwiika atiimeshi min lotmak she. Maiq ashi ra wa raüta kriijaq achujaü raü min trelot mak, riimakla apaiq ka akhlaq chang wa tiichhiilot mak.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

TRI CHONGKE 32:37

Kiitiikaq Tatiwe raq asenginok ma miwai, ‘Namshiq raq kam wan lan ningkun aheng phra kong ira ümbano?

TRI CHONGKE 32:38

Namshiq raq kriithun ka honglu ngampü maq dunglan ihata, lanta tsangshiq ma spiqtai kuq nyang lan ihata. Tsangshiq ka ümchaü waraüta namshiq ka mikhrum kuq liina; tsangshiq ka ju raüta namshiq ka mitiichhii kuq liina.

PHOWEBI 10:14

Namshiq raq tsea wan lan phra thun phana kilanta hoqsiiki rongkiq. Namshiq chamchao tlan akhing na tsangshiq riishetiq midok dakuq laq.”