JEREMIA 11:11 - ASII LAKDAP Bible (BSI)

¹¹ Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

Hawa Naga Bible 2001

¹¹ Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 11:11 Referencias Cruzadas

2 HOKHVMX 22:16

Tatiwe tsütsa arthun ara chongwa rongkiq nguta nguto. Tatiwe raq ngutlo: “Ngi raq Jerusalem nai kiijaq siti mungmaiqse tlotli ka kra lakdap na awaiq hokhamwe raq phattaq kra phan phan imo ka mithiihoha.

2 KAÜWA WERAÜ 34:24

Tatiwe tsütsa ka akha chong wan ronglaq nguta tiiwato: “Ngi raq raq Jerusalem nai kiijaq siti asenginok tlotli ka hokhamwe ma phat kuqtaq lakdap na chongtlaq manson kra phan she mo tiiholata mitiicham chaoha.

YOBA 35:13

Tsangshiq hoqtrang rai tlaq kriika atuli; Ningkun Ajong Shiikeawe raq tsangshiq ka chhi mak riimakla tai mak.

Tvtsvmc 18:41

Tsangshiq ka khrumti rit hoqtrangto, shatmaq jurmin tsangshiq ka tiichhiikuq mak; tsangshiq raq Tatiwe heato, shatmaq apaiq raq tremak.

Tvtsvmc 66:18

Ngi raq ingarai thun ka apaü riiha jiika, Tatiwe raq ngi achu jaü ka tremak mirwa.

TAKSU LAK 1:28

Kra akhing na ümniiraq taksu tsii mirit haü. Shatmaq ngi raq tre mang she. Ümniiraq ngi rit ka shokchhum nochhum miphe haü. Shatmaq ngi ka hum maü she mirhaü.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 24:17

Taironglaq, ngi chongpha, wiitarü raq! Phiiptsi chang tonglongli asi. Thiikhobok tonglong. Kiimaq namshiq tiipat chang chhii pahea tsanto.

JEREMIA 11:14

Jeremia lei, arnok ara miitu ümniiraq ijaq wa achu naq jaükiq she. Kiimaq arnok ara miitu ümniiraq Ngi ma naq tiipaiqneakiq she. Tsangshiq ka ümtiikiiwa chamchao mirhum, kra akhing na ijaq wa khrum achu jaü raüla, Ngi raq tsangshiq achu jaü ka tre mang she.”

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 14:2

“Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 19:3

Tatiwe raq ngi ma akha chonglaq nguto, “Juda mung hokhambi kiimaq Jerusalem chelati lei, tairong laq, Ngi Tati Ningkun Ajongwe, Israilnok Shiikeawe raq jamlai bom wa chongtiikang kra taironglaq. Ngi raq arhiq ara tiibunlak mitiithenbaiqha. Kra thenjen wan mra pin tsütsa ka taitibi maiq loweatek ka abom min lot mak tarü phiip raq mitsai.

JEREMIA 23:12

Tsangshiq khumchang lam thun ka tsaram tai phongli nyealaplap, kiimaq ranyaq tang tang. Ngi raq tsangshiq ka atiithap lata mitiidea baiqha, Ngi raq tsangshiq ma chamchao henghea mitiisaüha; tsangshiq ma mo tiiho akhing ka saütlo she. Arka Ngi, Tatiwe raq toqtan tiikang.

JEREMIA 25:35

Namshiq juho chang lampu ka ahüshe. Alun wan chang lam ka ahüshe.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 36:31

Ngi raq ümniima, ümsaü ümsetiim ma kiimaq ümsengi ajong alabi ma mo mitiihoha. Namshiq wiitarü raq ngarai pahea tangtlan kriikha na. Ümnii riimin, kiimaq Jerusalemti mungmaiqse riimin, kiimaq Juda mungti riimin, Ngi raq ümtinkhan wa honlam tsii chongkuq wan kang kriithun ka tsan na thü wan man riilan. Kra ningkhan, ümchaü sanha, Ngi raq namshiq ma jamlai chamchao rathaiq wa mitiisaüha nguta tiiphiip wan kang kriishe mitiisaüha.”

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

AJONJÜ 2:22

Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.

EJEKIEL 14:3

“Maiqse lei, arwetiim raq tsang tsantsii ka sumla phra thun ma akiinongke kun she. Raüta sumla phra thun raq tsangshiq ka ngarai tiitangtlo. Tsangshiq bom ka Ngi raq mitre kuqha ngutiisha tiima tla?

EJEKIEL 7:5

Tati Rakaü Hiqwe raq akha ngutlo, “Namshiq khuthaq na phanshi then wan jai maq phanshi then wan kra misaü wan.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

JEKERIA 7:13

Ngi raq tsangshiq ma tsii chongkuq kangta taiwi mak, kriikha niishe tsangshiq raq ümtiikiiwa achu jaü wan taq kriimin trekuq mangshe riikang.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.