JEREMIA 1:1 - ASII LAKDAP Bible (BSI)

¹ Ara lakdap arka Jeremia raq tra ahokuq man phan. Apaiq ka Hilkia se, Benjamin wang na Anathoth chela na siti ramwebi phong wa weshi,

Hawa Naga Bible 2001

¹ Vruex luik dvp vyuq Benjamin hong Anathot ghaq wawc shomc waz Hilkia saz Yeremia rueq vjungx phvnx wvnc lvmz rvtueq.

JEREMIA 1:1 Referencias Cruzadas

1 HOKHVMX 2:26

Kiijiishe Hokhamwe Solomon raq ramwe Abiathar ma nguto, “Ümniika ümhiqshong Anathoth na walaq. Ümniika atsai thektlaü. Shatmaq ngi raq ümniika ümchaü tiitsat baiqro mang. Jamkhano ngukla ümniika iwe Dawit rai siwan laü pat na, Tatiwe Tongshong Tek kra shiilitiwe riilaü. Kiimaq apaiq raq ümtin khan wa chamchao litkot riihum wantaq kra riisha howan damlaü.”

1 KAÜWA WERAÜ 6:60

Kiimaq Benjamin wang na tsangshiq ma apheakuq chela thun nai chela tro na nyamse dung chang nyiim lung rii wakram thun kra nong nong apheakuq wan ka arthun ara: Geba chela, Alemeth chela, kiimaq Anathoth chela thun kra riito. Arthun ara adam na romshaq tsangshiq weraü siwan chang apheakuq chela thun ka roqshiri atsam riito.

2 KAÜWA WERAÜ 35:25

Shammiwe Jeremia raq Hokhamwe Josia maaho ajonjü bom waiqto. Israil mungti ashi angeti ma, jechakre lo kiimaq maiqwere lo ma ümtiikiiwa tsangshiq raq apaiq majoke shinge tlaq, kra akhing na ara shinge ka thunglai miishe jakito. Ara shinge arka ajonjü lakdap na riichom waiqthü damto.

2 KAÜWA WERAÜ 36:12

Apaiq raq Tatiwe makki na ngarai tangto. Kiimaq aranse ma jaraüta shammiwe Jeremia raq achong kuq Tatiwe bomtsi ka taimak dea riito.

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 10:30

Siitrang ronglaq, Gallim chelati lei! Laisha chelati lei, taironglaq! Anathoth chelati lei, bom ka tre ronglaq!

ISAIA 2:1

Shiikeawe raq, Amoj se Isaia ma Juda mungti nai Jerusalemti miitu ara tsütsa ara kuqto:

JEREMIA 11:21

Anathoth chelati raq ngi ka atsea baiq chang nguta tankhanto. Krai mren tsangshiq raq ngi ma, ngi raq Tatiwe tsütsa ka chii riim lata chongkuq ruq riiha jiila, tsangshiq raq ngi ka mitsatbaiqhai nguta chongto.

JEREMIA 29:27

Riita ümniiraq Anathoth hiqti Jeremia raq mungmaiqse ma shammi bom chongkuq tiikang nguta phephiiq raitlaq we kra jam nguto lap laüta khathü maü?

JEREMIA 30:1

Tati, Israilnok Shiikeawe raq,

JEREMIA 37:12

Kra ningkhan na ngi min Jerusalem ka baiqthü lata Benjamin wang nü na awa wan she riikang. Lata ngi rii tachong hupsam kra saiqsam wala nguta wawan kang.

EJEKIEL 1:3

Kiijaq Bebilon mung na, Chebar Rai kii na, ngi raq Tatiwe ka ngi rai riibom taikang. Kiimaq ngi raq apaiq ningkun heng ka ikhum na asi sapkang.

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

AMO LUIK DVP (AMOS) 1:1

Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.

AMO LUIK DVP (AMOS) 7:10

Kiijiishe Bethel chela wa ramwejongwe Amajia raq Hokhamwe Jeroboam ma Amos khuthaq na akha shokto: “Amos raq ümkhuthaq nai Israil nyungchong chela maq chap raüta, manson kiqsü bom abi pinthum pahea she sontam wanto. Israil mung ka apaiq shammi bomchong tiithai mai tlaq kriiraq amashe nyam wanto.

Matthew 16:14

Kiijiishe, “Maiq wiijamti riika Khamlamketi we Johan ngu, wiijamti nga hali ka Elija ngu, kiimaq wiijamti nga hali ka Jeremia ngu, kiimaq maiq abiti raq hali ka shammi we,” nguta riichongtlo, nguta tsangshiq raq apaiq bom ka treto.

Matthew 2:17

Arka shammi Jeremia raq riisham bom achongthü kra phan- phan she kuwanto. Shammi raq akha chongto:

Matthew 27:9

Ara tsangshiq raq hiq phu ri thü wantaq arjiishe shammi we Jeremia raq achongthü bomtsi kriishe kuwato. Apaiq raq akha chongthüto: “Tsangshiq raq kampho kamsii roqtsam jaüto. Kriika Israilnok wiijamti raq apaiq ri ma nguta athü miitang je maq athü wan.