JEREMIA 1:1 - Hawa Naga Bible 2001

¹ Vruex luik dvp vyuq Benjamin hong Anathot ghaq wawc shomc waz Hilkia saz Yeremia rueq vjungx phvnx wvnc lvmz rvtueq.

ASII LAKDAP Bible (BSI)

¹ Ara lakdap arka Jeremia raq tra ahokuq man phan. Apaiq ka Hilkia se, Benjamin wang na Anathoth chela na siti ramwebi phong wa weshi,

JEREMIA 1:1 Referencias Cruzadas

1 HOKHVMX 2:26

Kvruex yimaq Hokhvmx Solomon rueq shomc waz Abiatha muex ngoc, “Anathot ghaq nuex httax yaq m-yuimx kvyuq yek waung kuiuz. Mnoz kuex vthueyc murx tvgurc aungx yaq, yuq muinz iwaz Dawid rulc vdvmz nuex mnoz httax vtueq Yehowa Bomkhvrc Jep shuimc lawc jix nuiyc piq rulc kuilc daz rvhumc naungc jix rvtoq ningkhvnc nuex ngaz rueq mnoz kuex thvt gay mauk,” ngoz tueq jungx tueq.

1 KAÜWA WERAÜ 6:60

Benjamin ghaq hong wawc tsuingshiq muex htvp htaz kuq tueq ghaq vraungx nuiyc suiux vmanx remc juing htenc kuex: Geba, Alemet nuiyc Anathot ghaq htenc rvtueq. Tsuingshiq yuimx wuinz htenc lotlaz httaz tvkoc miqghaq htenc kuex ghaq rokshiz rac ghaq thuimx rvtueq.

2 KAÜWA WERAÜ 35:25

Shvmmax Yeremia rueq Hokhvmx Josia tvkoc vkhoarc shic ruilx shiz kuex tvkuiux wuiyq tueq. Yalxjuik miqwaz vshic jix htenc rueq Josia thueyc kaz koq tueq yonzyex mvhttarc tvyaungc vruex shic kuex shix wuez tueq. Kvkhoc shic ngoyc kuex Israel miqsaz htungx muex yaungx wvnc tueq. Kvruex shic vngoyc kuex tvtsuingc taq tueq yonzyec luik nuex khiz vshix.

2 KAÜWA WERAÜ 36:12

Piq rueq Yehowa muex mvrax yaq tueq, Yehowa bomjungc jix shvmmax Yeremia kvjaz kuex thuinz tvyomz vtueq tay muq.

2 KAÜWA WERAÜ 36:21

Kvkhoc rvtueq shvmmax Yeremia maq raz tueq Yehowa rueq tvluz nuex jungx wvnc tueq kvjaz kuex, “Ghaq phux muex Nyec Tvkuiyq kuy htungx tvrac phvnx muq ningkhvnc nuex, kvruex phvnc tvhungx yek tvkoc ghaqphux kuex wawc mvshix tup kuiyqshuik kuiyq khvmx yaungx wvnc tuex,” ngoz tueq jungx tueq.

EJRA 1:1

Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.

ISAIA 1:1

Vruex luik dvp nuex Yuda hokhvmx bix rvtueq Uzia, Jotham, Ahaza nuiyc Hezekia pat nuex Yuda mungx Yerusalem nuex seng vtueq Amoza saz Esaia kox nuex httuiuc kaz tueq Tishox bomjungc rvtueq.

ISAIA 10:30

Galim miqsaz lex, guyc wuez kuinz! Laisha miqsaz lex, Tay wuez shuinz! Anathot miqsaz lex, tvralc shuinz!

ISAIA 2:1

Vruex kuex Yuda mungx nuiyc Yerusalem nuex seng vtueq Amoza saz Esaia muex Tishox rueq vkuq bomjungc kuex vkhoc rvtueq:

JEREMIA 11:21

Anathot miqsaz rueq ngvy thvy gay roc yaq, ngaz rueq Yehowa bomjungc kuex tvhttoarc vtueq jungphvnx ruiux yuq, tsuingshiq rueq ngaz kuex thvt gay phuex lvmz ngaz muex jungx phuex.

JEREMIA 29:27

Miq htenc muex shvmmax yaungx vtueq jungphvnx yaq Anathot jix Yeremia kuex mnoz rueq yvmx ngoz tueq lac tvhttonx muq rvtonx?

JEREMIA 30:1

Yehowa Israel Tishox rueq,

JEREMIA 37:12

Kvkhoc rvtueq ngaz kuex ngvy yuimx taungx tsak vnyvmx tvjomx tvy tvkoc Yerusalem maq Benjamin mungx hong nuex kaz wvnc phaungc tauk.

EJEKIEL 1:3

Babelon mungx Kebar Ruilx hep maq, Yehowa rueq ngaz muex jungx phuex kvjaz kuex tay vtueq vpiq luimc vkawc kuex ngaz rueq lvp tauk.

DANIEL 9:2

Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.

AMO LUIK DVP (AMOS) 1:1

Vruex kuex Tekoa ghaq wawc khelbuenx remc jix waz Amo rueq vjungx kvjaz rvtueq, Uzia kuex Yuda hokhvmx yaungx ruiux Jehoash saz Jeroboam kuex Israel hokhvmx yaungx tueq pat, gaqyung mux jauz wawcnueyc max kox nuex Tishox rueq Amo muex romzyac tvkhic htenc maq Israel nuex seng yaq vruex bomc htenc kuex kuq tueq.

AMO LUIK DVP (AMOS) 7:10

Bethel wawc shomc waz Amazia rueq Israel Hokhvmx Jeroboam kox nuex kvjaz tvtay tueq kuex: “Amo rueq mungx miqsaz hvlwvl maq mnoz kuex khawc lvlc tvkoc dvnc yaq. Piq rueq jungphvnx yaq kvjaz kuex mungtan tvbac gay rvtueq.

Matthew 16:14

Tsuinghez rueq, “Vbez rueq Yuix Luip Yohan rvtueq, wvyvmc rueq Elia rvtueq, kvmaq vbez rueq Yeremia, rvmuq ngoz ruiux shvmmax washiz shiz rvtueq, ngoz yaq,” ngoz tueq jungx tueq.

Matthew 2:17

Vruex kuex shvmmax Yeremia rueq vjungx kvjaz tvhungx rvtueq:

Matthew 27:9

Kvkaq shvmmax Yeremia rueq jungx tueq, “Nuimshiq rueq kvruex waz tvkoc vhtawz vrawz ikhoc maq Israel miqsaz htenc rueq vhtvp htaz kuq kuimphox rok thuimx kuex lvmx vtueq,