JEPHANIA 2:3 - ASII LAKDAP Bible (BSI)

³ Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

Hawa Naga Bible 2001

³ Vpiq rueq nvr yaq htenc kuex phvnx vtueq, thuinz tv-nyenc jix mungx miqsaz htenc lex, Yehowa kox nuex yek wuez kuinz. Vlvmz yauk shuimc shuimx shuinz, Yehowa khaungkac nuex nuimshiq shauk gvnz kuex tvyomz shuinz. Yehowa thuinkhvy tvkhic vtueq murx tvgurc shuex raungnuiyq wawc nuimshiq dung wvnc lvp wuez tuinx shvmx.

JEPHANIA 2:3 Referencias Cruzadas

2 SAMUEL 12:22

“Tengto,” nguta Dawit raq treto. “No ka atra sishat wiiwii ngi ka amang maq sikang kiimaq aho riikang. Ngi raq tiima ka jursap, Tatiwe raq ngi ma tiihang mangchan wa tiichhikuq jiiq, raüta, no ka atiichhii lo riikuqjiiq nguta tiimakang.

Tvtsvmc 105:4

Tati phana walanta khrum jaü ronglaq; lantea apaiq ka miituttlii shomnoq ronglaq.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 22:26

Miitsan maiqsetiim raq tsangwok phetak chhaq miphaqsiq; Tatiwe pha na wati raq apaiq mitiitsam, Tsangshiq ka pattup pat-sa she dea mirong winlaq!

Tvtsvmc 31:20

Ümniiraq tsangshiq ka ümjichong na maiqse thiikho mong wa pang wang kuqtlaü; ümniiraq tsangshiq ka tsangjaqtibi raq shummiitlaq kiiwa aheawiq ümchi ümrakhong na rümtlaü.

Tvtsvmc 45:4

Rekhat tanglaü achhai anyii khushü thaq na chaolaq tengteng bomtsi nai tingting tri tiiwonglaq! Ümningkun maq rekhat thun jonghea mitanghaü!

Tvtsvmc 57:1

Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.

Tvtsvmc 76:9

ümniiraq khatan bomtsi chongke chap wan kaüta, mangjong hiq na tiichamchaotlaqti thun kra tiichhii wan khatan kaüta.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

DUNGWVNC 12:27

Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

JEREMIA 39:18

Ngi raq ümniika khup wong kuq shat maq mithüha. Krai mren, ümniika tsatbaiq mak miraq. Ümniiraq ümkhum ka tiichhii wan laüta, milun wan haü. Jamkhano ngukla ümniiraq Ngi ma kamtsantsii thutlaü. Arka Ngi, Tatiwe raq toqtan tiikang.”

JEREMIA 45:5

Ümniiriika ümnaq miitu pong na raitlii raüta liikuq raüjaq ahea chang ngutiisha tiima tlaü? Kriika naq tiimara kiq. Ngi raq mangjong maiqse kunli khuthaq na chamchao rathaiq mitiisaü wanha. Shatmaq ümnaq riiwe kla ümmiisaq ka thummak maq, ümniika ümriiba niili kihaü jiimin, lun wan ruq milun haü. Arka Ngi, Tatiwe raq ngutiikang.”

EJEKIEL 13:5

Tsangshiq raq chela tro ruk athen arki baba thun kra khemak. Kiimaq ruk thun thenkitaq baba thun kriimin tiihea haimak. Kra ningkhan Tatiwe ranaiq akhing na re dong raüla, Israil mung ka tiiwong chang jammin ahü she.

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

Hosea 7:10

Israilnok maiqmii shiikong ka tsangshiq tiideabaiqti, ümtinkhan wa sintsang tiisaüto, shatmaq tsangshiq ka, Tatiwe jaqkhong na jang wan mak sitlo.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.

Matthew 5:5

“Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

1 Thessalonians 4:10

Riita, arka Mesidonia wang na siti Phungmaiqsetiim wiita ma, namshiq raq, lungwii tsantsii ka tiichhi kuq lan she. Krai mren, ümchaü sanha, kra thaq niimin achan lin she hali, lungwii tsantsii rüm lanta si ronglaq, nguta thüda tiikai.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.