JEPHANIA 2:2 - ASII LAKDAP Bible (BSI)

² Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

JEPHANIA 2:2 Referencias Cruzadas

YOBA 21:18

kiimaq tsangshiq ka tsamkü phong ikha rathaiq ma tiipan baiq tiishea?

Tvtsvmc 1:4

Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

ISAIA 17:13

Maiqmung thun ka khamjong tso blun wantlaq ikha sinkhu na rekhatkai wawantlo. Shatmaq Shiikeawe raq tsangshiq ka sontlo. Krai mren tsangshiq ka jai na jangtlo. Rathaiq wa raq kinhong wa botkhulai tsuqbaiq wan tlaq ikha kiimaq tsamkü rii wa tsamkü wun rathaiqtro raq pan wan tlaq ikha pan wan tlo.

JEREMIA 23:20

Krai mren apaiq raq ümtinkhan tiithenbaiq wan chang ngutiiwa toqtan wantaq kra mitiithen baiqshaq wiiwii rathaiq ka tsaq mak miraq. Rawiichii akhing saü wan raütiq asenginok raq ara toqtan wantlaq bomtsi arka ardea nya nguta khangriri hea she mitak wan.”

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

AJONJÜ 4:11

Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

EJEKIEL 12:25

Ngi, Tatiwe raq tsangshiq ma michongkuqha. Kiimaq Ngi raq jamlai wa chongtiikang kra miku wan. Ümchaü ka tiijai mak she miraq. Namshiq ikiqkhii sruti rilung niili, Ngi raq kriithun jaqsham kra miklo wanha. Ngi raq namshiq ma jamlai jaq mishamha ngutiiwa honlam bom chongkang, kriika misham wanha dongdii. Arka ibomtsi,” nguta Tati Rakaü Hiqwe raq toqtan tiikang.

Hosea 13:3

Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

Matthew 24:35

Ra nai hiq ka athum mirki. Shatmaq i bomchong arka poimak phan.”