JEPHANIA 1:14 - ASII LAKDAP Bible (BSI)

¹⁴ Tatiwe ranaiq jonghea ka ajeli she, napto she, aje niishe jaqlolo she saü wantlo! Kra ranaiq ka khaphea ranaiq miraq, srea nolajongbi kiimin, aho anyi riichanchan jamkha ijasiq miraq!

Hawa Naga Bible 2001

¹⁴ Yehowa raungnuiyq yunghvlc kuex vnyek shex, kvruex kuex nyek hvlc shex nuiyc htat htat httuiuc wvnc yaq! Kvruex raungnuiyq kuex khuip khaq ningkhvnc nuex khvmc thuinz httaz hvlc nolaungx bix doc muinz rvwvlc htumx vtueq guyc sez wuez tuex.

JEPHANIA 1:14 Referencias Cruzadas

ISAIA 15:4

Heshbon chelati nai Eleale chelati ka hoqtrangtlo. Tsangshiq hosii trang ka maiqhiq luhea hea Jahaj chela miitaq dongdii min tiitaitlo. Phenlabi thun kiimin atiikhai rok shrok she haitlo. Tsangshiq tsaiji ka tiidoq baiqto she.

ISAIA 33:7

Nolajongbi raq khrum jaü hoqtrangtlo. Mung na wehea riija miitu kiimwe jatibi ka tsankhiq dokdok hoq trangtlo.

ISAIA 66:6

Taironglaq! Chela mong wa amok adung trang kongcha raitlaq kra. Shomjam na trang rai tlaq kra. Kriika Tatiwe raq ajaqtinok ma mo tiiho trang shea!

ISAIA 8:22

Riimakla hiq na makchat jalat, makpo tiipanki nam nam milii. Shatmaq tsangshiq maklii tiichüm chang ka jamlai min ahü she miraq. Shatmaq tsangshiq raq trotam na litkot chamchao walü wali she kiimaq ranyaq tangtang saü wantlaq kriilishe michhi. Tsangshiq makki niika phiiptsi jiiptsi ranyaq mong na tsangshiq tiideabaiq wantlaq kriili she michhi.

JEREMIA 25:36

Namshiq ka gushgu hoqtrang ronglaq. Lanta namtsai tsi ma agi asiishe hoq trang ronglaq. Jamkhano ngukla Tatiwe raq apaiq tsankhiq tsi ma nammung ka tiithenbaiqto she. Raüta nammung hansang maq asi rai han wa ka hiqmiq changkhü miishe tiija baiqto.

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 46:5

“Shatmaq Ngi raq jamlai wa chhitiikang?” nguta Tatiwe raq waito. “Tsangshiq ka akiinyii raüta jai na jang rang jang wanto. Tsangshiq phenlabi thun ka tiinamtok khat baiqto; tsang haisitsi ma phiip raq tsai wanto, raüta tsitsü panthit jutrangto, kiimaq tsangjai nü na liimak she.

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

EJEKIEL 12:23

Ümchaü tsangshiq ma Ngi, Tati Rakaü Hiqwe raq kra bomtsi khuthaq na jamlai wa ngutiikang ara chongkuqlaq. Ngi raq kra taksu bomtsi kra atiithum she mirbaiqha. Kra bomtsi ka Israil mung na thongshi bliiq chong mak she miraq. Kra rii na tsangshiq ma akha chonglaq: Akhing ka saüwato she, kiimaq riisham bomchong tiithai ka miku wan!

EJEKIEL 30:3

Kra ranaiq ka aje niishe, kra ranaiq Tatiwe raq jaqsham misham, Kra ranaiq ka maiq mung thun ma phumthup kiimaq chamchao ranaiq miraq.

EJEKIEL 7:12

Akhing ka saü wantlo she. Ari athii asha ata piikii ka jam achu min ahü she miraq. Jamkhano ngukla Shiikeawe sintsang moho wan ka tarü ma pili chhaq maq misaü wan.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 2:1

Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

JEPHANIA 1:10

Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.

JEPHANIA 1:7

Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Acts 2:20

Rashe kaü kiimin anyaq she mirwan. Kiimaq jipi kaü kiimin tiijai ikha shiiroro mishiiki. Arthun ra nai hiq brak wan akhing saü wan arka, Tatiwe Ranaiq saüho miishe mibrak pha wan.

Philippians 4:5

Nanok wiitarü rai, sobsob bombom maq sironglaq. Tatiwe ka saüho tlo she.

1 Thessalonians 4:16

Kra akhing na, rawang win maq, rasetiim khuthaq na wela sitlaq rase kra raq, agilülü maq aming mikuq. Kiimaq Shiikeawe lerong ka mitsü. Kiijiishetiq, Tatiwe ka ramungtan wa ana misaüho. Kra akhing na, Khristo ma kam raüta maiq ümchuwa tsai wantaq, kriiti thun ka kongkhu midong.

Hebrews 12:26

Man na, apaiq bomchongke akhing na, mangjong hiq ka atiikhai banban tiimeto. Shatmaq, kra thaq na ümchaü ka, apaiq raq akha hali kiqkhamto asi, “Ngi raq lakshi ri hali mangjong hiq ara mitiikaü lak baiq nong ha! Mangjong hiq ara lamlam li min riimak, ramungtan kiimin miphai baiq nong ha,” nguta chongtlo asi.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.