JEPHANIA 1:12 - ASII LAKDAP Bible (BSI)

¹² “Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

Hawa Naga Bible 2001

¹² “Kvruex baunglaung ngaz rueq wvrkok kuex shuimx vtueq Yerusalem nuex thuiyx shaungx. ‘Yehowa rueq mkaq muinz vhvlx, vbac yvmx yuq muinz ruez muq,’ ngoz tueq tsuingshiq shauk pumz maq kv-ngoc ruiux, miqmac thuinz suing yaq jix htenc nuiyc miqmac pumz muex tvluimc yaq miq htenc muex ngaz rueq murx tvgurc shaungx.

JEPHANIA 1:12 Referencias Cruzadas

YOBA 21:15

Tsangshiq tsan na Shiikeawe shiikum pan wan ka raamak nguta tiimatlo kiimaq apaiq jaq wa achu jaü min holi riimak nguta tiimatlo.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Tvtsvmc 14:1

Maiqjiq kong riika maiqmii nai maiqmii tiingotlo, “Shiikeawe ka ahü.” Tsangshiq tsantsii ka anamkai kun she, kiimaq tsangshiq raq abi pinthum klo wanto; riikhaqli athuk atsom jaqshamti ka jumin ahü.

Tvtsvmc 94:7

Tsangshiq raq ngutlo, “Tatiwe raq nashiq ka chhimak tiina; Israilnok Shiikeawe raq chhimak.”

ISAIA 5:19

Namshiq raq ngutlan, “Tati raq apaiq raq jamlai klo chang ngutiiwa thapthitlaq, kriika jaqlolo miklolaq. Kra nguraütiq nashiq raq michhi rong i. Israilnok asii Shiikeawe raq jamlai wa thapthitaq jaqsham thun ka miklolaq. Atsan mong na jamlai wa sitlaq kra miklolaq.”

JEREMIA 10:5

Akhnok sumla phra thun ka kumpiip rü na khala tiihai ma sumla ahaithü ikha; tsangshiq ka abom min bomtsü mak. Tsangshiq maiq raq api wan chang. Jamkhano ngukla tsangshiq ka khumtsü mak. Tsangshiq ma naqhai rongkiq; tsangshiq raq ümniika jamkhiimin riilot mak, kiimaq tsangshiq raq ümniima ahea jaq min shamkuqlot mak.”

JEREMIA 48:11

Tatiwe raq nguto, “Mob ka pattup khusang maq sito. Kiimaq jangshi ra min pongmung na munglu shumwi ma tsuq wan mak. Mob mung ka che pükhaü na ato ikha. Jurmin tiimeshi mak dongdii. Piikhaü ashi wa ashi na jangshi min tiidong mak dongdii. Kriikha na asum ka ümtiikiimin tiibi mak dea. Anyang ma sumhea.

EJEKIEL 8:12

Kiijiishe Shiikeawe raq ngi ma waito, “Maiqse lei, Israilnok mung welabi raq ahukse maq jamlai wa klotla kra chhitlaü sha? Tsangshiq ka sumla phra phong raq ama khok mong kiijaq noqtlo. Tsangshiq raq akha bom tiinyan raüta noqtlo: ‘Tatiwe raq nashiq ka chhimak na! Apaiq raq namung ka miimbaiqto she.’”

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

Obadia 1:6

Esau saüsetiim, üm tsiiqtum ka, run wanto she.

MALAKI 2:17

Namshiq bomtsi kriimiili Tatiwe ni tiibiili bom tlan. Shatmaq namshiq raq, “Naishiq raq apaiq ni ka jamkho tiibiibaiq kai?” nguta ngutlan. Namshiq raq, “Tati Ningkun Ajong Pinthumwe miika ümchuwa ashut kloti wiita ka ahea siisaq. Riikhaqli miika, Tatiwe apaiq miika apeowiqli,” nguta ngutlan. Riimak la namshiq raq, “Riita, tingting Shiikeawe ka ümbano?” nguta bom lanta Tatiwe ni tiibii tlan.

2 Peter 3:4

Kiimaq tsangshiq raq sapshatshat taü maq, namshiq ma akha nguta atairai lam maq miwai, “Jesuq Khristo raq ajang mirki nong ha nguta kiqkham thütaq riimak sha? Riita ümchaü min, apaiq ka ümbano haiki tiita? Nashiq ma awetiim pat min atsaikai kun she. Shatmaq phanrap ra nai hiq ka man na rapha hiq wa maq jamkho sitaq kiikha sishatli! Ra nai hiq ka klai mak li shat shat!”

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.