JEKERIA 14:2 - ASII LAKDAP Bible (BSI)

² Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

Hawa Naga Bible 2001

² Yehowa rueq Yerusalem kuex khvt tvkoc miqphvnx htenc kuex vdvmz nuex tvtuimx shuex. Ghaqyungx kuex khvt nyvlc wvnc rvhumc vtueq, yuimx htenc kuex httak gay ruiux yalxjuik rulx htenc kuex yomnamc rvhumc tuex. Miq khoz lak kuex vthuq wvnc rvhumc tuex, yuq muinz kvjungx yaq miq htenc kuex ghaqyungx kvwawc thuq wvnc rvhumc muq.

JEKERIA 14:2 Referencias Cruzadas

ISAIA 13:16

Tsangshiq raq jamkha ijasiq liirattlaq liipan niili, tsangsetiim noshiisekong ka tiinamtok tiikhiqlaq mitiiqbaiq. Kiimaq tsangnyungre ka renok raq mihaihii baiq.”

ISAIA 4:3

Maiq loweatek aso ümchuwa Jerusalem na tiichong kitaq kriiti thun ka, Shiikeawe raq alai ma nguta tiichongbaiqtiiti thun asii maiqsetiim ngutiishe mingu.

ISAIA 5:26

Tati raq pongmungti luhea wa raüpot pheakuq raüta mitiihea. Apaiq raq ajaqshi tsü raüta tsangshiq hiq tiisup ra tiisup mung thun wa warongra nguta tiiheatlo. Krai mren tsangshiq ka arjaq jaqlo thitthit she saühotlo!

ISAIA 65:18

Ngi raq jamlai wa anye tiiqwan kang kra miitu chochi ronglaq kiimaq pattup pat-sa khoqriiq shishiiq si ronglaq. Ngi raq anye Jerusalem tiiqwan tiikang kriika chojong chiseli she misi wan. Kiimaq asenginok ka khoqriiq shishiiq she miraq.

JEREMIA 21:4

Jedekia ma Tatiwe Israilnok Shiikeawe raq akha nguto nguta tiichong hokang, “Jedekia lei, Ngi raq ümphenlabi Bebilon hokhamwe nai apaiq phenlabi rai riikhattlaq kra wiita mikhat baiqha. Ngi raq ümphenlabi raq shamchang ja apiq liq thun kra chela mong na miphong baiqha.

JEREMIA 34:1

Bebilon mungti Hokhamwe Nebukadnejar raq apaiq phenlabi shea raüta, kiimaq awokhong na siti maiq thun ümchuwa sitlaq kriiwa phenlabi thun kra apaiq rai shea raüta, Jerusalem nai kra tho na siti chela thun kra longtlaq akhing na, Tatiwe raq ngi ma chongto.

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

Yoel 3:2

Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Yoel 3:9

“Maiqmung thun na ara aming tiitai ronglaq. ‘Re riikhat miitu rechap sürii wan rong laq. Namshiq srea nolabi ka triitam hea ronglaq. Namshiq phenlabi ka triitam lanta, rechap tiipha ronglaq!

AMO LUIK DVP (AMOS) 7:17

Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.

JEKERIA 12:2

“Liirong laq. Ngi raq Jerusalem ka amao chang chekok miishe mitiijaha. Krai mren, apaiq tro na siti maiq mung thun ka che raq chok rai raüta, cheropkong ikha miphetrang wan. Tsangshiq raq Jerusalem chela kra trotam miishe mikom wan. Kiimaq renok raq Juda mung na chela thun kriimin wiitashe trotam maq mikombaiq.

JEKERIA 12:3

Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

JEKERIA 12:9

Kra akhing na, ngi raq mangjong hiq wa maiqmung ümchu riiwa, Jerusalem khat wan tlaq, kriiti thun ka wiitashe mishthenha.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Mark 13:19

Kra chamchao akhing saü tlaq kriika, Shiikeawe raq ra nai hiq tiiq wanli maq, ümchaü niitaq ara mangjong hiq na chamchao sitlaq kiima thapthi wan chang siika riimak. Kiimaq rawiichii niimin akha redong ka ahü she miraq.

Luke 2:1

Kiitincho ji, Roman Hokhamwe Agastas raq apaiq jaqkhong na mung ümchuwa sitlaq, kriiwa maiq ka wea miitu aming kuqto.