Biblia Todo Logo
La Biblia Online
- Anuncios -




JEKERIA 14:2 - Hawa Naga Bible 2001

2 Yehowa rueq Yerusalem kuex khvt tvkoc miqphvnx htenc kuex vdvmz nuex tvtuimx shuex. Ghaqyungx kuex khvt nyvlc wvnc rvhumc vtueq, yuimx htenc kuex httak gay ruiux yalxjuik rulx htenc kuex yomnamc rvhumc tuex. Miq khoz lak kuex vthuq wvnc rvhumc tuex, yuq muinz kvjungx yaq miq htenc kuex ghaqyungx kvwawc thuq wvnc rvhumc muq.

Ver Capítulo Copiar

ASII LAKDAP Bible (BSI)

2 Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

Ver Capítulo Copiar




JEKERIA 14:2
30 Referencias Cruzadas  

Tsuingshiq kuex kvshix kvrix maq lawc thvt yaq nuex, tsuingshiq sahez kuex nyet vtueq thvt gay shuex, tsuingshiq yuimx htenc kuex httak gay rvhumc tuex, tsuingc taungnyuiuz hez kuex yomnamc gay shuex,” ngoz tueq jungx tueq.


Tishox rueq thvlc tvy rvhumc vtueq Yerusalem nuex thuiuzthuic tvraungx kvjungx yaq miq ruip rawx kuex vsawc jvnc ngoz tueq ngoc rvhumc tuex.


Yehowa rueq lvmx luz wawc miqphvnx vshiz kuex gvlc tvkoc tvtsuingc nganc dvmx kuq yaq. Vpiq rueq tsuingshiq kuex mungtsec kox maq kay tvkoc sursic tuimz shuex. Tsuingshiq kuex kvruex yuq htat htat httuiuc wvnc yaq!


Ngaz rueq tvdung sung wvnc tauk kvmac pattup kokez shuenruenc wuez kuinz. Ngaz rueq vtvhungx Yerusalem ghaq nyalx kuex vkoz vkez svy juing nuiyc, kvwawc ghaq miqsaz kuex kokez wuez tuex.


Yehowa Israel Tishox rueq Zedekia muex vkhoc jungc tvkoc tvjungx phuex, “Ngaz rueq Babelon hokhvmx nuiyc piq nolaungx bix kuex khvt jix mnolaungx bix kuex tvsumx gay shaungx. Mnolaungx bix koz vlaq taungx vwawx htenc kuex ghaqyungx vmungx baung nuex phungc taq shuex.


Babelon Hokhvmx Nebukhadnezar nuiyc piq nolaungx bix, piq rueq guimz yaq khung nuex httaz jix mungtan htenc wawc miqphvnx lotlaz nolaungx daungx htenc rueq romc naungx vtueq, Yerusalem nuiyc kvruex hep wawc miqghaq htenc kuex khvt yaq nuex Yehowa rueq ngaz muex jungx phuex.


Piq ralx hez rueq piq tsak vnyvmx lotlaz nyvlc wvnc tueq. Piq rueq mungganc miqsaz nyuip muq tvkoc Yehowa rueq vtvwanc taq Shomc Yuimx nuex tsuinghez nyuip waung yaq kuex piq rueq khiz tueq.


Kvkhoc rvtueq ngaz, Johvlc Yehowa kuex mnoz muex ralx yaungx vtaungx lvmx mnoz muex jungx vphaungx. Ngaz rueq mnoz kuex miqphvnx htenc lotlaz rueq khiz yaq baung nuex phox phaungx.


Ngaz rueq miqphvnx htenc lotlaz tvtuimx vtueq tsuingshiq kuex Khac phoc juing Warc nuex shvlx laq shaungx. Kvruex yuq ngvy miqsaz htenc muex tsuingshiq rueq shuimx wvnc tueq lotlaz tvkoc nuex tsuingshiq muex phox shaungx. Tsuingshiq rueq Israel miqsaz kuex pungmungx nuex yurc gay ruiux ngvy mungtan Israel kuex tv-phvlc nyanc gay tueq.


“Miq phvnx htenc muex vruex jungx tvtay shuiuz: ‘Ralx lungc tvkoc tvyoalc shuinz; nuimshiq shvrvyx bix kuex gvl shuinz; nuimshiq nolaungx bix lotlaz tvtuimx vtueq kvtenc waung wvnc kuinz!


Kvkhoc rvtueq, Amazia lex, Yehowa rueq mnoz muex jungx yaq, ‘Mtaungx nyuiuz kuex lvmx yungx nuex mephex nyuiuz muex yaungx tuex, msaz hez kuex ralx khvt nuex thvy gay rvhumc tuex. M-ghaq mraungx kuex phvlx vtueq vganc jix htenc muex kuq gay shuex, mshauk pumz kuex sawc muq mungtan vshiz nuex thueyc tuiux. Israel miqsaz kuex vsuing tsuingshiq mungtan wawc thuq wvnc rvhumc tuex,’” ngoz tueq jungx tueq.


Vpiq rueq, “Ngaz rueq Yerusalem kuex svpiq tix kok ikhoc tvyaungc shaungx; piq tvroz wawc miqphvnx htenc rueq nuingx vtueq joal pawc jix ikhoc rullez ngaklez rvtuex. Tsuingshiq rueq Yerusalem kuex tuimx laq ruiux yuq, Yuda mungx wawc kvjungx yaq ghaqyungx htenc muinz vtuimc wvnc rvhumc tuex.


Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.


Kvkaq Yerusalem kuex khvt tvkoc hungc jix miqphvnx ruip rawx kuex ngaz rueq tvbac gay shaungx.


Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.


“Vkawc yawc suirsac juing tanc khvnc phvnx kuex httax aungx muq baung nuex httax yaq kuex nuimshiq rueq khiz lvp shuinx.” (Luik wvlc lawc jix waz tvkoc tvtsuingc juing vruex lvmz kuex yvmx lac rvtvnx vhvlx waq mtuiuz wuez shueq!) Kvkaq Yuda mungx nuex httaz jix hez kuex ghaq luimx nuex m-yuz wvnc kueq.


Yvmx khoc lac ngoz ruiux lec Tishox rueq mungkawx tvdung sung tueq maq phaungc vtueq majuiuc nuex httuiuc laz, yaungx muq shauk dvyx doc. Yix maq muinz kvkhoc yaungx wvnc tuex rvmuq.


Kvruex baunglaung Roma wvmungx tuimx nuex httax yaq miq muingc wvlc tsenc tvkoc honoc Agustu rueq nvr tueq.


Síguenos en:

Anuncios


Anuncios


¡Síguenos en WhatsApp! Síguenos