James 4:8 - ASII LAKDAP Bible (BSI)

⁸ Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

Hawa Naga Bible 2001

⁸ Tishox kox nuex kvnvp wuez kuinz; kvkhoc ngoz ruiux jix vpiq muinz nuimshiq kox nuex httuiuc kaz tuex. Mvrax vhttax jix htenc lex, nuimshiq yauk kuex hoal wuez shuinz, kvyonc yuk thuinz httaz jix htenc lex, nuimshiq thuinz vmungx kuex tvsawc wuez shuinz.

Muklom

⁸ Shkewa relnáng thuphin etho piq tho nim rel náng kapha na. Nim ngarey miqtang, nim jak shi khol inn etho thung ahung miqtang, nim tin shi tasang inn.

James 4:8 Referencias Cruzadas

RAPHA HIQWA LAK 18:23

Abraham ka Tatiwe phana tiisotto. Raüta akha waito, “Riita ümniiraq maiqsangti ka ashutti rai ngohea shaqshaq dea shea miqchup mijiipbaiq haü?

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

YOBA 16:17

Shatmaq ngi raq jamlai mat atsa min tang mang dea, kiimaq ngi raq Shiikeawe jaq wa achu jaü tiikang ka tingting.

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

YOBA 9:30

Ingarai thun tiisii hechang ka sabon ri ahü she.

Tvtsvmc 119:113

Ngi raq ümwokhong na tiipumtlii simakti ka tsaihai tiikang, shatmaq ngi raq üm thungtri lungwii tiikang.

Tvtsvmc 145:18

Apaiq ka amangchongti tho na sitlo, jurwa tsangri ri maq amang chongtlaq.

Tvtsvmc 18:20

Tatiwe raq ngi ma poksi kuqtlo jamkhano ngukla ngi riika jamlai wa tri na riikhaqli kli shamtiikang; apaiq raq ngi shiiman kuqtlo jamkhano ngukla ngi ka chiisan maiqse.

Tvtsvmc 24:4

Juwa jaqsham na kiimaq tiima tsantsii na asii, jurwa sumla thun shomnoq mak riimakla arot kiqkham mak.

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

Tvtsvmc 51:10

Imongjii ka siirairai she tiijalaq, O Shiikeawe lei, laüta itsan mong na wenyi anye kiimaq ümniirai tiipumtlii siti wenyi thiikuqlaq.

Tvtsvmc 73:13

Riita ikhla ngi rilung pattup chiisan siwan kang arka atuli she dea shea kiimaq ngarai tang mang maq siwan kang arka amiili she dea shea?

Tvtsvmc 73:28

Shatmaq ngi ma riiwe kla, Shiikeawe wokhong na siwankli pinthum amao chang, Ajong Pinthum Tatiwe tiiwong na siwan kli she kiimaq apaiq raq ümtinkhan wa jaq shamkuq wantaq kra chiiriim lata chongke wan kriili she amao chang.

ISAIA 13:15

Ümriiti wa re jaq mong na trong wa tlaq, kriiti ka jasai maq tiikhiqlaq mishukbaiq.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

JEREMIA 4:11

Jerusalemti ma rahai haike henghea maiq akhiim ka kumtsaiphii rumnyangkhi binjü wa haiwan raüta, Jerusalem nü na hai wantlo nguta chiiriim raüta chongke akhing ka saü wanto she. Kra rahai ka nintatase tsamchhii pan wan lamlamli ka riimak.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

AJONJÜ 3:57

Ümniiraq ngi achu jaü tre laü. Kiimaq ngi ma naqha aikiq ngulaü.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

JEKERIA 1:3

Shatmaq ümchaü san, ngi raq, ‘Namshiq ka iphana jang wan nong rong laq. Kra riihan jiila, ngi min, namshiq phana mijang wan nongkang.

MALAKI 3:7

Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’

Matthew 12:33

“Petsi ka tsihea phan pansea ma jiila, achong kiimin chonghea phan riichang. Achong ka abi phan jiika, atsi kiimin abi miraq. Petsi chong ka chonghea phan sha chongbi phan wa kriika, atsi kriimaq tiisap kitlo.

Matthew 15:2

“Ümjaqshisetiim raq richü we raq achong kuqthü thungtri ka lang wan mak, jam nguto jin wan tla? Jam nguto tsangshiq jaq ka thungtri na chongtlaq kiikha riikhaqli maq hemak miili tü adung ka phaqsiq tla!”

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 7:19

Ara jamkhano shiithu baiqta ngukla, Mosheq raq akuq thü thungtri riika, maiqse rilung ka minhap ma tiija lot mak. Kiimaq ümchaü sanha, nashiq ma aran phan chang lam ka, samhea linlin she tankuqto. Ara lam tankuqtaq armaq, wawan laita nashiq ka Shiikeawe wokhong na misaü lot rong i.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.

1 SAMUEL 14:35

Saul raq aphashaqshaq Tatiwe ma berong-wacha ka kiijaq haito.