James 4:7 - ASII LAKDAP Bible (BSI)

⁷ Arningkhan, namshiq ka Shiikeawe wokhong na sanglili maq, ahea wiq maq si ronglaq. Lanta Shiikeawe wokhong maq Thawe ka, along lanta jobaiq ronglaq. Kra riihan jiika, apaiq ka namshiq tho wa aju she mirho.

Hawa Naga Bible 2001

⁷ Kvkhoc rvtueq Tishox thuinroc lvmx kuex phvnx wuez shuinz; htaungc waz kuex tuingshaung gay shuinz; kvkhoc ngoz ruiux yuq jix piq kuex nuimshiq kox kvwawc yuz wvnc tuex.

Muklom

⁷ Eshirangma nim Shkewa jakkhung na tong inn. Thangwa sha miiksuk inn etho piq nim rel wang jol chuwang angna.

James 4:7 Referencias Cruzadas

2 SAMUEL 15:26

Shatmaq apaiq ka ngi ma atsan heamak jiika, apaiq raq ngi ara jamkhii tiijasha wa thapthi tlaq, kra phanphan miklo laq.”

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

YOBA 1:21

Apaiq raq akha nguto, “Inyung puk maq siipe chiito, kiimaq ngi ka siipe hali mitsai nong ha. Tatiwe raq kuqto, kiimaq ümchaü apaiq raq hali lam wan nongto. Apaiq mang kli mitiitsam laq!”

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

Tvtsvmc 68:30

Ejip mung ka sonlaq, rum ngam ikha tingjang ro mong na sitinok kra; sonlaq, maiq mung thun kra, minsaü pongwe kong asetiim rai haitlaq ikha kra, tsangshiq wiitarü ümjichong na bum raüta ümniima kampho honglu miphong kuq wan shaq wiiwii. Retiidong lungwiitlaqnok thun kra wiita tiipin jobaiqlaq!

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Acts 26:19

“O ajong Hokham we Agripa lei, riita ara chong tiikang arai mren, ngi ma ramungtan maq riisham bomchong aming akuq wan kriika, ngi raq phaqchii nichii maq lang wan kang.

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Romans 10:3

Shiikeawe raq maiqse ka jamkho kechu maiqse ma tiija wan tlaq, raüta apaiq rai wehea miishe tiija wan tlaq, raüta awura maq tiiham wan tlaq, kra tri lamphan ka tsangshiq raq takmak miili sirai tlo. Tsangshiq riika Shiikeawe raq atankuq wan riikhaqli tri lam kra phan wan rii na, tsangshiq maiqmii tri lam tan raüta, kra lam ka phan raüta sitlo. Krai mren, tsangshiq raq, Shiikeawe raq atan kuq riikhaqli kechu maiqse ma jawan lam, kriika phan mak riitlo.

Romans 14:11

Arka, Asii bomtsi na Shiikeawe raq chongtlaq kra phan phan mihong tha wan. Asii bomtsi na akha chongtlo: “Ngi ka pattup atra sitiwe Tati. Ngi raq chongtiikang arka tengteng poimak phan. Maiqse angu tarü raq i jichong na bum raüta, ngi mishomnoq wan. Kiimaq maiq phan aweatek raq, ngi ardea Shiikeawe nguta, chiiriim raüta mitsaki wan.”

Ephesians 4:27

Thawe miika kilü naqdi kuq rongkiq.

Ephesians 5:21

Khristo ma anato lanta sitlan krai mren, namshiq liipan niimin ashi ka ashi wokhong na nyap lanta, riilam riilam maq shongnga ronglaq.

Ephesians 6:13

Kra ningkhan, ümchaü li Shiikeawe miirii kra sam lanta tiimiikhiiq ronglaq! Kra riihan jiitiq, ranaiq abi akhing saüwa tlaq akhing na, namshiq raq winji abi rewe chuntsi nyiimwin saü tlaq thun kra wiita mito lot han. Kiimaq kra rekhat ka tang jai min, namshiq raq rewe hiqshong kra jiiwan tlii riilanta, namshiq jaqkhon mong niishe mithü lot han. Lanta re na kai nong miitu tiijeshat miishe misi han.

Hebrews 12:9

Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!

1 Peter 2:13

Namshiq ka Tatiwe mang maq, mangjong hiq na ajong alabi sitlaq wokhong na sirong laq. Wiitarü mung khuthaq na Hokham we sitlaq kra, aming wokhong na sirong laq.

1 Peter 5:6

Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.

1 SAMUEL 3:18

Kra ningkhan, Samuel raq apaiq ma wiita chongto. Apaiq raq bom poshi min dampaü mak riito. Eli raq nguto, “Apaiq ka Tatiwe; apaiq ma jamlai ahea kra miklo.”