James 3:6 - ASII LAKDAP Bible (BSI)

⁶ Ara chongtiikai akhiisii, maiqse nü na atili sitlaq kiimin, wanii tu ikha. Maiqse khum na tili sitlaq arka, abi hokham weshi raq, mung langtlaq ikha. Ara abi hokham tili arka nashiq khum na sitlo. Raüta, nashiq khum ara wiipumtam na, abi kiimung maq mia raüta tiinyam wan tlo. Ara na tili armaq abi bomtsi bom laita, wamungtan wa wapü pan tlaq kra niq wan tlo. Raüta, nashiq rilung lam ara wiita wa maq tiikhiim chaq baiqtlo.

Hawa Naga Bible 2001

⁶ Tvlix kuex wvr rulc rv-ngvlc. Tvlix kuex naungshiq shauk gvnz phux wawc honc vbac mungkawx rvtueq, naungshiq shauk gvnz wvtaungx nuex vyaq vrax kuex tv-nyvmc wvnc yaq. Tvlix rueq ngarvyx wvr kvmaq naungshiq rullungx wvlex tvkhamc gay yaq.

Muklom

⁶ Phali sha wal mal. Phali shey hiqtang hanphung sha thanan aa etho thaji hanphung sha tashit aa. Etho eshey hiqtang rollung sha walnáng takat aa.

James 3:6 Referencias Cruzadas

2 SAMUEL 16:20

Kiijiishe Absalom raq Ahithophel phanü na liiraüta nguto, “Riita ümchaü nashiq ka arjiishe. Nashiq raq jamlai jaqsham chang wa chonglaq?”

2 SAMUEL 19:43

Israilnok raq treto, “Namshiq raq Hokhamwe Dawit ka namshiq rii nguta jamkho dadü tlan, kiitinkhan sii hali, naishiq riimin apaiq ka naishiqnok nguta dadü wan arang ka manroqshi thaq na achan asi, apaiq ka namshiq hiqtili nguraü min. Namshiq raq naishiq ka jam nguto shummii tlan? Hokhamwe tiijang sheakai miitu bom ka naishiq raq kongkhu tiidong phakai. Kra naqlaq rongkiq!” Shatmaq Israilnok mungtibi thaq na Juda mungti raq hokhamwe ka tsangshiq rii dongdii nguta pinthum achaq awaq maq riilongto.

2 KAÜWA WERAÜ 13:17

Abija nai asenginok phenlabi raq Israilnok ka tiinamtok khatto. Raüta lakh biingi Israilnok phenlabi srea nolajongbi ka jiimto.

Tvtsvmc 140:3

Tsang tili ka paüsang nyiqla lai ikha; tsang bomtsi ka paücham lai ikha.

Tvtsvmc 64:3

Tsangshiq raq tsangtili thun ka nepja ikha sihea minto; raüta bom bihea ka maiq dü na liqsin ikha neitlo.

TAKSU LAK 15:1

Aninse maq maiqbom tre raüla, maiqtsankhiq ka ashi mirki; Shatmaq kiqla hiiphii maq tre raüla, tatsoli mitiipa.

TAKSU LAK 16:27

Hon atsii abi rümti riika, nanok shiithenbaiq lamlu kli rittlo; tsangnü maq adong bomtsi kriimin, watu ikha maiqchaq changli.

TAKSU LAK 6:19

Rung na arot saqse keti, kiimaq maiqjam kun na tatso tiidongti.

TAKSU LAK 7:5

Tsangshiq raq ümniika, maiqchakre maklii wa mitiiwong kuq, kiimaq jechakre abom sumhea nyungre, thiikho wa mitiichhii kuq.

ISAIA 30:27

Tatiwe ningkun jonglu nai apaiq khushü ngao chhainyii ka aluwiq miili tiichhi rashra. Apaiq tsankhiq ka watu nai wakhuk mongtlaq kriimaq tiichhi kuqtlo. Apaiq raq bom raüla, abomtsi raq wa ikha khiimtlo.

ISAIA 50:11

Namshiq wiitarü, jurwa nanok tseabaiq miitu thiikho thutlanti ka, namshiq maiqmii raq athuhan thiikho na dea lantea mithen han. Arka Tatiwe apaiq raq mitiihong wan; namshiq ka maklii jaina tiijangphat kharii mihumphaq han.

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 28:16

Kiimaq arningkhan na, Tatiwe apaiq raq, ümniika alam she mirbaiqha ngutlo. Ümchaü rawii ara mithum shaq niili ümniika mitsai haü nguwa. Jamkhano ngukla ümniiraq mungmaiqse ka Tatiwe kiq tlea wan lam nü na chongphan shun shea wan laü.”

WEAWEA 25:2

Ara jechak nyungre raq tsangshiq ka tsangshiqnok raq Mob phra shomnoq poi ma ataa ngam kra phaqsea dam miitu tiiheato. Israilnok raq kra thatsang poi phaqsea kra lomdamto kiimaq Peor hiq wa Baal phra ka shomnoqto.

WEAWEA 31:16

Tsan na tiitsang ronglaq, Jechakre raq mak jea, Peor hiq maq Balaam raq tsii achong kra tai raüta, Israilnok ka Tatiwe wokhong wa lamjiq na tiishon hotaq ira. Kriikha na tiina Tatiwe sengi khuthaq na thabi tiidongtaq ira.

Matthew 12:24

Shatmaq, Jesuq raq abi winji raq akaq atsi we kra tiihea kuqto nguta tairaüta, Phorisinok riika, “Apaiq raq ara tsak amii tha jobaiq wantlaq arka Tha Lüwa We Beljebul ningkun maq jobaiqtlo,” nguta treto.

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Mark 7:15

Maiqse raq tri riikhaqli maq, jaq hehü miili, lairap phaqsiq tlaq, kra riika maiqse tsantsii ka tiishe mak. Shatmaq, maiqse tsan mong na ashe ashi tiima rüm tlaq, kra raq tiina, maiqse tsantsii tiishe tlaq kra.

Luke 16:24

Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Acts 20:30

Namshiq phong wiili, maiq wiijamti ka dongho raüta, tsangshiq raq arot akiq bomtsi kra michong kuq. Raüta, phunainotiim liipan wa maiq wiijamti ka tsangshiq jai phan niishe misheaho.

Acts 5:3

Kiijiishe, Petar raq apaiq ma waito, “Ananias, ümniiraq namnai tachong hupsam hiqphu sha lanta, kra sha kampho wa khoko ka ümniirii thüho raü, khokoli kuq laüta, Asii Wenyi ma wiita kuqkang nguta arot chong miitu, ümtsantsii ka Thawe thongkhiiq na jaram wa rongki laü?

Acts 6:13

Raütiishe, tsangshiq raq maiq wiijamti ka shea wan raüta, apaiq tiishaü baiq miitu, kha ka arot tünyan nongto. Kra arot hakhi ketibi raq Stephen ma, “Naishiq raq apaiq ka, nashiq asii Shomjam ara nai Mosheq raq akuq Thungtri khuthaq na, bom ka ashut abi bom kli tai tiikai.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

James 2:7

Namshiq raq shreng tlan, Jesuq Khristo mang chong kra tiibi wanti ka tsangshiq kata.

James 3:7

Maiqse riika rum ngamse ngu i, wushi ngu i, paüsang nyiqla ngu i, kiimaq jü mong na siti phan ngiq thun kra ngu i. Arthun wiita kunkun ka, mishpuq wanlot siisaq. Sha, riikhaqli maq liiwan raüka, maiqse riika phanrap ngamsaü ngiqse thun ka wiita kunkun she shiipuqto.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.

3 John 1:10

Riita kra ningkhan, ngi ka ümtincho wa kiina watiikang, kiitkiitiq, apaiq raq phanrap shukshaq tlaq thun kra wiita misidi ha. Apaiq raq naishiq khuthaq na nü min kimak chang thun bom wiita bom tlo kiimaq ümtinkhan wa arot akiq shapshaü miqshii tiikonchon tlaq kra thun ka mikonchon wa ha! Kli min riimak, apaiq raq Phungmaiqsetiim trahoke wa noqku na watlaq kriimin ajo riibaiq tlo. Kiimaq maiq wiijamti raq tsangshiq ka tao wan tiima tlaq kriiti kiimin apaiq raq tangta baiq tlo. Raüta tsangshiq ka phungtu wa tiidong baiq tlo!

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 18:23

Ümchela mong na wa tlü chaqti maiq jumin ahü she miraq. Maiq riilam riiwati junrii norii bom nai trang min ahü she miraq. Ümsengi laopanbi thun ka mangjong maiqse tlot li thaq na ajong pinthum chiithe lüwa siisaq nguta siwanto ihata. Kiimaq ümniiraq arot akiq along alea bomtsi chongkuq wan laüta mangjong maiqse tarü laophaq wan laü ihata!”

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.