James 3:5 - ASII LAKDAP Bible (BSI)

⁵ Nashiq nü bok na, nashiq tili sitlaq armin, ara ümchaü kumrang maq thapthi tiikai akhiisii hali. Ashaq lii miika aranse. Mak min sukmak ngo chang khan. Shatmiitiq maiqse raq atili tsak tlaq kra phanphan, abom asa ka rapa hiqchin, atailot chang min ahü, bomrai tlo. Maiqmii tiitsaki seali. Namtsan na riiwea rongliita. Rum ka kunyung kinwe jonghea li ngu raü min, wakhat kiishi se miili kunyung kinwe tiikhiim chaq baiq wantlo!

Hawa Naga Bible 2001

⁵ Tvlix muinz kvrulc rv-ngvlc yaungx yaq: kvruex kuex vruinx pinhtumc gvnngvmx phux rvtueq yuq muinz kvshomc kvparc lvmx nuex yunghvlc httax yaq. Vkhuc saz rvtueq wvr rueq yunghvlc luingx vlak htenc khamc gay lot yaq kuex tvmaung wuez shuinz!

Muklom

⁵ Eshimal hun phali sha tho aming sa etho ajong ajong tung aa raaq tharangka eq raaq aa. Etho siin inn, amaan sa wal wang chamtan ajong jat sha jungti aa.

James 3:5 Referencias Cruzadas

YOBA 22:17

Tsangshiq raq Shiikeawe ka no na tsuq baiqto kiimaq apaiq raq tsangshiq ka jamkhii min riilot mak miraq nguta kamtibi riito.

Tvtsvmc 10:3

Abi maiqse ka apaiq raq ashut ramho rümtlaq kra miitu shiikongkhiq sitlo; Shakaqwe riika manson kiqsü riitlo raüta Tatiwe ka shipoq baiqtlo.

Tvtsvmc 17:10

Tsangshiq ka maiq ma mangchan ahü kiimaq jaqrap jirap bomtlo.

Tvtsvmc 39:1

Ngi raq ngukang, “Ngi raq jamlai wa shamtiikang kra honkamshat mirha kiimaq itili lümaq ngi ngarai tang mang mirha; itho na abi maiq kong sishat na ngi raq inübok ka asuk lata mithüha.”

DUNGWVNC 15:9

Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

DUNGWVNC 5:2

Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”

TAKSU LAK 12:18

Thaüpakpak bomti raq, jasai maq ashuk ikha maiqtsan tiibitlo. Shatmaq sobsob bombom bomtsi ka, maiqtsan tiiheatlo.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 18:21

Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

TAKSU LAK 26:20

Chin chaqmak raüla, wa ka amat mirki; shapshaü panti ahü ngu raü ka, tatso ka dongmak.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

EJEKIEL 29:3

Tati Rakaü Hiqwe raq Ejip mung hokhamwe ma ara chongkuqtlo nguta chonglaq: Ngi ka ümniima wesang. Ümniika chlaikaü abi thawe. Ümniika jümong na sitlaü. Ümniinga Nail rai ka ümrii kiimaq kriika ümniiraq aphan sang haü ngutlaü.

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

James 3:4

Kiimaq kiikhiisii hali, kham jahat mokkiitu kaü ira ngu i. Ashaq lii miikla, jonghea raham hiqham kaü. Li jiimin, rahai hai jong saü tlaq kiima tiithu wan raüta, kham thaq na tiikhum tlo. Riita, arka ajiiq chang samthu pen aranse, laimaita siim na atiihong asi. Lai jiiqti we pailot raq, mokkiitu ka ümnü na tiikhum wanro wa, kra phanphan she, samthu pense kra maq tru rap wiiq wan raüta, mokkiitu kaü ka tiikhum tlo.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.