James 2:5 - ASII LAKDAP Bible (BSI)

⁵ Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Hawa Naga Bible 2001

⁵ Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

Muklom

⁵ I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

James 2:5 Referencias Cruzadas

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

YOBA 34:10

Ibom chong ara tai ronglaq, namshiq maiq asap atsintitiim raq! Ningkun Ajong Shiikeawe raq ashut miklo shea?

YOBA 34:19

Apaiq raq tuwebi rai min pong mak riimakla chiithe maiqse rai pong raüta miitsan maiqse ka tiishaü mak, jamkhano ngukla wiitarü ka apaiq raq aphansang siisaq.

YOBA 38:14

Ranaiq rawü li wan raüla ku akin thun nai jükhü hiqwii thun ka, kheathum atiithap rat ikha, hamlii pen na sil maq athok ikha khangriri hea awaiq tiichhitlo.

DUNGWVNC 20:6

Shatmaq Ngi lungwiiti nai Ngi aming thun wokhong na siti miika Ngi lungwiitsii ka maiqpat ahing ahing na saüli mitiichhi kuqha.

TAKSU LAK 13:7

Maiq wiijamti ka chiithe liiwa ikha tiibaingetlo, shatmaq miitsan sang sitlo. Maiq wiijamti ka miitsan maiqse ikha sitlo; shatmaq ajamkun na chiithejong sitlo.

TAKSU LAK 7:24

Isetiim lei, ümchaü min ibomchong tai ronglaq; Inübok maq adong bomtsi ara, nammongjii na shaq rong laq.

TAKSU LAK 8:32

“Riita ümchaü min, jerobi lei, i bomchong ara tairong laq. Ngi raq chongtiikang arphan phan klo ronglaq, han jiila namshiq ka chochikhiq misi han.

ISAIA 14:32

Riita nashiq phana Philistain mung wa tsasoqti kiimwebi saü wantlaq kriiti ma nashiq raq jamlai bom wa michong rong i? Nashiq raq tsangshiq ma Tatiwe raq Jajon chela ka phataqtaq hea she shongto. Kiimaq asenginok ümtinkhan wa chamchao litkot mong maq lea wantaq kra ümchaü sanha kiijaq mungtsing mungngang miishe mishong wan nguta michong rong i.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

JEPHANIA 3:12

Kiijaq ngi raq aran se ma ja raüta, sobsob bombom maq sitibi, iwokhong na khrum ritti ka, mitiisi wanha.

JEKERIA 11:11

Krai mren tongshong wantaq bomkha ka kra ranaiq niili diibaiq wanto. Kriithun ka, sku shati nai ariti raq, ngi raq jamlai wa klo wan kang kra shrira liiwanto. Raüta Tatiwe raq ngi lümaq, tsangshiq ma jamlai bom wa chongkuq tlaq, kra tsangshiq raq sapto.

JEKERIA 11:7

Sku piikiitinok raq ngi ka sku rüm ma amaq kham na thüto. Krai mren, ngi ka ataphaq chang sku rümti ma jakang. Ngi raq sku rüm chang nyeakii anai lam kang: kiishi mang ka “Akhrumti,” kiimaq kiishiti ka, “Aram ari,” nguta mang kang. Kra latiishe, skukong ka rüm kang.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Mark 7:14

Kiijiishe Jesuq raq mungmaiqse ka atho na hali hea nong raüta chong kuqto, “Namshiq tarü raq, i bom chong ara tiitsang tairong laq. Lanta tak wan ronglaq.

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Luke 12:32

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.

Luke 16:22

Ranaiqshi kra miitsan we ka tsaikito. Raüta, rasetiim raq apaiq ka ramungtan na shea wanto. Raüta, Abraham ma jaqtsi nü niishe tiinga wanto. Raüta, apaiq ka ramungtan na phaqsea poi jonghea kra lomdam she nga wanto. Kiimahali, ranaiqshi ka kra chiithe we kriimin atsai hali riikito. Raüta, ama ka alap riito.

Luke 16:25

“Kiijiishe, Abraham raq treto, ‘I se le, tsan na tiitsang laq. Ümrilung na ümniimiika phanrap phanrii chamtraq ake wan kun she. Kiimaq, Lajaras ka pinthum abi chamchao riihum raütli, arilung ka lea wanto. Shatmaq, ümchaü ka apaiq arjaq, chojong chise miishe sitlo. Kiimaq ümniika chamchao walü mong niishe khiimtlaü.

Luke 22:29

Kiimaq, i We raq ngi ka jamkho, Hokham ma shong wantaq, kiikhiisii hali, ngi riimin namshiq ka hokhambi ma mishong wan ha.

Luke 6:20

Jesuq raq ajaqshisetiim pha nü na lii raüta chongto, “Namshiq miitsan maiqse ma chochi; Shiikeawe Mungtn ka namshiq rii!”

John 7:48

Namtsam raq welabi phong wa, maiq weshi ra raq nai Phorisinok phong wa maiq weshi ra raq, apaiq bomchong ma kam tlo nguta chhi tlan sha?

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

1 Corinthians 2:9

Shatmaq Asii bomtsi na akha chongtlo, “Maiqse angu wa jurmin jangshi ra min, akha mihong tha wan nguta tiima chhi tai lot mak. Kra riiwe ka Shiikeawe raq apaiq lungwiitibi ümchuwa sitlaq, kriiti miitu tiije kuqto she.”

2 Corinthians 4:15

Riita arthun litkot chamchao homa howan tiikai arka, namshiq khum kra tiikhe wan miitu chamchao wan tiikai. Kiimaq ara naishiq niiko wan tiikai krai mren, Shiikeawe kaphap mangchan raq maiq pahea kra tiichhii kuq wan tlo. Kiimaq Shiikeawe ma kechutum kewan kiimin maiq pahea raq mikuq wan. Arthun arka Shiikeawe khushü tiijong wan miituli.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

1 Thessalonians 2:12

Naishiq raq namshiq ma tsaido jido, sungkhu tsiilam phanchan kuqkai. Kiimaq boqpum wan kai. Laita, Shiikeawe tiichochi chang rilung kli singa rong liijo nguta, noho ikha chongkuq kai. Shiikeawe raq namshiq ka apaiq wokhong na si raüta, apaiq achhai anyii rilung kra riisha wan dam lanta, shongnga miitu hea wanto.

2 Thessalonians 1:5

Riita, arthun chongtiikai ara miili she, Shiikeawe raq kha phokuq tlaq arka, tingting maq shin raütiidea phokuq tlo nguta, nashiq raq sap tiikai. Kiimaq ümchaü namshiq chamchao tlan arkha maq, namshiq ka apaiq Mungtan na, awokhong na, awongsii asengibi ma mitiija wan.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

2 Timothy 4:18

Kiimaq ngi ka Tatiwe raq phanrap chiq se rewe jaqkhon mong wa khup wong kuqshat maq mirüm kom wan. Raüta, apaiq raq ngi ka jam min ngusiq mak maq, apaiq Ramungtan na mishea wan. Apaiq khushü kli pattup pat-sa achhai anyii mijong laq! Amen.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 1:9

Phungmaiqse liipan na juwa thümsaü litse sitlaq, Shiikeawe raq kriiti ka arong awin ma tiija wan tlaq akhing na chochi wan chang.

1 Peter 1:4

Arkha miitiina, nashiq raq mongngam maq, Shiikeawe raq asengi ma kewan miitu achu shiiman alüm alei, jonghea tiije thü tlaq kra, milap rong i she dongdii nguta khekham maq sitiikai. Shiikeawe raq kra achu shiiman tum thun kra, namshiq miitu ramungtan na thü tiije tlo. Kra achu shiiman thun kriika, ariim kai chang phan ka riimak. Kriika ümtiikiimin riimki mak phan. Kiimaq athen min thenki mak phan. Kiimaq amiinu ka ajomkai chang phan min riimak.

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

PHOWEBI 9:7

Ümtiikiiwa Jotham raq ara tsütsa ka taitaq, apaiq ka Gerijim Hiqlam khupo kiina wawanto, raüta mungmaiqse ma tiihong raüta agilülü akha riimto, “Shekhem chelati singmung maiqse le ibom ara tai ronglaq! Kiimaq Shiikeawe riimin namshiq bom ka mitai laq!

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.

1 SAMUEL 2:8

Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.