James 2:5 - Muklom

⁵ I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

ASII LAKDAP Bible (BSI)

⁵ Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Hawa Naga Bible 2001

⁵ Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

James 2:5 Referencias Cruzadas

Matthew 11:5

Miikduk tang aa jin khi sey aa, jaakung tang jin qhing ang aa, angam tang usang sey ang aa, naqbang tang aa utat sey aa, tik chol miq wey jey ang aa, etho tangshi miqtang ma tungtang aqhal raaq tatat aa.

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Matthew 5:3

“Utin na tharangka moq tey tang ma sunmaan, chammatakoi Rangmungtan sha ning ma angna!

Mark 7:14

Etho Jesu aa miq waan tang tha urel náng hal eq batta, “Nim thaji aa iraaq ri tat inn etho sam inn.

Luke 12:21

Uthun ma Jesu aa batta, “Utang eq tho piq ni piq rangma lik angin thajoq shing aa, etharin Shkewa miiksiin na tanglom ang moq ang ajo piq rangma irimal hun angna.”

Luke 12:32

“Amaan sa waan nakcho inn, nim wa nim ma umungtan sha kot ma sungrang eq tathin aa

Luke 16:22

Eshi tangshi wa tha utik sey angta etho rangkamwa tang aa piq tha tunsom eq mungtan na Abraham kang o tatong ta. Eshi tanglom wa tha tho utik sey angta, etho piq tha haqbung o bungta.

Luke 16:25

Etharin Abraham aa batta, ‘Isa, tat tasik u, nang atharang tong tok o nang ma thaji jaqhal chen kota, etho Lazarus ma thaji jashit chen kota. Thang aa piq ina jakchol wat eq tong chey aa etho nang esho rapney tsamnang ang chey u.

Luke 22:29

Etho Iwa aa nga ma jaqhal jaktáng o shing ma kotphang, req nga tho irimal hun nim ma jaktáng o shing kopha náng.

Luke 6:20

Jesu ujiphantey tang chingko thináng siin eq batta, Nim tangshi tangma sunmaan; chammatakoi Shkewa mungtan sha nim rang hun angna!

John 7:48

Phokho walang tang tia Phorisi tang wang ashey eq tho piq ma han eq ta i?

Acts 7:2

Stephen aa batta, “Iwa etho ino nia ipho tang tat inn! Hiqtang tey aa wa Abraham Haran náng ka eq tong wey moq jakho Mesopotamia na angta tho phun amun Shkewa piq ma takhita.

Romans 8:17

Thanga hiqtang usa tang ang ijo hiqtang raa sa may; etho hiqtang Khristo jamoq Shkewa phun amun sa may ang i. Etharin hiqtang phun amun sa may ang ijo piq tsamnang jamoq tho atha ang ching.

1 Corinthians 2:9

Etharin Asang likwit na bat aa, “Shkewa tinmat tey ma ban kacha shingta sha utang eq tho khi wey moq etho tatwey moq, etho esha miqtang aa baluk otho tathin moq angta.”

2 Corinthians 4:15

Iri tang thaji raa nim rangma; etho chamal Shkewa ráng manchan daqhan miqtang khom o thupha, iriwang ning aa kechu ajong nia romtam ahan chu eq Shkewa ma phun amun na.

2 Corinthians 6:10

tintashit taphi, etharin salwet sungrang eq tong i; í tangshit mal etharin í aa daqhan miqtang sha tanglom ma hun ti; í jakna chamtho ahung mal, etharin í jakna thaji atha.

2 Corinthians 8:9

Nim aa usam eq inn, hiqtang Teyhungwa Jesu Khristo ráng manchan chamal ang aa tha; piq itan tanglom ang ajo tho, nim rangma piq ni piq sha tangshit ma tahun ta, irimal ang eq piq tangshit tungkang o nim tanglom ang nin.

Ephesians 1:18

Nim tin eq uphang sha khi rangma cham thalak aa ta nga romtam chu ang, irimal ang eq piq aa nim chamlang tungmang rangma halta phin esha nim aa usam eq nin, etho piq aa umiqtang rangma talta rangtum ta sunmaan thangchan sha tho nim aa usam eq nin,

Ephesians 3:8

Nga thaji Shkewa miqtang wang thaji phey náng eq nijang, etha o tho nga Gentile tang ma jin wet moq tanglom tungtang qhal, bara Khristo ràng, esha phanchan ma Shkewa ngama uráng manchan kot taphang.

1 Thessalonians 2:12

Í aa nim tin thajong kot taphi, tin tachim kot taphi, etho Shkewa sha tasungrang eq tong ma batta phi. Shkewa eq piq rangmungtan etho piq phun amun phal kotma nim raa hal phin.

2 Thessalonians 1:5

Iri raaq wang tasam aa, Shkewa asing eq khaphung aa, etho Shkewa mung sha nim aa jin kap eq inn ta, nim aa tsamnang kap inn.

1 Timothy 6:18

Ning ma jaqhal jaksom rangma raaqkhat kot u. Jaqhal jaksom na tanglom angma, etho tinlak eq kot ma etho miqdak nong rangma raaqkhat kot u.

2 Timothy 4:18

Etho Teyhungwa thaji jashit wang thalun phanáng etho piq rangmungtan náng nga hom eq sol chuwan phanáng. Piq rangma salwet phun amun cham ang aa. Amen.

2 Timothy 4:8

Etho thanga irangma mungtan na ashey kongpha shing aa, esha asing rollung na tongtey ma shing aa cha khopok. Asing eq phung kottey Teyhungwa eq eshi cha khopok sha irangma piq wey kat Saal o kot na. Ngama chen ang moq, etharin utang eq piq jukshey weykat rangma tungmang shing aa, ning thaji ma tho kot eq na.

Hebrews 11:26

Khristo tungkang o tsamnang sha Egypt tang lik aa ngin phey náng eq ahan thangchan ta tathin ta chammatakoi piq aa ukongpha ma jakho náng siin chey ta.

James 1:12

Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

James 1:16

I no nia pho tang, nak cham dip phin.

James 1:19

I no nia pho tang, iri raaq ri tasik inn. Thaji miq eq photla tat ching etho uraaq na karel etho tinqhat na karel ang ching.

James 1:9

Tangshit uhantey tang sungrang ang ching, chammatakoi Shkewa ning sha tunsol na.

1 Peter 1:4

Etho Shkewa umiqtang rangma ajong sunmaan mungtan na tashing aa eshirangma hiqtang tungmang shing i, bara baluk otho thun moq angna, baluk otho mitmoq angna etho baluk otho shiqti moq angna.

2 Peter 1:11

Irimal nim hiqtang Teyhungwa nia thaluntey Jesu Khristo pattuk mung shina rangka jamoq thanop phani.

Revelation 2:9

Nga ba tsamnang sha usam eq ang; nang sha tangshi ta nga usam eq phang, etharin nang tanglom; utang eq piq ni piq tha Jehudi ta bat aa etharin Jehudi ang moq, Thangwa synagogue ang aa, nang aa ning miiksuk eq u ta nga usam eq ang.

Revelation 21:7

Barey jin na ning aa eshi tangwang tang tha kapna etho nga ning Shkewa ang náng etho ning isa angna.

Revelation 3:18

Eshirangma tanglom angma, wal o sot chol hun aa cha ri, iching wang ri phu ta nga nang ma batphang; etho nang hansang wang rakri ang moq angma usam eq ma apung khat shi iching wang ri phu. Etho nang aa jin khi eq u tha ba miik o jik ma ujik phan iching wang ri phu.