James 1:10 - ASII LAKDAP Bible (BSI)

¹⁰ Kiimahali, Phungmaiqse liipan na, juwa chiithe sitlaq, Shiikeawe raq kriiti ka miitsan ma tiija tlaq akhing niimin chojong chise miili siwan raa tlo. Ara jamkhano chongtiikang ngukla, chiithe ja rilung ka, rum na pepü chong pülii tlaq ikhli. Jaqlose miitu li mipülii. Kiimiika atsaikai chang.

Hawa Naga Bible 2001

¹⁰ luiz waungx Christan phunox waz kuex Tishox rueq piq kuex tvruinc gay rvhumc ruiux yuq muinz vkoz vkez dvyx mhttax kueq. Yvmx khoc lac ngoz ruiux lec luiz waungx jix htenc kuex yaruix wawc pulx puic ikhoc yuiuq wvnc tuex rvtueq.

Muklom

¹⁰ Etho tanglom uhantey tang sungrang ang inn, chammatakoi Shkewa ning sha tinin angma kona. Tanglom sha jat pilpung mal maqwang na.

James 1:10 Referencias Cruzadas

YOBA 14:2

Nashiq ka pepü ikha jaqlolo li jong wan raüta shinki tlaq ikha shinki tiikai. Laita rashekii na maiq tsaiji moki tlaq ikha moki tiikai.

Tvtsvmc 102:11

Irilung ka raji rashe nyap na lairap tsaiji thun dongtlaq ikha; Ngi ka sangphii ashinki ikha,

Tvtsvmc 103:15

Nashiq rilung arka miinan sangphii rü ikhli. Nashiq ka rum wa pepü acham ikha jonglu wan tiikai;

Tvtsvmc 37:2

Tsangshiq ka sangphii shinki tlaq ikha jaqloli mimoki; tsangshiq ka pechamsetiim jungkitlaq ikha mitsaiki.

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

ISAIA 40:6

Maiqbom ashi tiihong raüta gitlo, “Tsütsa ashi chiiriim laüta tiitailaq!” “Ngi raq jamlai tsütsa tiitai chang wa?” nguta ngi raq waikang. “Chiiriim laüta tiitailaq maiqse angu ka sangphiirü ikhli; tsangshiq rilung ka atoqse rumwa pepütu ikhli.

ISAIA 40:7

Sangphii ka jungkitlo kiimaq pepüro ka mutkitlo, Tatiwe raq tsangshiq thaq na ra tiihai raüjaq. Maiqse ka sangphii rü ikhli alu kham mak.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Matthew 6:30

Shiikeawe raq mangjong hiq raikhü ka atinkhan tsomhea pepü wiihii maq tiimiikhiiq tlo. Arka jaqlose miitu li. Ümchaü asi anap ka ashin she mirki. Ikha jiika, ümniima Shiikeawe raq khu akhea ka kuq sam mak shea miraq? Üm kamtsantsii ka jaro ran rai tla!

1 Corinthians 7:31

Ümriiti ro piikii pealea klongla tlan, kriiti riimin tsangshiq hup asam riimak ikhli sirong laq. Ara jamkhano chongtiikang ngukla, ara mangjong hiq ara ümchaü jamkho sitlaq akha alu ka tsinglot mak she miraq.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

James 4:14

Shatmaq, anap rawüho haü jaq üm rilung ka jamkho jajiiq, kiimin sapphaq maü sitlaü! Üm rilung ka büse jaq na bangkham pose ikhli. Ümchaü asi, shatmaq athi heashise sijai niika ahü she.

1 Peter 1:24

Asii bomtsi na akha chongtlo, “Maiqse angu ka sangphii cham tlaq ikhli, kiimaq tsangshiq jongla khushü kiimin rum wa pepü ikhli. Sangphii ka ashin riiki tlo, kiimaq pepü kiimin hiq na rokki tlo.

1 John 2:17

Ara mangjong hiq rai khü na phiijawa ümchu wa diim tlaq kriiraq, ara ariq phan nguta shreng tlaq thun wiita arka thum rai wan tlo she. Shatmaq jurwa Shiikeawe raq lungwii tlaq kra lang raüta, jaqsham tlaq, kriiti ka pattup pat-sa atrali she misi.