James 1:10 - Hawa Naga Bible 2001

¹⁰ luiz waungx Christan phunox waz kuex Tishox rueq piq kuex tvruinc gay rvhumc ruiux yuq muinz vkoz vkez dvyx mhttax kueq. Yvmx khoc lac ngoz ruiux lec luiz waungx jix htenc kuex yaruix wawc pulx puic ikhoc yuiuq wvnc tuex rvtueq.

ASII LAKDAP Bible (BSI)

¹⁰ Kiimahali, Phungmaiqse liipan na, juwa chiithe sitlaq, Shiikeawe raq kriiti ka miitsan ma tiija tlaq akhing niimin chojong chise miili siwan raa tlo. Ara jamkhano chongtiikang ngukla, chiithe ja rilung ka, rum na pepü chong pülii tlaq ikhli. Jaqlose miitu li mipülii. Kiimiika atsaikai chang.

Muklom

¹⁰ Etho tanglom uhantey tang sungrang ang inn, chammatakoi Shkewa ning sha tinin angma kona. Tanglom sha jat pilpung mal maqwang na.

James 1:10 Referencias Cruzadas

YOBA 14:2

Naungshiq kuex peluz wvnc vtueq pulx puic ikhoc yauk lox dvyx yuiuq wvnc tiq; yac khawx ikhoc naungshiq moz wvnc tiq.

Tvtsvmc 102:11

Ngvy rullungx kuex shalx nyuip wvnc yaq wawc raungbuilx ikhoc yaungx vtueq; vshanx renhttuingx rulc rv-ngvlc vtaungx.

Tvtsvmc 103:15

Naungshiq rullungx kuex renhttuingx ikhoc dvyx rvtueq; naungshiq kuex yaruix rumz wawc pulx puic ikhoc yungx luz vtueq httax vtix;

Tvtsvmc 37:2

Shanx wvnc tueq renhttuingx ikhoc tsuingshiq kuex mtanc rvmuq nuex moz wvnc tuex; vkemc sahez yuiuq wvnc yaq ikhoc tsuingshiq thueyc wvnc tuex.

Tvtsvmc 39:6

vyac khawx vshiz htauk nuex muinz pinhtumc jvnc yaq rvmuq. Piq rueq shuimx yaq phvnx htenc muinz khuec guez tvkoc dvyx rvtueq; piq rueq tsak vnyvmx tvjomx taq ruiux muinz kvruex kuex uraq wuez lvp shvnx tuiuz muq.

ISAIA 40:6

Guyc tvruingc vshiz kuex, “Bomjungc kuex jungx shuiuz!” ngoz tueq jungx phuex tueq, Ngaz rueq, “Yvmx phvnx bomjungc jungc juing lac!” ngoz tueq wiz tauk. “Miqsaz lotlaz kuex httuingx ikhoc rvtueq; tsuingshiq kuex yaruix pulx puic ikhoc loayc hvlc khvmc muq, ngoz tueq jungx shuiuz.

ISAIA 40:7

Yehowa rueq kvruex hez htauk nuex raungguil tvguil koq tueq, httuingx kuex yuiuq wvnc ruiux pulx puic htenc kuex ruk wvnc tueq. Miq htenc kuex httuingx htauk nuex jvnc vtueq khvmc muq.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 66:2

Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

Matthew 5:3

“Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Matthew 6:30

Tishox muex kvmluimx thuinz hungx muq jix lex, majuiuc raungnuiyq httax ruiux invp raungnuiyq kuex wvr nuex jauk gay yaq, yaruix rumz wawc httuingx jungx muex Tishox rueq kvkhoc tvsvmc kuq ruiux kuex, kvruex htauk nuex jvnc vtueq nuimshiq muex tvsvmc kuq shuex rvmuq haz?

1 Corinthians 7:31

mungkawx tsak vnyvmx maq pvkac pvylvyc jix htenc muinz pvkac muq waz ikhoc httax kuinz. Yvmx khoc lac ngoz ruiux lec majuiuc httax yaq mungkawx vruex kuex loayc hvlc httax tuex rvmuq shex rvtueq.

Philippians 3:8

Kvruex dvyx muinz rvmuq, ngvy Taungjix Christu Yesu tuiuz wvnc tharc kuex, phvnx ruip saz htauk nuex muinz pinhtumc tsanc hvlc vlap ningkhvnc nuex, kvruex lvp wvnc tvkoc phvnx ruip saz kuex tvsawc ric vsumx nuex dvyx ngaz rueq hangc taq vshaungx. Ngaz rueq vpiq tvkoc nuex phvnx ruip saz kuex tuip gay shec tauk; Christu ngoz yaq vlap kuex lvp wvnc tvkoc nuiyc vpiq rulc vshiz dvyx yaungc wvnc tvkoc lotlaz kuex suingkez namx yauk ikhoc dvyx ngoz tueq tvmaung vshaungx.

1 Timothy 6:17

Mungkawx tsak vnyvmx muex rungwanx jix htenc kuex ngamc vngax httax muq tvkoc honc jungx kuq shuinz, tsuingshiq rueq phaungx ngaungx muq tsak vnyvmx muex tvluimc muq maq, naungshiq rueq lvp wvnc tvkoc phvnx ruip saz kuex vkuy roc thuinz maq kuy jix waz Tishox muex dvyx thuinz tvluimc juing rvtueq.

James 4:14

Nuimshiq kuex invp raungnuiyq nuimshiq rullungx yvmx khoc yaungc juing lac tuiuz wuez muit! Nuimshiq kuex rvmak laz dung vtueq moz kaz yaq wvr khuiuq rulc rv-ngvlc vtuinx.

1 Peter 1:24

Rumvrc luik nuex, “Miqsaz lotlaz kuex httuingx ruix ikhoc rvtueq, tsuingshiq ngauz vngax lotlaz muinz yaruix wawc pulx puic rulc rv-ngvlc yaq. Httuingx ruix kuex yuiuq wvnc vtueq vpuic muinz vruk rvwvnc yaq,

1 John 2:17

Mungkawx rulc vdvmz nuex kvruex wawc miqsaz htenc rueq rvnphvnx yaq phvnx ruip saz kuex lvy wvnc vtuex shex; yuq muinz Tishox thuinroc lvmx phvnc jix waz kuex pattup pat-sac httax wvnc tuex.