ISAIA 9:4 - ASII LAKDAP Bible (BSI)

⁴ Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

Hawa Naga Bible 2001

⁴ Yvmx khoc lac ngoz ruiux lec tsuingshiq muex tvliq yaq kandaungc nuiyc tsuingshiq phauk nuex wung yaq jowvyx kuex mnoz rueq tv-ngawk kuq gay toq. Mvnnuex mnoz rueq Midian nolaungx bix khvt gay toq ikhoc Mmiqsaz htenc kuex guirguenc naqsaq jix nuiyc mop jap jix miqphvnx kuex mnoz rueq khvt taungx gay toq.

ISAIA 9:4 Referencias Cruzadas

RAPHA HIQWA LAK 27:40

Ümnep ja kra sham laütli ümniika misi haü, Shatmaq ümno dise ma mija haü. Li jiimin ümtiikiiwa ümniika pong wela mijaho haü, Apaiq wokhong wa ümniika midongho haü.”

Tvtsvmc 125:3

Abi maiqse raq kechu maiqse mung ka wranaiqshe ka siqlot mak; tsangshiq raq siq raüka, kechu maiqse thun riimin abi moklo wan moraq miraq.

Tvtsvmc 81:6

“Ngi raq namraikhü wa homa laihea dobaiqkang; ngi raq namraikhü wa kiitelong homa lambaiqkang.

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 16:4

Naishiq ka nam mung na siphai. Naishiq tsea baiq tankhantinok jaq wa naishiq ara tiikhup wongkuq ronglaq.” (Mungmaiqse tiichamchao nai mung shiithen wan kiimung ka athum mirki. Kiimaq naimung tiithen baiqti kiimin awashe mirwan.

ISAIA 47:6

Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

ISAIA 52:2

Jerusalem lei! ümdü wa kharii thun ka pantham panthit panbaiqlaq! Laüta lüwa nyung miishe jalaq. Hiq na botkhulai na ngatlaü kiiwa tiidolaq, laüta ümhokham ngacho kiijaq ngalaq! Ümdü na kharü raütu maq khatlaq thun kra chumbaiqlaq! Jajon chelati dikong lei!

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 9:5

Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.

JEREMIA 30:8

Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

JEREMIA 48:17

“Kra mung miitu maajo hoqtrang ronglaq, namshiq apaiq tho na siti raq, namshiq tarü apaiq jonglu tsaki saptibi raq, ‘Apaiq ningkun henghea maq mung peng wantiwe thento she; apaiq khushü nai apaiq ningkun thumto she’ nguta ngu ronglaq.

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

NAHUM 1:13

Ngi raq ümchaü, Asirianok shumraü kharü, namshiq khachang kriishe, michumbaiq ha,” nguta Tatiwe raq chongtlo.