ISAIA 9:3 - ASII LAKDAP Bible (BSI)

³ Ümniiraq tsangshiq ma chochi jonghea kuqlaü, Tati lei; ümniiraq tsangshiq ma chojong chise rilung she kuqlaü. Ümniiraq tsangshiq ma jaqsham kuqlaü kriima chochitlo, tsamjut tumwan raüjaq chochitlaq ikha, riimakla sepat lopi riiphea lam maq chochitlaq ikha chochitlo.

Hawa Naga Bible 2001

³ Taungjix lex, mnoz rueq tsuingshiq muex vkokez juing yunghvlc kuq toq; mnoz rueq tsuingshiq muex tvkoz kez kuq toq. Tsuingshiq kuex mnoz rueq shuimx wvnc toq yauk shuimc ningkhvnc nuex, miq htenc rueq tuiz vtsvmz yut lvp wvnc shuex nuex nuiyc tsuingshiq rueq khvt vtueq vlvp wvnc tsak vnyvmx rv-phvlc tuex nuex kokez yaq ikhoc kokez wuez yaq.

ISAIA 9:3 Referencias Cruzadas

NEHEMIA 9:23

Tsangshiq saü asetiim phong ka, ra na raiqsaiq diimtlaq ikha, awea lot mai tiipu kuq wan laü. Kiimaq tsangshiq ma mung ashi kuq wan laü kra, Khat wan wan maq tiijü kuq wan laü. Kriika, ‘Namsaü namsetiim pat na mikuq kang,’ nguta tsangtitiim ma akhamkuq haü riito, kra phan phan kuq wan laü.

YOBA 12:23

Apaiq raq maiq mung thun ma ningkun shoqkuq tlo atiijong riiwan tlo, shatmaq apaiq raq hali tsangshiq ka khat raüta tang tlo kiimaq wiita shiithen baiq tlo.

Tvtsvmc 107:38

Apaiq raq asenginok shiimanto, kiimaq tsangsetiim kong ka tere rüjong ma tiijato; apaiq raq tsangshiq nyamse kong tiijommak riito.

Tvtsvmc 119:162

Ngi ka ümkiqkham bomtsi miitu kai khoqriiq tiikang— chaqtum sengtum humtiwe ikha chochi tiikang.

Tvtsvmc 4:7

Shatmaq ümniiraq ngi ma chochi tsantsii kuqlaü arka tsangshiq raq püwong tum nai che pükhaü totlaq kra nam miimin pahea.

ISAIA 10:26

Ngi, Ajong Pinthum Tatiwe raq Midian mungti ka Oreb Longkaü ba maq jamkho tiinamto bukbaiqkang, kiikha ichunpo-nyam chongwai maq tsangshiq ka mibuk baiqha, Ngi raq Asiria mungti kiimin Ejip mungti ma imo jamkho tiihokang kiikhiisii imo mitiihoha.

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 14:5

Tati raq abi hokhambi ningkun thun ka tiithen baiqto she!

ISAIA 25:9

Kriishe kupi wan raüla, maiqse wiitarü raq akha mingu, “Apaiq ka nashiq Shiikeawe! Nashiq raq apaiq ma kamwankai, kiimaq apaiq raq nashiq tiiwongkuqto. Apaiq ka Tatiwe! Nashiq apaiq ma kamtiikai. Krai mren ümchaü naishiq ka chochikhiq she sitiikai. Kiimaq khoqriiq shishiiq she sitiikai. Jamkhano ngukla apaiq raq naishiq ka tiichhiikuqto.”

ISAIA 26:15

Tatiwe, ümniiraq naimung ka tiijonglaü, naimung tro hiqrai ka tiijongkuqlaü, ara lümaq ümkhushü ka jongtlo.

ISAIA 35:10

Tsangshiq ka Jerusalem na chojong chise misaü wan, khoqriiq shishiiq ashi ange kiimaq arü ariiq watrangla. Tsangshiq ka pattup pat-sa chochikhiqli she misi, pattup pat-sa aho ajü nai acha apa ahü she miraq.

ISAIA 35:2

Kumtsaiphii wang chojong chise hongraüta mishinge wan; kra binjü ka Lebanon pum thun tsomwa ikha tsomhea miraq, kiimaq Karmel wak ram thun nai Sharon tan wiinai ikha hiqpo hiqwin miraq. Maiq loweatek raq Tatiwe khushü chhai nyii michhi wan, kiimaq apaiq jonglu nai apaiq ningkun kra michhi.

ISAIA 54:1

Jerusalem lei, ümniika sehü nyung ikha silaü, shatmaq ümchaü ka agi asii ashi ange she chochilaq. Ümchaü ümsetiim ka awese raq heashise min tlea mak nyung thaq niimin ümsetiim ka pahea she miraq!

ISAIA 55:12

“Namshiq raq Bebilon ka khoqriiq shishiiq lam maq mibaiqthü han; namshiq ka chela wa khusang maq mitsuq wan. Pum thun nai kin thun ka ashi ange miphok wan, kiimaq pechong thun ka chochisitsi ma agi watrang liishe miraq.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 61:7

Namshiq raq jea ngaü lan nai namshiq khushü jamtaq kriika thumto she. Namshiq ka nammung niishe mishong nga han, Kiimaq nam tsiiq tum ka thepliip mipa wan; Namshiq chochi ka pattup pat-sa misi wan.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

ISAIA 65:18

Ngi raq jamlai wa anye tiiqwan kang kra miitu chochi ronglaq kiimaq pattup pat-sa khoqriiq shishiiq si ronglaq. Ngi raq anye Jerusalem tiiqwan tiikang kriika chojong chiseli she misi wan. Kiimaq asenginok ka khoqriiq shishiiq she miraq.

ISAIA 66:10

Jerusalem rai chochi ronglaq; apaiq miitu khoqriiq ronglaq, namshiq ara chela lungwiiti tarü! Arnyung rai ümchaü chochi ronglaq, namshiq tarü apaiq miitu hoq wan lanti raq!

JEREMIA 31:7

Tatiwe raq ngutlo, “Israilnok miitu chojong chise shinge ronglaq, maiq mung ajong pinthumti thun raq. Namshiq raq tiitsam shi ka shi ronglaq, ‘Tatiwe raq atiichong arkiti thun chhiiwanto she; jaina ümchuwa tiichong kitaq thun wiita chhiikuq wanto she.’

Hosea 4:7

“Namshiq ramwebi ka pawan wan, namshiq ngarai kiimin pawan wan. Kriikha na nam khushü ka, jeasi khatam ma mitiija wan.

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

JEKERIA 10:8

“Ngi raq isenginok hünong buk lata miheaha, lata adam mitriitamha, Ngi raq tsangshiq mitiichhiiha. Lata man na jamkho hüma hiq ma, puchitaq kiikha, mitiipuchi wan nongha.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

Luke 11:22

Shatmaq, apaiq thaq na kuila ajong weshi kriishe misaü. Raüta kongkhu wiiwe kra mikhat. Raüta, mitang. Rekhat tang jai she, apaiq raq sepat lope tsiiq ümchuwa lap wantaq, kra thun kriika, arphea she mirwan.

Acts 8:8

Krai mren, kra chela na siti mungmaiqse ka pinthum khoqriiq shishiiq miishe shongnga wanto.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

1 Peter 1:8

Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.

PHOWEBI 5:3

Hokhambi lei tai ronglaq! mungtu shiilangbi lei, samhea tiitsang tai ronglaq! Ngi raq Israilnok Shiikeawe Tatiwe ma, shomshi mishingeha, phanrap tsüngii lata mishi ngeha.

PHOWEBI 7:22

Gideon nai asengi raq lerong kra tsütrang wanto, kiimaq Tatiwe raq rethun ka, maiqmii nepjasai chat raütiishe, maiqmii liipan na triijiip wanto. Tsangshiq ka Jarethan chela lam kriimaq riita Beth Shitta chela kiina, kiimaq riita Tabbath chela tho na Abel Mehola chela kiina jutrangto.

PHOWEBI 8:12

Kra Midiannok hokhamwe nai Jeba nai Jalmunna ka aju riito. Shatmaq apaiq raq tsangnai ka tiikot mrot johoto. Raüta lapto. Raüta tsangshiqnok phenlabi tlotli tiimokchaq, sung atsii min tlam lam mak khatto.

1 SAMUEL 30:16

Krai mren, apaiq raq Dawit ka tsangshiq phana sheahoto. Riita kra rehuk jati kong kriika, tsangshiq tiibo chang hiq ba kiijaq riinyin riishin, atii abo, chenyang dungsea butja, tsangshiq raq Philistainnok hiq thun wa kiimaq Juda wang binjü wa maiqhiq long raüta, sepat lopi tsiiq anyam aho api min lotmak tsuq wan raüta, tsangshiq chojong chise maq wiinum sheawa poi jong klo raüta peosea lowanto.