ISAIA 8:8 - ASII LAKDAP Bible (BSI)

⁸ Tsangshiq raq Juda mung tlotli ka kham raq lümwantlaq ikha, kham ka phaqlam na saüli mawan raüta phanrap phanrii laimiq mihut wan.” Shiikeawe ka nashiq rai! Apaiq rakong wiinai ka tiipiishat maq namung ka tiichhiikuqtlo.

Hawa Naga Bible 2001

⁸ Tsuingshiq kuex phauk khaq nuex httuiuc laz duiz puingx wvnc tueq yuix puingc nuiyc taungx vwawx lotlaz puingc wvnc vtueq, Yuda mungx kuex luimz wvnc shuex,” ngoz tueq jungx phuex. Tishox kuex naungshiq rulc vdvmz httax yaq! Vpiq raungkungx htenc maq ghaq vraungx kuex tvwungx kuq yaq.

ISAIA 8:8 Referencias Cruzadas

2 HOKHVMX 17:3

Asiria mung Ajong Hokhamwe Shalmanesar raq apaiq rai riikhatto. Kiimaq Hoshea ka Shalmanesar puk na nyapto. Raüta apaiq ma wiitek tijong tsiiq kuqto.

2 KAÜWA WERAÜ 12:4

Apaiq raq Juda wang wa kiitelong maq aruk chela thun kra khat raüta jii wanto. Raütiishe Jerusalem nü niishe khat wanto.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 30:28

Apaiq raq akhaki na rahai jüchhang wa ikha jonghea tiiwatlo. Raüta phanrap hutjok tsuq wantlo. Kriiraq maiq mung thun ka miqchup tiithen baiqtlo. Kiimaq tsangshiq raq abi kiimung süriitlaq thun ka wiita tiithen baiqtlo.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

ISAIA 8:10

Namshiq raq rechap wan ma wutan langphok ronglaq! Shatmaq tiina tsangshiq raq ümtiikiimin tangmak miraq. Namshiq raq aroro tsütsit siq rongliina! Shatmaq kriithun ka atuli miraq. Jamkhano ngukla Shiikeawe ka naishiq rai asi.

JEREMIA 47:2

Apaiq raq nguto: “Liilaq! shekhu nü mung maq Jü thun marai wanto, raüta jürai chhang wan raüjaq lüm wantlaq ikha milüm wan. Kra kham mawan tlaq kriiraq mung ka wiita mima wan, raüta armung na jamlai wa sitlaq kra milüm wan, Chela thun nai mungmaiqse chela na siti thun wiita mimawan. Mungmaiqse raq maaho manyi khrum jaü mihoq trang; mangjong hiq na siti maiqse wiita, pinthum riingoq rara mihoqsiq.

JEREMIA 48:40

Tatiwe raq akiq akhamke kun she, maiq mung ashiti ka liihawe ikha ajolulu arakong wiinai ka tiipii raüta Mob mung ka miphiimki.

JEREMIA 51:42

Khamjong chum ka blun phom wan raüta Bebilon ka lam wanto. Raüta khamphom blun wantlaq kriiraq wiita mawanto.

EJEKIEL 17:3

Tsangshiq raq Ngi, Tati Rakaü Hiqwe raq tsangshiq ma jamlai wa chongkuq tiikang ara misap laq: Man na liihawe kaü jonghea lang lang ashi riito. Abin thun ka tsomhea kiimaq arakong wiinai min jonghea. Tiipü kla raham hiqham. Apaiq ka Lebanon pumkaü thun kiina biwanto. Raüta maisak chong mun kra toqphat ngoqto.

EJEKIEL 26:19

Tati Rakaü Hiqwe raq akha ngutlo: “Ngi raq ümniika chela thun atiithen arbaiq, hiqmiq changkhü, maiq jumin simak she ikha mitiijabaiqha. Ngi raq ümniika sammok tra chum kham maq tsaühea mitlam baiqha.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

Mikha 1:9

Samaria chelati ngarai thatsi tsiq maq phumke chang riimak, athatsi ka atiihealot chang riimak. Juda mungti kiimin kiikhiisii michanchao. Ara ngarai thatsi ümchaü, Jerusalem chela niishe saüto Iphan imaq shongchang chela, athenjen wan ranaiq she saüto.” Arka Mika raq ngutlo.

Mikha 5:5

Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”