ISAIA 8:7 - ASII LAKDAP Bible (BSI)

⁷ Arkha na, Ngi Tati raq Asiria mung Hokham ajongwe nai aseng phenlabi thun kra tsuq walata Juda mung kra mitiikhatha. Tsangshiq ka Euphretis rai chhang wan raüta jüraikii tan thun tümlüm tümli lümwantlaq ikha milüm man.

Hawa Naga Bible 2001

⁷ Ngaz Taungjix rueq Asiria honoc nuiyc piq nolaungx bix kuex shvlx vtueq Yuda mungx tvkhvt shaungx. Tsuingshiq kuex Euphrat Ruilx yuix puingx yaq ikhoc baung ruip maq buk wvnc shuex.

ISAIA 8:7 Referencias Cruzadas

RAPHA HIQWA LAK 6:17

Ngi raq mangjong hiq na rathup jüjang mitii saüha. Lata atra wiitsitsü phan wiita mishthen baiqha. Hiqraikhü na ümchuwa sitlaq kra wiita mijiim.

2 HOKHVMX 19:32

“Riita Asiria mung rümti ajong hokhamwe miitu ka Tatiwe raq akha chongkuqto: ‘Apaiq ka ara chela mong na nyap wa mak miraq. Kiimaq ara chela khuthaq na liqsin kiishi se dongdii min tiijo hiipmak miraq. Phenlabi liiq wiqti weshi dongdii min ara chela tho na kimak miraq. Kiimaq chela tro na chela khat wan chang hiqkhuphi hiqlam ka ashi min phong mak miraq.

EJRA 4:10

Kiimaq man na ajong pinthum hokhamwe Ashurbanipal raq, mungmaiqse ahinti ka tsangshiq maiqmii hiqchü rachü binjü wa tsuqho raüta, Samaria wang na kiimaq Euphretis Jürai maq Shenyap Mung wang na hiqshong tiite wanti thun rai adam maq ri raüta, lak ara waiq raüta tiiho wanto.”

Tvtsvmc 46:4

Shiikeawe chela tiichochi chang jürai ashi asi, kriika Ratsan Ramong Nyang na sitiwe asii jam.

Tvtsvmc 72:8

Apaiq mungtan ka khamjong chumshi maq riita chumshi na misaülaq, kiimaq Euphretis rai maq riita hiq tiisup mung na saüli mirlaq.

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

ISAIA 11:15

Tati raq Suej khamjong chum anong wa kra atrü mirbaiq. Kiimaq apaiq raq rahai keihea tiihai raüta Euphretis rai ka tiishinriiq mitriibaiq. Raüta juse raisetiim aransetiim raimiishe kli mitiichong. Krai mren maiq wiita raq jeriiqriiqhea reko maq riita reko na mijin wan.

ISAIA 28:15

Namshiq ka namshiq raq atsai ningkun rai tongshongkai she kiimaq wulum mungti rai min kiq rikai she nguta tiitsakitlan. Namshiq ka phiiptsi chang mra pin wantlaq akhing na milun rong i dongdii nguta kamsiqtlan. Jamkhano ngukla namshiq ka arot bomchong ma kamtlan kiimaq namshiq ka laopha bomchong ma kamtlan kriiraq mitiichhiikuq nguta tiimatlan.

ISAIA 28:17

Kra jamkhü longkaü ka tingting khapho tri raütu miraq. Kiimaq tsantsii khangriri maq jaqsham kriika khamchong shongtaq kra ra nü na tru shin chang raülo miraq.” Rathaiq nai tsakhiiqrok henghea saü raüta namshiq kamtsantsii ransea chang arot jamthun ka wiita hiq maq hutse mitsuqbaiq. Kiimaq jüchhang lüm wan raüta namshiq tiiwongchang peruk thun kra wiita mitsuqbaiq.

ISAIA 28:2

Tatiwe raq maiq weshi ra, ningkun henghea jonghea riimti tsangshiq khatkai ma tiijeje she thütlo. Maiq weshi ra ka tsakhiiq rok nong nong maq rathaiq henghea saühotlaq ikha, pükhaükham raü rajuntlaq ikha, jüchhang jonghea lüm wantlaq ikha, saü wan raüta tsangmung ka wiita milüm wan.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

ISAIA 7:20

“Kra akhing she saüwan raüla, Tati raq khusiketi maiq amaq kham na Euphretis mung wa Asiria mung Hokham Ajongwe kra mishiip! Kiimaq apaiq raq namshiq nübin thun kra misibaiq. Kiimaq namkhu bin thun nai namhan bin thun kra wiita asi mirbaiq.

JEREMIA 47:2

Apaiq raq nguto: “Liilaq! shekhu nü mung maq Jü thun marai wanto, raüta jürai chhang wan raüjaq lüm wantlaq ikha milüm wan. Kra kham mawan tlaq kriiraq mung ka wiita mima wan, raüta armung na jamlai wa sitlaq kra milüm wan, Chela thun nai mungmaiqse chela na siti thun wiita mimawan. Mungmaiqse raq maaho manyi khrum jaü mihoq trang; mangjong hiq na siti maiqse wiita, pinthum riingoq rara mihoqsiq.

JEREMIA 51:42

Khamjong chum ka blun phom wan raüta Bebilon ka lam wanto. Raüta khamphom blun wantlaq kriiraq wiita mawanto.

EJEKIEL 26:19

Tati Rakaü Hiqwe raq akha ngutlo: “Ngi raq ümniika chela thun atiithen arbaiq, hiqmiq changkhü, maiq jumin simak she ikha mitiijabaiqha. Ngi raq ümniika sammok tra chum kham maq tsaühea mitlam baiqha.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

AMO LUIK DVP (AMOS) 8:8

Arningkhan tsangmung na hiqjong henghea, mitiimu ha. Tsangmung kunli na maaho manyi mihoq trang. Nail khamjong tiimliim tiimli mawan raüta, rükitaq ikha miraq.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

Mikha 1:9

Samaria chelati ngarai thatsi tsiq maq phumke chang riimak, athatsi ka atiihealot chang riimak. Juda mungti kiimin kiikhiisii michanchao. Ara ngarai thatsi ümchaü, Jerusalem chela niishe saüto Iphan imaq shongchang chela, athenjen wan ranaiq she saüto.” Arka Mika raq ngutlo.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

Mikha 5:5

Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

Luke 6:48

Maiq weshi raq, ajam ka longkaü wat raüta, kham chong thun kra shongto. Raüta, ajam ka haito. Apaiq ka kriiwe kiikha miraq. Akhing ashi na, rajun henghea junto. Raüta, jüchhang kham raq ajam ka kai hut wan nam nam she thaü wanto. Shatmaq, ajam ka akhiismin tiimeshi mak. Ara jamkhano ngangtaq ngukla, apaiq raq kham chong thun ka, longkaü wat raüta shongto.

Revelation 17:15

Kra rase raq ngi ma hali chongnongto, “Ümniiraq mephe nyung ngachang kham chhilaü kra ka maiqmung thun, maiq phong khunyaq khukhi, maiq phan thun, kiimaq maiq bom ümchuwa sitlaq thun khunyaq khukhi athung tiirai kra chhitlaü.