ISAIA 64:1 - ASII LAKDAP Bible (BSI)

¹ Ümniiraq ra ka tiikholiiq chai laüta hiq na jam nguto satki maü? Pum thun raq ümnaq chhi raüta tsang haisitsi ma atiikhai rokrok mirwa.

Hawa Naga Bible 2001

¹ Mnoz rueq yvmx ngoz tueq lac raungx kuex daz vtueq svt kaz muq rvtonx? Kuz vkanx htenc kuex mnoz khiz vtueq hiyaz kvkhuirc wuez tuex.

ISAIA 64:1 Referencias Cruzadas

Tvtsvmc 46:6

Maiq mung thun ka phiip raq tsaitlo, maiq mungtan thun tiikhai wanto; Shiikeawe mok wanto, kiimaq hiq ka sawanto.

Tvtsvmc 68:8

mangjong hiq ka muto, kiimaq ra raq ra tiijunto, Sinai pum wa Shiikeawe satki kiita, Israilnok Shiikeawe satki kiita.

Tvtsvmc 79:10

Pongmungti thun raq naishiq ma, “Namshiq Shiikeawe ka ümbano?” nguta jaram tiislai sea wa? Naishiq maklii maq chhishat na ümniiraq ümsenginok tiijai raü wantinok maiq mung thun ma mo tiiholaq.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

ISAIA 41:15

Ngi raq ümniika tsam nichang thaikaü anye ahai ikha mitiijakang, awi thun anye kiimaq sihea miraq. Ümniiraq pum thun ka nishishi mithubaiqhaü, laüta mitiithen baiqhaü. Kin thun ka bun raüta botkhulai ma mijaki.

ISAIA 63:15

Tatiwe, naishiq ka ramungtan maq liilaq. Kiijaq ümniika asii arai kiimaq achhai anyii waheala sitlaü. Riita ümniiraq naishiq miitu ümtsan tsihea maq tiimatlaü irha ümbano? Ümningkun jong ira ümbano? Ümnaq mangchan tsantsii nai tsantsi mongtsi maq lungwii tsii riimtlaü ira ümbano? Naishiq ka naq shipoqkiq.

ISAIA 63:19

Ümniiraq naishiq ka jangshi ra min ümniiraq peng wan maü dongdiinok ikha liitlaü. Naishiq ka ümtiikiimin ümsenginok riimak dongdii ikha liitlaü.

AMO LUIK DVP (AMOS) 9:13

Tatiwe raq ngutlo, “Liironglaq, akhing ka saü wan tlo she, Hiq ka pinthum winhea kha maq, tsamchhii ajut wan kra tum na misaiqsam wan shaq niili, tsamnye jut wan akhing raq mitong wan. Spiq tsi achu ka spiqtai ma tiikit wan milot shaq niili, spiq tsi anye ka man wan raüta mitong wan. Raüta pum thun na sumhea spiq tai misarai, raüta kin thun maq misawan.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

JEKERIA 14:4

Kra akhing na Tatiwe ka Jerusalem chela maq shedong nü na Olipro Pum na michap. Kiijiishe Olipro Pum ka man nai na shedong nü maq riita shenyap nü na tiikholiiq she mitiikhoki. Raüta aheawea niika jüwiikaü jonghea ashi she midong. Pum khoko ka shekhu nünü niishe mitiikoq wan. Kiimaq khoko ka shemai nünü niishe mitiikoqho.

Mark 1:10

Jesuq ka kham mong maq takii na dong wan ri li she, apaiq raq ramungtan ka tiidi wan chhito. Kiimaq Shiikeawe Wenyi ka haütaü kaü ikha satki raüta, akhu thaq na ngakito.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.