ISAIA 64:1 - Hawa Naga Bible 2001

¹ Mnoz rueq yvmx ngoz tueq lac raungx kuex daz vtueq svt kaz muq rvtonx? Kuz vkanx htenc kuex mnoz khiz vtueq hiyaz kvkhuirc wuez tuex.

ASII LAKDAP Bible (BSI)

¹ Ümniiraq ra ka tiikholiiq chai laüta hiq na jam nguto satki maü? Pum thun raq ümnaq chhi raüta tsang haisitsi ma atiikhai rokrok mirwa.

ISAIA 64:1 Referencias Cruzadas

Tvtsvmc 46:6

Miq phvnx htenc kuex hiyaz kvkhuirc wuez yaq; Tishox rueq raungx tvmuk koq tueq ghaq kuex vyuimx rvwvnc tueq.

Tvtsvmc 68:8

ghaq kuex kvkhuirc vtueq raungwawc raungyunx tueq, yvmx khoc lac ngoz ruiux lec Sinai kanx Tishox rvtoq Israel Tishox httuiuc kaz toq ningkhvnc nuex rvtueq.

Tvtsvmc 79:10

“M-Tishox kuex m-yuq lac?” ngoz tueq miqphvnx htenc rueq nuiyshiq muex yvmx ngoz tueq lac kvkhoc wiz yaq nguinx? Mnvrc waz hez tvguiy ruiuc gay jix miqphvnx htenc muex mnoz rueq murx tvgurc shuiux kuex nuiyshiq muex tvkhic koq.

DUNGWVNC 19:11

shuimnvp raungnuiyq tvkoc tvyoalc taq shuinz. Kvruex raungnuiyq ngaz kuex Sinai Kanx htauk nuex svt kaz taungx, kvruex yuq miq lotlaz rueq ngaz kuex khiz lvp phuex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

ISAIA 41:15

Ngaz rueq mnoz kuex vwac vnyalx httax yaq tsvmz wungc juing ikhoc tvyaungc phaungx. Mnoz rueq kanx htenc kuex buiuq vtueq tvbac tvbunx gay shuiux; ghaqluimx htenc kuex bokkhuyx muex yaungx wvnc tuex.

ISAIA 63:15

Yehowa lex, mnoz vsawc ngauz vngax maq httax vtuiux raungx mungx kvmaq bumx vtueq nuiyshiq kuex lawc koq. Nuiyshiq tvkoc mnoz rvwvlc tvmaung yungx yaq kuex m-yuq lac? Mluimc vkawc kuex m-yuq lac? Mnoz lungwawc menjenc kuex m-yuq lac? Nuiyshiq kuex wvlc guez nauk tvyaungc vguez.

ISAIA 63:19

Nuiyshiq kuex mnoz rueq mkaq muinz guimz muq ikhoc muex muinz, nuiyshiq mmiq muex mkaq muinz yaungx miq ikhoc muex muinz yaungx wvnc vtix.

AMO LUIK DVP (AMOS) 9:13

Yehowa rueq, “Raungnuiyq htenc httuiuc wvnc yaq, Vlix kemz yaq kuex tsvmz vyut rvyaq htauk nuex vlvwvnz kemz yaq, svpiq thuey htenc kuex svpiq tix tvdung yaq htauk nuex vlvwvnz rvtuex. Kanx htenc nuex svpiq tix vruimx htenc svrc tuex, ghaqluimx htenc maq svpiq tix yvlx tuex.

AMO LUIK DVP (AMOS) 9:5

Tvphaungc Tvsuip Johvlc Yehowa rueq ghaq kuex htuinc heq koq tueq, kvruex kvkhuirc rvtueq; kvyuq httaz jix lotlaz khoarsez wuez yaq. Mungkawx lotlaz nuex Nile Ruilx ikhoc puingx wvnc vtueq ruic wvnc tueq.

JEKERIA 14:4

Kvkaq vpiq kuex Yerusalem maq shaldungc kox Olip Kanx nuex jvp tuex. Kvkaq Olip Kanx kuex shaldungc kox maq shalx nyuip kox nuex httuiuc laz vnueyc muex khoz wvnc vtueq yunghvlc warc tvnx vshiz muex yaungx wvnc tuex. Kanx kholak kuex ghaqkhux kox nuex, kholak kuex ghaqyaz kox nuex kvhttot wvnc tuex.

Mark 1:10

Kvkaq Yesu kuex yuix mungx wawc kvtenc wvnc koq tueq raungx kvdauz vtueq, Siyac kuex hituiuc ikhoc vpiq htauk nuex svt kaz tueq kuex vpiq rueq khiz lvp tueq.

Revelation 20:11

Kvruex yimaq vluiz hoc daungraungc vyungx vshiz muinz, kvruex yuq ngaungc yaq waz kvmuinz ngaz rueq khiz tauk. Vpiq khaungkac nuex ghaq nuiyc raungmungx kuex moz wvnc vtueq kvruex nueyc kuex khiz mauk shex.