ISAIA 60:20 - ASII LAKDAP Bible (BSI)

²⁰ Ümnaq jonjü rahiq ka athum she miraq. Ngi, Tatiwe arli she ümniima pattup pat-sa rawiili miraq. Arka rashe kaü nai jipi kaü thaq niimin luhea mitsing.

Hawa Naga Bible 2001

²⁰ Mnoz yonzyec raungnuiyq kuex htumx wvnc tuex. Ngaz, Yehowa kuex mnoz muex pattup pat-sac vwuic muex yaungx taungx, Shalx nuiyc yapix htauk nuex jvnc vtueq phaungx ngaungx taungx.

ISAIA 60:20 Referencias Cruzadas

Tvtsvmc 27:1

Tatiwe ka ngi ma rawü li, kiimaq ngi tiichhiiti; ngi ka jumiimin hai mang. Tatiwe raq ngi ka ahaisong chang tlotli wa tiiwongtlo; Ngi ka ümtiikiimin haimang.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 30:19

Namshiq Jerusalem na siti mungmaiqse ka hoqsii ruqruq ka hoqsii man she miraq. Tatiwe ka mangchan heawe. Krai mren namshiq raq apaiq man na ümtiikiiwa khrum jaüjaü mihoqsiihan, apaiq raq namshiq achu jaü mitrekuq.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 35:10

Tsangshiq ka Jerusalem na chojong chise misaü wan, khoqriiq shishiiq ashi ange kiimaq arü ariiq watrangla. Tsangshiq ka pattup pat-sa chochikhiqli she misi, pattup pat-sa aho ajü nai acha apa ahü she miraq.

ISAIA 51:11

Ümniiraq tiichhii wan laü thun ka Jerusalem na chojong chise misaü wan. Ashi ange arü ariiq watrang chochikhiq miraq. Tsangshiq ka pattup pat-sa khoriiq shishiiq mishong wan, Pattup pat-sa aho ajü ahüshe miraq.

ISAIA 60:1

Tiidolaq, Jerusalem lei, laüta rashekaü ikha liliimlaq; Tatiwe khushü ka ümkhu thaq na chhaitlo!

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

ISAIA 65:19

Ngi armin chojong chise miili she misiha. Jamkhano ngukla Jerusalem nai asenginok kra chhilata michochi wanha. Kriijaq aho anyi ka ahü she miraq. Akhrum jaüti min ahü she miraq.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

AJONJÜ 5:21

O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

AMO LUIK DVP (AMOS) 8:9

Tatiwe raq ngutlo, “Krii ranaiq akhing na rashekaü ka, ranaiq shethung niili minyap wan, mangjong hiq ka ranaiq shethung niili mitiinyaq baiq ha.

JEKERIA 14:7

Kiimaq ranyaq kiimin ahüshe miraq. Rawa thung niimin, rawüli li ikhli she miraq. Ara akhing saü wan ka Tatiwe raq saptlaq kli.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.

Revelation 21:4

Apaiq raq tsangshiq makphai ka wiita she mitat kuq. Kiijaq maiqse ma atsai ngutiika ahü she miraq. Ajü amii, aho anyi, kiimaq atsi asi ngutiimin ahü she miraq. Ra chü hiq chü ka wiita pan wanto she.”