ISAIA 60:20 - Hawa Naga Bible 2001

²⁰ Mnoz yonzyec raungnuiyq kuex htumx wvnc tuex. Ngaz, Yehowa kuex mnoz muex pattup pat-sac vwuic muex yaungx taungx, Shalx nuiyc yapix htauk nuex jvnc vtueq phaungx ngaungx taungx.

ASII LAKDAP Bible (BSI)

²⁰ Ümnaq jonjü rahiq ka athum she miraq. Ngi, Tatiwe arli she ümniima pattup pat-sa rawiili miraq. Arka rashe kaü nai jipi kaü thaq niimin luhea mitsing.

ISAIA 60:20 Referencias Cruzadas

Tvtsvmc 27:1

Yehowa kuex ngvy raungwuic nuiyc ngvy palc jix waz rvtueq; ukhaq muex muinz ngaz hiz mauk. Yehowa rueq kvhiz juing lotlaz wawc ngaz kuex tvkhup wungx kuq phuex; ngaz kuex mkaq muinz hiz mauk.

Tvtsvmc 84:11

Yehowa kuex naungshiq muex tvkhup wungx kuy jix ngauz vngax yunghvlc hokhvmx rvtueq, menjenc thuinz maq tvtsanc nganc vtueq naungshiq muex ruimruimx kuq yaq. Vpiq rueq vlvmx yauk shuimc jix htenc muex vhvlx phvnx kuy tvkoc tvdux gay yaq rvmuq.

ISAIA 24:23

Yapix kuex nyauk wvnc vtueq, shalx muinz kawc muq shex rvtuex, yvmx khoc lac ngoz ruiux lec Tvphaungc Tvsuip Yehowa kuex hokhvmx yaungx tuex. Vpiq kuex Zion Kanx htauk wawc Yerusalem nuex guimz lawc shuex, mungx miqsaz walaungx bix rueq vpiq ngauz ngax kuex khiz shuex.

ISAIA 25:8

Johvlc Yehowa rueq vthueyc kuex pattup tvbac gay shuex! Miq lotlaz muik phic svrc yaq kuex tuit kuq ruiux, vpiq miq htenc mungkawx baung ruip nuex rvhumc wvnc tueq yvlc svy juing htenc muinz lvmz kuq gay shuex. Yehowa vpiq pumz maq jungx tueq.

ISAIA 30:19

Yerusalem nuex httax vtuinx miq htenc nuimshiq kuex khoar tuinx rvmuq shex. Yehowa kuex menjenc thuinz httax yaq, romc kuy tvkoc nuimshiq guyc sez tuinx kvkaq, vpiq rueq tvralc kv-phuinx.

ISAIA 30:26

Yapix kuex shalx ikhoc phelez tuex, shalx lez kuex kungkhux wawc htauk nuex muinz mvnz mvshix vjvnc phelez ruiux, raungx mvshix wuic kuex lauk shiz dvyx wuix hungc ikhoc yaungx tuex. Yehowa rueq vpiq miqsaz htenc tvlvp kuq tueq vmac htenc kuex yop kuq vtueq tvhvlc kuq shuex kvkaq, vruex lotlaz yaungx wvnc tuex.

ISAIA 35:10

Tsuingshiq kuex vkoz vkez maq Yerusalem nuex httuiuc waung wuez tuex, vshic vngoyc maq kokez guyc sez wuez tuex. Tsuingshiq kuex pattup kokez wuez tuex, thuinbac yonzyex juing kuex mkaq muinz vguez shex rvtuex.

ISAIA 51:11

Mnoz rueq daungc wvnc toq hez kuex vkoz vkez maq shix ngoyx guyc wuez vtueq, Yerusalem nuex httuiuc waung tuex. Tsuingshiq kuex pattup kokez vtueq, pattup thuinbac yonzyex juing wawc dung wvnc tuex.

ISAIA 60:1

Yerusalem lex, kvtenc kuiuz, shalx ikhoc phelez kuiuz; Yehowa ngauz vngax kuex mhtauk nuex phelez yaq!

ISAIA 61:3

Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

ISAIA 65:19

Yerusalem nuiyc kvwawc miqsaz htenc ningkhvnc nuex ngvy shauk pumz doc muinz vkoz vkez maq mvrc taungx. Kvruex yuq vkhoarc jix vguez, romc kuq wvnc luit ngoz tueq gvlc jix muinz vguez.

JEREMIA 31:12

Tsuingshiq kuex Zion Kanx htauk nuex httuiuc waung vtueq vkoz vkez maq shix tuex, tsuingshiq kuex ngvy yauk noalc ngoz yaq, tuiz vtsvmz, svpiq tix nuiyc olip puiz, khelbuenx saz nuiyc suiux vmanx htenc kuex raungc raq shuex. Tsuingshiq kuex yuix shvmhvlx lvp yaq sunc ikhoc yaungx vtueq; tsuingshiq muex rax yaq phvnx htenc kuex lvp shuex.

AJONJÜ 5:21

Yehowa lex, nuiyshiq kuex mnoz kox nuex tvyez shvlx wvnc yek koq! Nuiyshiq kuex tvyez shvlx wvnc yek koq! Mvnnuex wawc nuiyshiq ngauz vngax kuex yez kuq koq.

AMO LUIK DVP (AMOS) 8:9

Ngaz rueq raungnuiyq yvmc nuex shalx kuex tv-nyuip gay ruiux ghaq kuex raungnuiyq vkhing nuex dvyx raungx tv-nyauk gay shaungx. Ngaz, Johvlc Yehowa rueq jungx vshaungx.

JEKERIA 14:7

raungx muinz nyauk tuex rvmuq. Kvruex yuq raungwuic kuex mkaq muinz wuix vtueq raungwvrx nuex muinz wuix tuex. Vkhoc yaungx wvnc tuex kuex Yehowa rueq dvyx tuiuz yaq.

MALAKI 4:2

Yuq muinz ngvy kvjaz tay jix nuimshiq tvkoc palc daungc wvnc lot yaq ngvy luimc vkawc kuex nuimshiq htauk nuex shalx ikhoc dung wvnc vtueq, shalx kawc ikhoc tvhvlc tv-phenz lvmx dung wvnc tuex. Nuimshiq kuex ruk mungx wawc daz gay rvhumc tueq manx sahez dawk dat yaq ikhoc kokez dung wvnc wuez tuinx.

Revelation 21:23

Kvruex ghaqyungx kuex tv-phez lez tvkoc shalx nuiyc yapix kuex rac muq shex, yvmx khoc lac ngoz ruiux lec Tishox ngauz vngax rueq kvruex ghaqyungx kuex tv-phez lez ruiux, Khelbuenx Saz kuex wvrkok rvtueq.

Revelation 21:4

Vpiq rueq tsuingshiq muikphic httax yaq htenc kuex tuit kuq shuex. Yimaq vthueyc vmvy kuex vguez shex, vyonz vyex, vkhoarc vnyerc nuiyc vthuiuz vsac, vhunc vnyec muinz httax muq shex. Kungkhux nuex yaungx wvnc tueq htenc kuex moz wvnc vtuex shex,” ngoz tueq jungx tueq.