ISAIA 53:3 - ASII LAKDAP Bible (BSI)

³ Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Hawa Naga Bible 2001

³ Naungshiq rueq piq muex suirsac vtueq tvdux gay tiq; piq kuex kuilc daz vtueq thuiuz sac tueq. Piq kuex kvroz vtueq lawc jix vshiz muinz vguez, naungshiq rueq piq kuex htawz guez miq ikhoc wvlc guez muex tvyaungc tiq.

ISAIA 53:3 Referencias Cruzadas

Tvtsvmc 69:29

Shatmaq ngi ka atsi kiimaq tsaihü jihü; ngi ara ra na dolaq, O Shiikeawe lei, kiimaq ngi ara chhiilaq!

Tvtsvmc 88:4

Ngi ka nanok maiq atsai wanti kong sitlaq kiikha atsai wan she; iningkun min wiita athum she.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 52:14

Maiqse pahea raq apaiq ka chhi raüta akiinyii rai riito; apaiq sham ka wiita athenkai wishe riito, asham ari ka maiqse sham ikha riimak she riito.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

ISAIA 53:4

“Shatmaq apaiq raq chamchao homa howantaq kriika, nashiq raq hophaq wan chang wa howanto; amitsi ka nashiq raq howan chang wa, apaiq raq howanto. Apaiq chamchao wan kra chhilaita nashiq raq, apaiq ka Shiikeawe raq tiichamchaotlo ngutli tiima wankai.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

Matthew 26:67

Kiijiishe maiq wiijamti raq Jesuq ka atheaphi na tho ariiq maq phong tsoktsok she thosiq wanto. Kiimaq wiijamti riika apaiq ka hot-hot she buk hoto. Kiimaq maiq wiijamti riika, jaq phi maq apaiq ka siiqsiiq she tsat hoto.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Mark 10:33

Apaiq raq tsangshiq ma akha chongkuqto, “Tai ronglaq, nashiq ka Jerusalem na kitiikai. Kiijaq Maiq Se ka ramwe jongbi nai Thungtri shrinketibi jaqkhon mong niishe mishaphaq baiq. Tsangshiq raq apaiq ka atsea baiq chang nguta matkii misü. Raüta, Pongnok phan maiqse jaqkhon mong na misha phaq baiq.

Mark 10:34

Tsangshiq raq apaiq ka mihaihii. Adü na tho maq mitho. Jinponyam chongwai maq mitsat. Raüta apaiq ka atsea mirbaiq. Shatmaq, ranaiqtsam jai maq, apaiq ka ama wa adong mirwan nong.”

Mark 14:34

Kiimaq apaiq raq tsangtsam ma, “I tsan mong na aho ajü tsi homa raq, i tsitsü ara pitlang pitthea she pat wanto. Namtsam ka arjaq nga lanta, achu jaüshat maq kheli rong laq,” nguta chongkuqto.

Mark 15:19

Raütiishe, tsangshiq raq akhupo na pekü maq, riisong riili she buksiqto. Kiimaq adü na tho ariiq maq phong tsoktsok she, thosiqto. Kiimaq tsangshiq ka lakü na ngahihi raüta, apaiq ka noqsiqto.

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Luke 8:53

Kra taiwi raüta, tsangshiq raq apaiq ka ashummii riito. Tsangshiq raq, no ka tsaikito she nguta asap kha maq, apaiq ka shummiito.

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

John 11:35

Jesuq ka aho riito.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.