ISAIA 53:4 - ASII LAKDAP Bible (BSI)

⁴ “Shatmaq apaiq raq chamchao homa howantaq kriika, nashiq raq hophaq wan chang wa howanto; amitsi ka nashiq raq howan chang wa, apaiq raq howanto. Apaiq chamchao wan kra chhilaita nashiq raq, apaiq ka Shiikeawe raq tiichamchaotlo ngutli tiima wankai.

Hawa Naga Bible 2001

⁴ “Yuq muinz piq kuex naungshiq rvhumc aungx yaq kuilc daz muinz, naungshiq rvhumc juing vthuiuz vsac muinz pix kuq phuex. Piq kuilc daz yaq htenc kuex Tishox rueq kuq yaq murx ngoz tueq tvmaung vshix.

ISAIA 53:4 Referencias Cruzadas

Tvtsvmc 69:26

Ümniiraq mo tiiholaütibi ka tsangshiq raq tiichamchaotlo; ümniiraq juwa sintsang maq tsat laü, kriiti chamchao ka tsangshiq raq riichongsiqtlo.

Tvtsvmc 69:27

Tsangshiq ngarai thun ka wiita raüpot laüta thülaq; ümnaq tiichhiiwan saqseng ka tsangshiq ma naq kuqkiq.

Tvtsvmc 69:8

Ngi ka iphu inotiim makki na wanwe ikha ijamtitiim makki na pong mungti ikha sitiikang.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

LEWI 16:10

Kiimaq langraq Ajajel rii nguta thaütaqti chhechhi kriika atra maq Tatiwe ma mikuq. Raütiishe kra chhechhi ka Ajajel miitu kumtsaiphii rumnyangkhi na mitiiki baiq. Kriika Israilnok mungmaiqse ngarai kra hoho miitu.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 26:37

Kiimaq apaiq rai Petar nai Jebedi se nai kra shea raüta wawanto. Ajü amii holai raq pat raüta, atsan among po ka bunki nam nam ikhiishe tsito.

Matthew 8:17

Apaiq raq ara chhintsii kuq wan taq thun arka, Isaia shammi we raq, “Apaiq raq nashiq thatsi thun nai thup atha thun ka wiita howanto,” nguta waiqthü taq bomkham kra tiikupi wan miitu she chhiijii kuq wanto.

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.

Romans 4:25

Nashiq ngarai ningkhan apaiq ka tiitsat baiqto. Kiimaq hali nashiq ka Shiikeawe rai kechu maiqse she nguta, apaiq rai shram wan miitu, apaiq ka amaa wa tiidong wanto.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.