ISAIA 5:25 - ASII LAKDAP Bible (BSI)

²⁵ Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

Hawa Naga Bible 2001

²⁵ Yehowa kuex vpiq miqsaz muex khaq vtueq tsuingshiq muex murx tvgurc tvkoc vyauk tenz tueq. Kanx htenc kvbuilc vtueq, vthueyc vruez kaz maungx htenc kuex lvmx nuex suingkez namx yauk ikhoc kv-phungc tuex. Yehowa thuinkhvy kuex shix kaz tuex rvmuq, yuq muinz murx tvgurc muex vpiq yauk kuex tenz ruq dvyx rvshuex.

ISAIA 5:25 Referencias Cruzadas

1 HOKHVMX 14:11

Ümjamtitiim wa juwa chela mong na tsaitlaq kriiti maaphong ka kuku kong raq miphaq baiq. Kiimaq juwa wak ram na rum na tsaitlaq kriiti maaphong ka langtang kong raq mirchom phaq wan. Arka Ngi Tatiwe raq ngutiikang,’”

1 HOKHVMX 16:4

Ümta ümwiiwa juwa chela mong na tsaitlaq kriiti maa ka hikong raq miphaqbaiq. Kiimaq juwa rum na wak ram na tsaitlaq kriiti thun maa ka langtang kong raq mibak phaq wan.”

1 HOKHVMX 21:24

Ümjamtitiim juwa chela mong na tsai jiiq, kriiti maa ka hikong raq miphaq. Kiimaq juwa rum na wakram na tsai tlaq, kriiti maa phong ka langtang kong raq miphaq.”

2 HOKHVMX 13:3

Kra ningkhan Tatiwe ka Israil mung khuthaq na tsankhiq riito. Kra ningkhan na Tatiwe raq Siria mung Hokhamwe Hajael kiimaq ase Benhadad ma Israil mung ka tiithongkiki tiikhat raüta tiitangto,

2 HOKHVMX 9:37

Kiimaq angam angiq pun thun ka kiijaq minsaü daiq phong ikha wantha wanthi li miwan baiq. Krai mren, jurmin kra thun ka tiitsang lot mak she miraq,’” nguta tiithai thüto.

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

YOBA 9:13

Shiikeawe tsankhiq ka siruqli. Apaiq raq ajaqti thun ümriiti riiwa khamjong jungrü kaü Rahab rai pong raüta akiq khiitlaq kriiti thun ka tiinamtok tsatbaiqtlo.

Tvtsvmc 106:40

Kriikha na Tati asenginok ma tsankhiq riito; apaiq ka tsangshiq ma shukhiqshe riito.

Tvtsvmc 114:7

Tiikhailaq, hiq lei, Tati saühotlaq akhing na, Jakob Shiikeawe man na,

Tvtsvmc 18:7

Kiijiishe hiq ka atiikhai banban she phephiiq wanto; pum thun shongchang jichong diim thun ka tiibai wanto, jamkhano ngukla Shiikeawe ka akhiq.

Tvtsvmc 68:8

mangjong hiq ka muto, kiimaq ra raq ra tiijunto, Sinai pum wa Shiikeawe satki kiita, Israilnok Shiikeawe satki kiita.

Tvtsvmc 77:18

Ümniiraq ra tiimoklaü ka atam alam küwanto, ra ka siimko maq riita siimko na hiqraikhü hamli chhai wanto; hiq ka atiikhai ban ban phewanto.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

DUNGWVNC 7:19

Tatiwe raq Mosheq ma thaüto, “Aron ma chonglaq, anyeakii ka lamho raüta Ejip mung na sitlaq tlotli jürai thun, khamchelam thun, kiimaq thamchum thun thaq na tiinyi raüta anyeakii ka ra na midolaq. Kra raüla kham thun ka wiita tiijai ma mijaki. Mung tlotli na tiijai tonglong lishe miraq. Pe maq ahai khamthii chang waqkhü thun nai long tsabum thun wiimin kham ka wiita tiijai ma siisaq mijaki.”

ISAIA 10:4

Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 14:19

Shatmaq ümmaalap chang maakho ka ahü. Ümmaa ka hiq na laphü kiikhiili tiinam baiqtlo. Ümmaa thaq niika küram liira phenlabi re na ajiimrai maaphong kriiriili chinrong ikha pattlo. Tsangshiq maaphong rai longraq kam na longkhong bok na rongbaiqto. Kiimaq maiq raq ji maq ani ashi baiq wan nguli riitlo.

ISAIA 23:11

Tati raq ajaq phum ka ra na do raüta khamjong chum thaq na tiipiitlo. Raüta maiq mungtan thun wiita tiithenbaiqto. Apaiq raq Phonesia mung wa laopan nyungchong chela thun wiita tiithenbaiq miitu aming kuqto.

ISAIA 25:11

Tsangshiq raq tsang jaq ka ra na tiipii raqraq, jüwai ma tiipiitlaq ikha miraq. Shatmaq Shiikeawe raq tsangshiq ka jea mitiingaü. Krai mren tsang jaq thun ka ümkhii ijasiq jü mong na misang wan.

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

ISAIA 51:20

Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.

ISAIA 64:3

Man na akhing ashi na ümnaq satki laü. Laüta naishiq raq tiimara mai phan phiiptsi jiiptsi awangchang jaq sham kuq laü. Pum thun raq ümnaq chhito. Raüta tsang haisitsi ma atiikhai rokrok riito.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

ISAIA 66:24

“Tsangshiq laü wan tlaq akhing na, ikiq khiitibi maiq maa phong kra michhi wan. Tsangshiq maa phong kra phaqti ajong phong ka atsai min tsai mak phan miraq. Kiimaq tsangshiq tiikhiim chaq chang walü nyaitlaq kriimin ümtiikiimin tiimat baiq mak she miraq. Tsangshiq maa phong kra maiqse maklii jaina tiijangphat maiqphai asi miraq.”

ISAIA 9:11

Tati raq tsang jaqtinok re thun ka tsangshiq khatkai miitu tiishaibaiqto she.

ISAIA 9:16

Ara mungmaiqse shunsheatibi raq tsangshiq ka lamjiq na shunsheato. Raüta tsangshiq ka wiita tiimangmii baiqto.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

ISAIA 9:20

Tsang mung barapse na, maiqse angu raq tsangshiq mak maq achhichhi, maiqjaq na phaq nai sea phan akhiishe kra chhi raü min nyeawat wat raütli she riichhin phaqsiq hotlo. Kra taümaq dongdii min tsang ramtsi ka tsaqmak. Tsangshiq raq tsangsetiim noshiisetiim kra dongdii min aphaq riitlo!

ISAIA 9:21

Manase phan nai Ephraim phan liipan na wesang ralii riikhattlo. Kiimaq tsangshiq noknai ri ka adam na pong raüta Juda mungti ka khattlo. Atinkhan arjai miimin, Tatiwe tsankhiq ka shimakli riishatshat. Apaiq jaq ka tsangshiq ma mo tiihoke miitu tsangshiq phanü na tiinyishatli sitlo.

JEREMIA 15:3

Ngi, Tatiwe raq, tsangshiq khuthaq na phiiptsi chang phanblai tiisaü raa dongdii nguta tri ashat thü kun she: tsangshiq ka re na mijiim; tsangshiq maa phong ka hi kong raq mihit phaq wan. Rum wushi kong raq tsangshiq maa phong ka miphaq. Kiimaq kiiwa abung tiichongtlaq ka rum ngam kong raq miphaq.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 17:4

Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

JEREMIA 4:24

Ngi raq pumthun kiina liikang, kriithun ka atiikhai raitlo, kiimaq kin thun ka kona riijo kona riijo tiimetlo.

JEREMIA 4:8

Arningkhan wunthaü riinaü samtong samlanta agiliilii hoq ronglaq, jamkhano ngukla Tatiwe tsankhiq ka Juda mung khuthaq wa jang wan mak dea.

JEREMIA 6:12

Tsangshiq jam awak thun ka maiq ahinti miishe mili kuq baiq wan. Krai mren tsangshiq wak ajam thun nai tsangnyungtiim kiimin wiita mikuq baiq wan. Ngi raq armungti ka ninta she mitsat ha.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

JEREMIA 9:22

Maiq maa phong ka barap binrii na riinyin riishin riiphongtlo, wak ram na minsaü daiq phong tlaq ikha, wak na khaolümtei thun tsamhanti jai na tiiphongtlaq ikha, tsam ka maiq ajutti ahü kha maq abaiqthü ikha riiphongtlo. Tatiwe raq ngi ma akha chongkuqlaq nguto.”

AJONJÜ 5:22

Shea, ümniiraq naishiq ka, pattup pat-sa miitu shea tiishaübaiq laü? ümtsankhiq walü ka, matki mak phan dea shea?

EJEKIEL 15:6

Riita, ümchaü Tati Rakaü Hiqwe raq ngutlo, “Spiq raü ka rum wa lamki raüta, wa na chaqbaiqtlaq, kiikhiisii Ngi raq Jerusalem na siti maiqse thun ka wa na michaq baiqha.

EJEKIEL 30:25

Tengteng. Ngi raq apaiq ningkun ka atiijom mirbaiqha. Kiimaq Bebilon mung hokhamwe ningkun ka atiijong mirkuqha. Ümtiikiiwa Ngi raq apaiq ma inepja ka kuqtiikang, kiimaq apaiq raq kra nepja maq Ejip mung nü na tiinyijiiq, maiqse wiitarü raq Ngi ardea Tatiwe nguta misap wan.

EJEKIEL 6:14

Tengteng, Ngi raq ijaq ka tiipii lata tsangmung ka mitiithenbaiqha. Ngi raq shemai nü kumtsaiphii wang kiimaq pha wan lata, Ribla chela kiina saüli botkhulai rai mishotbaiqha. Israilnok shongtlaq maiqhiq aweatek ka hiqshi tammang maq mitiithenbaiqha. Kra riiha jiitiq maiq loweatek raq Ngi ardea Tatiwe nguta misap wan.”

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

AMO LUIK DVP (AMOS) 8:8

Arningkhan tsangmung na hiqjong henghea, mitiimu ha. Tsangmung kunli na maaho manyi mihoq trang. Nail khamjong tiimliim tiimli mawan raüta, rükitaq ikha miraq.

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

NAHUM 1:5

Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

HABAKUK 3:10

Pumjong thun raq ümsham chhito; tiikhai haisongtlo. Pükhaü kham ikha ra wa raüto, Tsaühea mong na tiithaü wanto, Rashe kaü ajaq ra na doto.

JEPHANIA 1:17

Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

TRI CHONGKE 31:17

Ümtiikiiwa kriishe klohojiiq, Ngi ka tsangshiq ma itsankhiq she miraq. Ngi raq tsangshiq ka amiim mirbaiqha. Kiimaq tsangshiq ka miqchup mitiithen baiqha. Tsangshiq khuthaq na phiiptsi chang mra pahea midong wan. Kiijiishetiq tsangshiq raq kra chamchao thun saü wantaq kriika tsangshiq raq Ngi, tsangshiq Shiikeawe ka tsangshiq rai lomdam mang she kha maq kriithun ka saü wanto ngutiishe misap wan.

TRI CHONGKE 31:18

Kiimaq Ngi raq tsangshiq ka khrum kuq mang she mirha. Jamkhano ngukla tsangshiq raq abi kloto. Raüta laihin phra kong shomnoq wanto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.