ISAIA 5:25 - Hawa Naga Bible 2001

²⁵ Yehowa kuex vpiq miqsaz muex khaq vtueq tsuingshiq muex murx tvgurc tvkoc vyauk tenz tueq. Kanx htenc kvbuilc vtueq, vthueyc vruez kaz maungx htenc kuex lvmx nuex suingkez namx yauk ikhoc kv-phungc tuex. Yehowa thuinkhvy kuex shix kaz tuex rvmuq, yuq muinz murx tvgurc muex vpiq yauk kuex tenz ruq dvyx rvshuex.

ASII LAKDAP Bible (BSI)

²⁵ Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

ISAIA 5:25 Referencias Cruzadas

1 HOKHVMX 14:11

M-yuimx wuinz htenc ukhaq yuq muinz ghaqyungx mungx nuex thueyc ruiux yuq guyhex rueq phuiuz gay rvhumc tuex, khumz vrumz nuex thueyc jix kuex lawtawx rueq phuiuz gay rvhumc tuex. Ngaz Yehowa rueq jungx tauk,’” ngoz tueq jungx tueq.

1 HOKHVMX 16:4

Ghaqyungx mungx nuex m-yuimx wuinz mruex jix dvyx thueyc ruiux muinz guyhex htenc rueq phuiuz gay rvhumc tuex, jumx khuix yaruix nuex mruex jix dvyx thueyc ruiux muinz lawtawx htenc rueq phuiuz gay rvhumc tuex.”

1 HOKHVMX 21:24

Ghaqyungx mungx nuex thueyc kay jix mphvnx mmaq taungnyuing sanox htenc ukhaq yuq muinz guyhex htenc rueq phauk gay ruiux, yaruix rumz nuex thueyc jix ukhaq yuq muinz lawtawx htenc rueq phuiuz gay rvhumc tuex,” ngoz tueq jungx tueq.

2 HOKHVMX 13:3

Kvkhoc rvtueq Yehowa kuex Israel muex thuinkhaq vtueq, Siria Hokhvmx Hazael nuiyc vsaz Benhadad muex lauk wvruip ruip tvtaungx gay tueq.

2 HOKHVMX 9:37

Uraq muinz piq maungx luip juing baung ngoz tueq tvkhic lot muq laz juing kvjungx yaq piq maungx kuex kvruex baung kvyuq diq phungc ikhoc nyanc gay rvhumc tuex,’ ngoz tueq.”

2 KAÜWA WERAÜ 36:16

Yuq muinz tsuingshiq rueq Tishox bomjungc jix hez kuex shummarc vtueq, vpiq kvjaz kuex wvlc guez waqguez tvyaungc ruiux, vpiq shvmmax bix kuex ngoz ngax nueykuic wuez tueq, kvkhoc rvtueq tvsuip nuex Yehowa rueq vpiq miqsaz htenc kuex dungc wvnc juing vguez laz juing khaq tueq.

YOBA 9:13

Tishox thuinkhvy kuex shiz muq. Vpiq rueq vpiq kuex tuingshaung tvkoc svmuktvrax yungrex ngoz yaq Rahab muex romc kuy jix vpiq ralx htenc kuex tvbunx gay tueq.

Tvtsvmc 106:40

Kvkhoc rvtueq Yehowa kuex vpiq miqsaz htenc muex thuinz tvkhaq kuq tueq, tsuingshiq muex suirsac tueq.

Tvtsvmc 114:7

Ghaq lex, Yehowa httuiuc kaz yaq nuex nuiyc Yaku Tishox khaung-kac nuex hiyaz kvkhuirc kuiuz.

Tvtsvmc 18:7

Kvmaq Tishox kuex thuinkhvy ningkhvnc nuex ghaq kuex kvbuilc wvnc vtueq, kuz vkanx htenc muinz vjungx yaz maq kvbuilc wvnc tueq.

Tvtsvmc 68:8

ghaq kuex kvkhuirc vtueq raungwawc raungyunx tueq, yvmx khoc lac ngoz ruiux lec Sinai kanx Tishox rvtoq Israel Tishox httuiuc kaz toq ningkhvnc nuex rvtueq.

Tvtsvmc 77:18

Mraungx tvmuk vtueq, raung- lep wvr htenc rueq mungkawx kuex tv-phez lez yaq; ghaq muinz kawc yawc kvkhuirc wvnc tueq.

Tvtsvmc 78:38

Yuq muinz Tishox rueq vpiq miqsaz htenc muex menjenc thuinz httax yaq. Vpiq rueq tsuingshiq mvrax kuex dawc kuq gay ruiux tsuingshiq kuex tvbac gay muq. Vpiq kuex vthuinz khvy paunghvlc lauk nanx vtueq, vpiq thuinkhvy kuex tvthauk gay tueq.

Tvtsvmc 83:10

Mnoz rueq tsuingshiq kuex Endor maq taungx gay toq nuiyc, tsuingshiq maungx htenc kuex ghaq htauk nuex nvmx kaz wuez tueq.

DUNGWVNC 7:19

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

ISAIA 10:4

Nuimshiq kuex ralx khvt nuex thvy rvhumc tuinx, rvmuq ngoz ruiux khoktep miqsaz htenc ikhoc het shvlc wvnc rvhumc tuinx. Kvkhoc rvyruiux doc muinz Yehowa thuinkhvy htumx muq; murx tvgurc tvkoc vyauk kuex tenz hvt dvyx rvshuex.

ISAIA 10:6

Ngvy thuinkhvy naq jix, tishox vguez phvnx miqsaz htenc kuex khvt tvkoc Asiria kuex tvkaz tauk. Ngaz rueq tsuingshiq muex tv-nyvlc tvguiuq vtueq lvmx laungx wawc bokkhuyx ikhoc miq htenc kuex tvnuiuz tv-nyet gay tvkoc tvkaz tauk,” ngoz tueq jungx tueq.

ISAIA 14:19

yuq muinz mnoz kuex luip ruiuz khux lvp muq, mmaungx kuex vtuip tvnvmx gay rvhumc vtuiux. Kvruex maungx kuex ralx khvt nuex thvy gay rvhumc yaq nolaungx bix maungx maq puingc gay ruiux, tsuingshiq rulc vdvmz lung khurx nuex tuip vtueq nyet nuiuz gay rvhumc vtuiux.

ISAIA 23:11

Yehowa rueq svmuktvrax htauk nuex vyauk kuex tenz vtueq mungtan htenc kuex tvbac tvbunx gay tueq. Vpiq rueq Phoenikia pvkac pvylvyc juing vmungx baung kuex tvbac gay tvkoc nvr tueq.

ISAIA 25:11

Tsuingshiq kuex yuix wvyc hung yaq jix ikhoc tsuingshiq yauk htenc kuex tvdung tvkhic wuez shuex, yuq muinz Tishox rueq tsuingshiq kuex tvyomx gay shuex, tsuingshiq yauk htenc kuex htvl vtueq htuip wvnc tuex.

ISAIA 29:2

“Tishox shomrawx,” ngoz yaq ghaqyungx kvyuq Tishox rueq thuimkux kuex tvhttuiuc kuq shuex. Miq htenc kuex vkhoarc vnyerc rvtuex, wvghaq tuimx tvguiy maq vbuit shomrawx ikhoc yaungx tuex.

ISAIA 42:25

Kvkhoc rvtueq vpiq rueq naung- shiq muex piq thuinkhvy tvrvhumc vtueq, yauk laungc yalawx ralx dungc ru eq tvkuilc daz kuex tvrvhumc yaq. Vpiq thuinkhvy kuex wvr ikhoc Israel wvmungx tuimx nuex khamc wvnc tueq, yuq muinz yvmx wuez yaungx yaq nguinx naungshiq rueq mkaq muinz tuiuz miq; naungshiq rueq kvkhoc yaungc dvnc yaq mungx kvwawc yvmx muinz tvluing wvnc miq doc rvtueq.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

ISAIA 64:3

Lauk shiz mnoz httuiuc kaz vtueq nuiyshiq rueq tvmaung raung miq vhiz juing phvnx kuex shuimx toq; kuz vkanx htenc kuex mnoz khiz vtueq hiyaz kvkhuirc wuez tueq.

ISAIA 66:15

Yehowa kuex wvr rulc vdvmz kaz tuex. Vpiq thuinkhaq yaq jix hez muex murx tvgurc tvkoc raungguil renc htauk nuex ngaungc vtueq kaz tuex.

ISAIA 66:24

“Tsuingshiq dung kaz wvnc ruiux yuq, ngaz muex khawc lvlc jix hez maungx htenc kuex tsuingshiq rueq khiz shuex. Kvruex phuiuz jix vyung kuex mkaq muinz thueyc muq, vmaungx khamc yaq wvr muinz mkaq muinz mut muq. Miq htenc rueq kvkhoc yaungx yaq kuex khiz vtueq suirsac wuez shuex.”

ISAIA 9:11

Yehowa rueq tsuingshiq kuex tvkhvt muex tsuingshiq ralx htenc kuex naq kuq tueq.

ISAIA 9:16

Kvruex hez muex lvmx shvlc jix hez rueq lvmx vyaq kuex tvkhic vtueq thuinz tvmvruz raung kuq yaq.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

ISAIA 9:20

Baung ruip saz nuex httax yaq mungx miqsaz htenc tsuingshiq rueq thuiy vtueq lvp luz yaq vphuinz vphux phuiuz svy raungluingx saz kuex phauk saq shuex, yuq muinz tsuingshiq rvmc svy kuex mkaq muinz thauk muq. Tsuingshiq rueq miqmac saz tamx kuex phauk gay wuez yaq!

ISAIA 9:21

Manase miqsaz nuiyc Ephraim miqsaz kuex vdvmz dvmz rvkhvt wuez tueq yix maq, vdvmz nuex kvruiuz vtueq Yuda kuex khvt tueq. Kvkhoc rvtueq Yehowa thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 15:3

Ngaz, Yehowa rueq tsuingshiq nuex vhiz juing phvnx bvlic yaungc wvnc tvkoc htvp htaz taq tauk: tsuingshiq kuex ralx rvlungc nuex thvy gay rvhumc tuex; tsuingshiq maungx htenc kuex guyhex rueq het wvnc rvhumc tuex; wushawx htenc rueq saq shuex, ngvmx saz svl vwvl rueq kvjungx yaq htenc kuex phauk gay shuex.

JEREMIA 16:4

Tsuingshiq kuex vhiz juing mac tsac vtueq thueyc tuex, uraq muinz tsuingshiq muex yonzyex ruiux shuluip shuex rvmuq. Tsuingshiq maungx kuex ghaq wawc ghaqbur phungc ikhoc kv-phungc tuex. Tsuingshiq kuex ralx rvlungc nuex thvy gay rvhumc ruiux khvmx vrvmc rueq thueyc tuex; tsuingshiq maungx htenc kuex wushawx htenc nuiyc ngvmx saz vsvl vwvl htenc tvkoc phuiuz vsvy muex yaungx tuex.

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 4:24

Ngaz rueq kanx htenc kuex lawc koq tueq, kvkhuirc dvndvnz, ghaqluimx htenc kuex kvkhuirc dvndvnz.

JEREMIA 4:8

Kvkhoc rvtueq ruiyhec khvy svmx ruiux, khoar nyerx wuez kuinz, yvmx khoc lac ngoz ruiux lec Yehowa thuinkhvy bac hvlc kuex Yuda mungx wawc lvmz gay tueq rvmuq.

JEREMIA 6:12

Tsuingshiq yuimx htenc wuik vnax htenc tsuingc taungnyuiuz htenc kuex vganc jix kox nuex httuiuc wvnc tuex. Ngaz rueq vruex mungtan wawc miq htenc muex murx tvgurc shaungx.

JEREMIA 8:2

Vphungc tvy nuiyc vluip gay tvraung, tsuingshiq ruk vrawz htenc kuex ghaq htauk nuex ghaq bur ikhoc kvtvy tuex. Tsuingshiq kuex tsuingshiq rueq lungwawx ruiux nawk wvnc vtueq tsuingshiq rungx raz ruiux nawk palx wvnc tueq shalx, yapix nuiyc ruiysuiyq htenc khung nuex noalc gay rvhumc tuex.

JEREMIA 9:22

Miq maungx htenc kuex nax wawc ngac diq phungc htenc ikhoc, tsvmz gvnc jix waz rueq vtuip gay shec tsvmtul htenc, uraq muinz tvjomx muq tsvmtul htenc ikhoc, baung ruip saz nuex nyanc gay tueq. Vruex kuex Yehowa rueq ngaz muex vtvjungx bomc rvtueq,” ngoz tueq jungx tueq.

AJONJÜ 5:22

Rvmuq ngoz ruiux, nuiyshiq kuex pattup pat-sac tuip gay shex lac? Mthuinz khvy kuex tvshiz gay jauz vguez shex haz?

EJEKIEL 15:6

Majuiuc vruex kuex Johvlc Yehowa rueq jungx yaq, “Luingx nuex kemz yaq svpiq ruiuz kuex lvmz vtueq wvr nuex jauk gay shix ikhoc, Yerusalem nuex httax yaq miq htenc kuex ngaz rueq shvlx laq vtueq,

EJEKIEL 30:25

Rvtueq, ngaz rueq piq kuex hunglaungc tvnulx gay ruiux Babelon hokhvmx muex hunglaungc tvhungc shaungx. Ngaz rueq piq muex yaung kuq shaungx nuex piq rueq Ejip mungx nuex tvmuiz shuex kvkaq, ngaz Yehowa rvtauk lvmx miq tek vtueq tuiuz wvnc wuez shuex.

EJEKIEL 6:14

Rvtueq, ngvy yauk tenz vtueq tsuingshiq mungtan kuex tvbac gay shaungx. Ngaz rueq Israel miqsaz kuex baung ruip saz nuex httax luc muq laz juing, ghaqyaz kox kumtsvy tvnx maq ghaqkhux kox Ribla ghaqyungx nuex httuiuc laz kuiyqshuik kuiyqkhvmx tvyaungc gay shaungx. Kvkaq miq ruip rawx nuex ngaz kuex Yehowa rvtauk lvmx tuiuz wuez shuex,” ngoz tueq jungx tueq.

DANIEL 9:16

Mnoz rueq lvy wvnc tueq pat nuex nuiyshiq tvkhup wungx wvnc phux, kvkhoc rvtueq Yerusalem muex mthuinz raungluingx muinz nauk tvkhaq kaz. Kvruex kuex m-ghaqyungx, mnoz vsawc kanx rvtueq. Nuiyshiq mvrax htenc nuiyc nuiyshiq jix vwaz layx bac ningkhvnc nuex mungx phic mungx phaungx wuinz lotlaz rueq Yerusalem ghaqyungx nuiyc mmiqsaz htenc shummarc yaq.

Hosea 14:4

Yehowa rueq, “Ngvy miqsaz kuex ngaz kox nuex shvlx wvnc yek shaungx. Ngvy thuinz vmungx lotlaz maq tsuingshiq kuex ngaz rueq lungwawx shaungx; tsuingshiq muex mkaq muinz ngvy thuinz tvkhaq mauk shex.

AMO LUIK DVP (AMOS) 8:8

Kvkhoc rvtueq ghaq kuex kvbuilc wvnc tuex, mungtan wawc miq ruip rawx kuex kuilc daz jamjaux rvhumc tuex. Wvmungx tuimx kvbuilc wvnc vtueq kvruex kuex Nile Ruilx ikhoc puingx ruiux ruic wvnc tuex.

Mikha 1:4

Kvruex yimaq kanx htenc kuex vpiq khung kvyuq wvr wawc rvpshuirx ikhoc yuimx wvnc tuex; ghaqluimx wawc kaz yaq yuix khvmx phuk ikhoc tsuingshiq kuex warc tvnx nuex kvruiuc dvy wvnc tuex.

NAHUM 1:5

Yehowa khaungkac nuex kanx htenc kuex kvbuilc wuez tueq; ghaq luimx htenc muinz vyuimx rvwvnc tueq. Yehowa svt kaz ruiux yuq gaqyung mux vtueq; mungkawx nuiyc miqsaz lotlaz kuex hiyaz kvkhuirc wuez yaq.

HABAKUK 3:10

Mnoz kuex khiz vtueq kuz vkanx htenc kuex kvkhuirc tueq; raungwawc yuix htenc kuex kvruiuc dvy wvnc tueq. Ghaq khung wawc yuix htenc kuex thuirx tvruingx vtueq, kvruex yuix daungx htenc kvtenc duiz wvnc tueq.

JEPHANIA 1:17

Yehowa rueq, “Ngaz rueq miqsaz htenc htauk nuex thuimkux kuex tvkaz ruiux miq pumz tek vtueq muik moz jix ikhoc htuinghtamz khuemx shamx wuez tuex. Tsuingshiq rueq ngaz muex mvrax yaq gay ningkhvnc nuex, tsuingshiq tvguiy kuex majuiuc dvyx yuix ikhoc kvruiuc wvnc vtueq, tsuingshiq maungx htenc muinz ghaq htauk nuex nvmkvmx wuez tuex,” ngoz tueq jungx tueq.

TRI CHONGKE 31:17

Kvkhoc yaungx wvnc ruiux yuq, ngvy thuinkhaq vtueq tsuingshiq kuex tuip gay shaungx; kvkaq tsuingshiq kuex bac wvnc wuez tuex. Tsuingshiq nuex kuilc daz jamjaux paunghvlc kuex tsuingshiq htauk nuex httuiuc wvnc vtueq, tsuingshiq Tishox ngaz kuex tsuingshiq rulc vdvmz httax mauk shex ningkhvnc nuex, vkhoc kuilc daz jamjaux htenc dung wvnc yaq kuex tsuingshiq rueq rvwvl wvnc wuez shuex.

TRI CHONGKE 31:18

Tsuingshiq rueq layx vbac yauk shuimx vtueq tishox htenc kuex nawk palx wuez yaq ningkhvnc nuex tsuingshiq muex romc kuy tvkoc khawx gay shuex.

1 Thessalonians 2:16

Nuiyshiq rueq Pungnuk miqsaz muex tsuingshiq palc daungc wvnc lvmx bomjungc jungphvnx kuq wvnc tiq kuex tuingshaung tvkoc hunglaungx wuez tueq. Kvkhoc layx maq tsuingshiq yaq tueq mvrax htenc tvkhuimc laz shuimx wuez yaq. Kvkhoc rvtueq vtvsuip nuex Tishox thuinkhvy kuex tsuingshiq htauk nuex httuiuc wvnc vtuex!

Revelation 20:11

Kvruex yimaq vluiz hoc daungraungc vyungx vshiz muinz, kvruex yuq ngaungc yaq waz kvmuinz ngaz rueq khiz tauk. Vpiq khaungkac nuex ghaq nuiyc raungmungx kuex moz wvnc vtueq kvruex nueyc kuex khiz mauk shex.