ISAIA 43:13 - ASII LAKDAP Bible (BSI)

¹³ Ngi ka Shiikeawe kiimaq pattup pat-sa akhli misiha. Iningkun jaqkhon mong wa juwe min hangkilot mak; Ngi raq jamlai wa klo tiikang kriika ju riimin klailot mak she.”

Hawa Naga Bible 2001

¹³ Ngaz kuex Tishox rvtauk mkaq muinz vkhoc dvyx rvtaungx. Ngvy luimc vkawc wawc luenx jix vshiz muinz vguez; ngaz rueq shuimx shaungx kuex layc gay lot jix vshiz muinz vguez,” ngoz tueq jungx tueq.

ISAIA 43:13 Referencias Cruzadas

YOBA 10:7

Ümniiraq ngi ka maiqsang nguta asaphaü, kiimaq ümjaq khon mong wa ngi ka jurmin tiiwong lot mak.

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

YOBA 9:12

Apaiq raq jamlai wa ro tlaq kra lamho tlo, kiimaq apaiq ka jurmin tiiwin lot mak; apaiq ma jurmin, “Ümniiraq jamlai wa riiho laü?” nguta wailot mak.

Tvtsvmc 102:28

Naisetiim ka khusang maq misiwan, kiimaq tiiwongshat ümwokhong maq tsangsaü tsangsetiim pat niimin tiiwongshat miraq.

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

Tvtsvmc 93:2

Ümhokham ngacho ka, O Tatiwe lei, rapha hiqwa min mishaq niiphü phataqtaq dongdii, kiimaq ümniika rahiq min midongshaq niiphü asi dongdii riilaü.

TAKSU LAK 21:30

Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.

TAKSU LAK 8:23

Ngi ka ra nai hiq min mitiiq shaq na, kongkhu apha shaqshaq phansangto.

ISAIA 14:27

Ajong Pinthum Tatiwe raq arthun jaqsham arka thapthi wanto she, miklo dongdii. Apaiq raq tsangshiq ma amo tiiho wan miitu ajaq ka ra na doshat she sitlo. Kriika ju riimin tiikhinglot mak she.

ISAIA 41:4

Atinkhan arka juwero tiihong thalottla? Manphan ka juwero thapthi kuqta? Ngi, Tatiwe ka rapha hiqwa niiphü asi dongdii riikang, kiimaq Ngi, Tatiwe ka atiithum na saüli kiijaq asi mirha.

ISAIA 46:10

Rapha hiqwa miiphü Ngi raq jamkha kupi wan chang wa kra tiithai wan kang; rathupse miiphü dongdii akha mihong wan nguta Ngi raq tiithaimaije. Ngi raq chongkang, Ngi raq thapthi tiikang ka poi mak phan miraq nguta, Ngi raq thimi wan kang thun ka mikloha nguta chongkang.

ISAIA 46:4

Ngi ka üm Shiikeawe kiimaq Ngi raq ümniika mishkumpan kang, ümniika nyungwe tiijali kiimaq ümkhu tiipüli miliikang. Ngi raq ümnaq phansang kang; Ngi raq ümnaq mikhrumkang kiimaq mitiichhiikang.

ISAIA 47:15

Tsangshiq raq ümniima ahea pinthum kloke ka arjiili she mithumki, kra raiqsaiq jipi shammi kong, ümrilung pattup tlamsiq wanlaü kong kata. Tsangshiq wiita raq ümniika mibaiqthü, raüta tsangshiq ka maiqmii lampurit mipin; kiimaq ümnaq tiichhiiketi jai na jumin tiichong mak miraq.”

ISAIA 48:16

“Ümchaü min ana ithona warongra lantea Ngi raq jamlai wa chongtiikang kra taironglaq. Aphaji niiphü Ngi raq linham linhok chongkuqkang, kiimaq wranaiqtek ibomtsi ka khashkhaq tiiku piwan kang.” (Ümchaü Ajong Thaq Na Ajong Tatiwe raq ngi ma apaiq ningkun kuqto raüta ngi ka tiikito.)

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

WEAWEA 23:20

Ngi ma ramkuqlaq nguta tsii chongto, Kiimaq Shiikeawe raq shiiman keje ka, Ngi raq tiijanglot mang.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

TRI CHONGKE 28:31

Ümminsaü kong ka ümmakki na mitaa. Shatmaq kra ngam ka phanshi ra min ümniiraq phaq lu maü mirhaü. Ümkumtoq kong ka ümmakki niili maiq raq minyea wan. Raüta mihit phaq wan. Kiimaq kriikong ka ümniima jangkuq mak she miraq. Üm skukong ka ümjaqtinok ma mikuq baiq. Kiimaq kriiwa ümnaq tiiwongketi maiq ka jumin ahü she miraq.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

JOSHUA 2:2

Jeriko chela rümti hokhamwe raq Israilnok siwebi saüwato. Raüta tsangmung sisin wa wato nguta tsütsa ka taito.

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.