ISAIA 43:13 - Hawa Naga Bible 2001

¹³ Ngaz kuex Tishox rvtauk mkaq muinz vkhoc dvyx rvtaungx. Ngvy luimc vkawc wawc luenx jix vshiz muinz vguez; ngaz rueq shuimx shaungx kuex layc gay lot jix vshiz muinz vguez,” ngoz tueq jungx tueq.

ASII LAKDAP Bible (BSI)

¹³ Ngi ka Shiikeawe kiimaq pattup pat-sa akhli misiha. Iningkun jaqkhon mong wa juwe min hangkilot mak; Ngi raq jamlai wa klo tiikang kriika ju riimin klailot mak she.”

ISAIA 43:13 Referencias Cruzadas

YOBA 10:7

Ngvy htauk nuex mvrax vguez kvmuinz, m-yauk wawc ngaz kuex uraq muinz palc wvnc lot muq kvmuinz mnoz rueq tuiuz yaq.

YOBA 34:29

Tishox rueq yvmx muinz shuimx kaz muq tvkoc htvp htaz ruiux yuq, uraq muinz vpiq muex mvrax tvgurc khvmc shuex rvmuq. Vpiq htvlx kuex httuiyq gay ruiux yuq, naungshiq kuex kv-khung juing vguez muex yaungx tix.

YOBA 9:12

Vpiq rueq vroc phvnx htenc kuex vpiq rueq lvmz yaq, uraq muinz vpiq muex tvwanc lot muq; uraq muinz vpiq muex, “Mnoz rueq yvmx lac ruez vshuiux?” ngoz tueq wiz khvmc muq.

Tvtsvmc 102:28

Nuiyshiq suiuz vsaz htenc kuex vhvlx waq kvwungx httax wvnc wuez tuex, tsuingshiq suiuz vsaz htenc kuex mnoz rueq tvguing tvwungx khung nuex kuiyqshuik httax lvp wuez tuex.

Tvtsvmc 50:22

“Ngvy lauk gay jix waz lex, vruex kvjaz htenc kuex tay tvtsuingc shuiuz, rvmuq ngoz ruiux ngaz rueq mnoz kuex tvbac gay phaungx, mnoz palc jix washiz muinz httax tuex rvmuq.

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

Tvtsvmc 93:2

O Yehowa lex, mnoz hoc daung- raungc kuex vphaungc vyaungc maq phuex phaungx ngaungx hvlc rvtueq, mnoz kuex vkhing max httax nuex phuex vhttax rvtoq.

TAKSU LAK 21:30

Miqsaz taksux tharc, thuinz tsuik lvt nuiyc mungyumx tharc kuex mtanc dvyx thuiuz ruiux muinz, kvruex yvmx vjux muinz vguez.

TAKSU LAK 8:23

Mungkawx max tvdung sung, khutuingx raungmuingx nuex, vphaungc shauk shauk ngaz kuex tvdung sung taq phuex.

ISAIA 14:27

Tvphaungc Tvsuip Yehowa rueq vruex shuimc tvkoc htvp htaz taq tueq. Vpiq rueq murx tvgurc tvkoc vyauk phumz kuex tenz yaq, uraq muinz vpiq kuex tvthauk gay lot muq.

ISAIA 41:4

Vkhoc tvyaungc jix kuex ukhaq lac rvtvnx? Pat shiz maq pat shiz mvnphvnc kuex uraq lac phvnx jvnx yaq nguinx? Ngaz, Yehowa kuex vphaungc vyaungc maq phuex vhttax rvtauk, Ngaz, Yehowa kuex vtvsuip nuex muinz vhttax rvtaungx.

ISAIA 46:10

Ngaz rueq vphaungc maq raz tueq yaungx wvnc tuex kuex tvluz nuex jungx wvnc tauk; mvnnuex pat maq phuex yaungx wvnc tuex lvmz kuex ngaz rueq tvluz nuex jungx wvnc tauk. Ngvy kvmungx htenc kuex mkaq muinz phvyx kaz tuex rvmuq ngoz tueq jungx wvnc tauk rulc rv-ngvlc, ngaz rueq dvnc vshaungx phvnx ruip saz kuex ngaz rueq shuimx shaungx.

ISAIA 46:4

Ngaz kuex nuimshiq Tishox rvtauk, nuimshiq kuiux kawx wvnc vtueq nuimshiq khux puic nuex httuiuc laz tvkhup wungx kuq phaungx. Ngaz rueq nuimshiq tvdung sung ruiux nuimshiq muex tvwungx kuq phaungx; ngaz rueq nuimshiq muex romc kuq ruiux daungc wvnc phaungx.

ISAIA 47:15

Mrullungx wvlex rvjungc phvnc kuq wvnc tueq luinglawc jix hez rueq honc jungc kuy lvmx kuex vkhoc dvyx mnoz muex tvyaungc kv-phux. Tsuingshiq lotlaz rueq mnoz kuex tuip gay shec ruiux tsuingshiq lvmx phvnc kaz wvnc wuez tuex, mnoz kuex palc wvnc jix washiz muinz httax tuex rvmuq,” ngoz tueq jungx tueq.

ISAIA 48:16

“Majuiuc kuex ngvy kox nuex kaz vtueq ngaz rueq jungx phaungx kvjaz kuex tay shuinz. Vphaungc maq phuex ngaz rueq raungshuex raung jungx phaungx nuiyc ngvy kvjaz kuex mkaq muinz vsuing rvtueq rvtauk,” ngoz tueq jungx tueq. (Majuiuc Johvlc Yehowa rueq ngaz muex luimc vkawc kuq vtueq tvkaz phuex.)

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

DANIEL 4:35

Vpiq rueq mungkawx miqsaz kuex yvmx muinz rvmuq dvyx khiz yaq; raungmungx wawc raungkamx bix nuiyc mungkawx miqsaz kuex vpiq khung nuex httax yaq. Uraq muinz vpiq thuinroc kuex tuingshaung lot muq vpiq rueq shuimx yaq kuex uraq muinz wiz khvmc muq.

Hosea 2:10

Ngaz rueq piq rvlungwawc yaq hez htumc nuex sawkumx put gay shaungx, uraq muinz piq kuex ngvy luimc vkawc mungx wawc palc wvnc lot shuex rvmuq.

Hosea 5:14

Ngaz rueq hangsic vshiz ikhoc Israel nuiyc Yuda miqsaz htenc kuex khvt shaungx. Ngvy pumz maq tsuingshiq kuex tv-phuinz tv-phux puinz gay yix maq tsuingshiq kuex gay shec shaungx. Ngaz rueq tsuingshiq kuex het laq shaungx nuex, uraq muinz tsuingshiq kuex palc wvnc lot muq.

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

HABAKUK 1:12

Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.

WEAWEA 23:20

Ruimruimc kuy tvkoc ngaz kuex tvkaz phuex, Tishox rueq kuq yaq ruimrix kuex ngaz rueq tvyez gay lot mauk.

John 8:58

Yesu rueq, “Ngaz rueq nuimshiq muex vsuing jungx kuq ix, Abraham max jawx nuex phuex ngaz vhttax rvtauk,” ngoz tueq tvralc tueq.

Ephesians 1:11

Httax yaq lotlaz kuex Tishox kvmungx lvmx nuiyc thuinz maq htvp htaz tueq rulc rv-ngvlc yaungx wvnc wuez tueq; kvmaq Tishox vpiq rueq mvnnuex phuex htvp htaz wvnc tueq lvmx nuex vjungx tvjvp vtueq naungshiq kuex Christu rulc vshiz dvyx yaungx vtix ningkhvnc nuex vpiq rueq kvmungx tueq ikhoc naungshiq kuex vpiq miqsaz htenc yaungc tvkoc thvl taq phuex.

TRI CHONGKE 28:31

Msuiux m-ngac kuex mmuik lawc nuex thvt gay shuex, yuq muinz mnoz rueq vngvmx kuex phauk lvp muq. Mloze miq rueq guiuq lvy khiz ruiux muinz loze kuex tvyez lvp muq. Mkhelbuenx htenc ralx yauk nuex httuiuc wvnc tuex, yuq muinz mnoz muex romc lawc kuy naungc jix miq httax tuex rvmuq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

JOSHUA 2:2

Israel miqsaz wvyvmc rueq vruex mungx kuex sisunx muex raungwvrx nuex httuiuc kaz tueq thaungc kuex Yerikho hokhvmx waz rueq tay vtueq,

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.