ISAIA 3:23 - ASII LAKDAP Bible (BSI)

²³ Kiimaq tsangshiq dü na samchang bannin kheasetiim akhum tiichhi rashra samtlaq khea kra, kiimaq tsangshiq müsaisai raihi-nairai phaqchet thun kra, kiimaq tsangshiq khu pangchang phaqchet thun kra kiimaq tsangshiq khupo pang chang bannin khea thun kra minyea wan.

Hawa Naga Bible 2001

²³ walx tsitsiz hvlc khoz vkhvy htenc, khvymvnz vnyel phajet htenc, tsuingshiq khux puingc juing phajet htenc kuex vpiq rueq lvmz tuip gay shuex.

ISAIA 3:23 Referencias Cruzadas

RAPHA HIQWA LAK 24:65

Kiimaq Abraham jaqshise ma waito, “Riita i niikra wak ram na maiqwe nashiq pha nü na warai tlaq ka juwa?” “Apaiq ka itijongwe,” nguta kra jaqshise raq treto. Kiimaq apaiq raq akhu pang chang bannin khease kra hitsaq raüta atheaphi ka pangto.

RAPHA HIQWA LAK 41:42

Hokhamwe raq ajaqshi na apa jaqtop hokhamwe sil among na khat waiqje kra ajaq wa chhutto, raüta Joseph jaq niishe tiipa kuqto. Kiimaq apaiq raq Joseph ma müsaisai raihi-nairai samtong jong kaü kra tiisam kuqto. Raüta adangkong na chaq sairaü laktum kra tlak kuqto.

1 KAÜWA WERAÜ 15:27

Dawit ka namrai ahea pinthum maq ataq samtong jong kaü kra samto. Kiimaq ashi ashunti kong kriiriimin kiikhiisii samto. Kiimaq tsangshiq sheatiwe Chenania riimin kiimaq Tongshong Tek pitibi Lewinok riimin kiikhiisii samto. Kiimaq Dawit riika müsaisai raihi-nairai khea asii kheaphu kriimin samto.

DUNGWVNC 38:8

Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

ASHICHONG 5:7

Chela kheti rawa kintsongtibi raq ngi ka humto. Raüta tsangshiq raq ngi ka tiimitsi li, atea abuk riito. Chela kilamchong kheti kintsonti raq, ikhuphok ka nyeaho raüta chaibaiqto.

ISAIA 3:22

Tsangshiq raq samchang pinthum araa ariq phan samtong jong kaütiim thun kra, kiimaq khum hamtlii jidang na saüli sam chang samtong jong kaütiim kra, kiimaq kheapii samtlaq ikha samchang kheathum thun kra, kiimaq kampho khiiq thun kra.

ISAIA 3:24

Homseng ka tsangkhum na nyat rii na, tsangshiq khum ka tsangbi namtoktok she miraq. Tsangchhü na tsomhea nintata shinket parii na, thoila raütam ikha ala atsa klishe shinket ma mipa. Tsangshiq khu ka tsomhea sirii na, tsangkhupo ka kealoklok loktam she miraq. Miirii atsomwiq samrii na, wunthaü riinaü khea sam raütiishe misi. Tsangshiq shamhea kriika jeasi khatamshi horaütli she misi wan!

ISAIA 47:2

Longtham kra trolaq! laüta bunwong thaülaq! Ümkhu pang chang bannin khea ka linbaiqlaq! Ümmiirii bannin khea thun sam tlaü ka chhutbaiqlaq! Ümnaiq ka ra na tongsaq laüta khamraisetiim ka jinlaq!

EJEKIEL 16:10

Latiishe Ngi raq ümniima awaiq angon khea ahea samtong jong kaü kra tiisam kuqkang kiimaq ngamkhii hokpa ahea pinthum kra tiipa kuqkang. Kiimaq ümkhu job chang raihi-nairai khea kuqkang. Kiimaq nairai khea samtong jong kaü tiisam kuqkang.

JEKERIA 3:5

Apaiq ajaq tiihaptibi kiima, Joshua ma asii khuphok kriishe tiiphok kuq ronglaq nguta aming kuqto. Krai mren tsangshiq raq tiiphok kuqto. Kra raütiishe tsangshiq raq apaiq dü na miirii anye she tiisamkuqto. Kiimaq Tatiwe rase ka kiijaq chapshatli riito.

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

RUTHA 3:15

Boaj raq apaiq ma chongto, “Ümsamtong jong kaü ka chhut laüta arjaq tiipii liita.” Krai mren, Rut riimin apaiq samtong jong kaü kra hiq na tiipiito. Kiijiishe Boaj raq jaili kra tso raüta, tokroq nai tin tso kuq raüta thop kuto. Raüta kra tsam thop ka Rut ma araikhü na tiiboq kuqto. Raütiishe Rut ka chela niishe jang wan nongto.