ISAIA 3:16 - ASII LAKDAP Bible (BSI)

¹⁶ Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

Hawa Naga Bible 2001

¹⁶ Yehowa rueq, “Lawc shuinz, Yerusalem shvlx rulx kuex mtanc lac ngamc boq wuez yaq nguinx! Tsuingshiq kuex tsuingshiq tuk tenz vtueq khuemx wuez yaq. Tsuingshiq rueq mkaq muinz yoalx rek dvyx lauc lawc yaq. Tsuingshiq khamtenc tvsvp ruiux, tsuingshiq yaz nuex jepaungc tvruingx yaq.

ISAIA 3:16 Referencias Cruzadas

TAKSU LAK 16:18

Shiikong tsantsii ka atsai lam sheati, khünga maklii ka adea wa chang thiikho theti.

TAKSU LAK 21:4

Abi maiqse ka laopha tsii nai shiikong tsii raq phaqtlo, kriika ngarai.

TAKSU LAK 30:13

Maiq wiijamti raq, tsangshiq ka tarü thaq na, maiqshaq pinthum nguta riiweatlo! “Naishiq ka maiqshaq pinthum,” nguta tiimatlo!

ASHICHONG 3:11

Jajon sheare lei, dong rong laq. Hokham Solomon ka liirong laq. Anyung raq atiiphop khuphop phop raü watlo. Apaiq junlam rohun miirii, apaiq ma khoqriiq shishiiq ranaiq.

ISAIA 1:8

Jerusalem lamlamseli she tiichongtlo. Arkiimin re raq chela trotam maq akom wan kun she. Wak na spiqro khechang baülitiipse ahai ikha, riimakla wak na kumchan tsung ruk hü pehü sitlaq ikha, asea awea raq aphaq wan nguli riitlaq ikhlishe sitlaü.

ISAIA 24:4

Hiqraikhü ka ashin riiwanto. Raüta wiita jung wantlo. Mangjong hiq ka kunli ningkun ahü she jam wanto. Hiq nai ra ka anai wiita riim wanto.

ISAIA 3:1

Riita ümchaü sanha Tati, Ajong Pinthum Tati raq, Jerusalem wa nai Juda mung wa maiqse jaq na jamlai phan wa riimtlaq kra kiimaq jamlai phan mo maiq loweatek raq tlamtlaq thun ka wiitashe milam wan. Apaiq tsangshiq tü atsam nai kham anyang chang thun kra milam wan.

ISAIA 3:17

Shatmaq Ngi raq tsangshiq ma mo she mitiihoha. Ngi raq tsangshiq khupo ka loktam misibaiqha. Lata kealoklok she mithüha.”

ISAIA 3:18

Ranaiqshi akhing she misaü wan. Kra saüwan raüla, Tati raq Jerusalem nyungre raq pinthum rariqtlaq hup nai sam thun kra wiita milam wan. Tsangshiq jidang na patlaq tü nai laihin hokpaq thun kra, tsangshiq khu na kiimaq dangkong na patlaq thun kra.

ISAIA 3:4

Tati raq mungmaiqse ka nosere jamsap mak kriiti ma mitiipeng wan.

ISAIA 4:4

Tati raq apaiq ningkun maq armungti kha ka miphokuq wan. Raüta armung ngarai ka achen mirbaiq wan. Raüta Jerusalem raq maiqtsatbaiq wan raüta ümtinkhan wa shut phit wantaq thun ka siirairai heashe mitiisii hekuq wan.

JEPHANIA 3:11

Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Luke 23:28

Jesuq raq tsangshiq pha nü na tro lii raüta, tsangshiq ma chongto, “Jerusalem nyungre le! Namshiq ka ngi miitu, naq hoq rongkiq. Shatmaq, namshiq maiqmii miitu nai namsetiim miitu hoq ronglaq.