ISAIA 3:1 - ASII LAKDAP Bible (BSI)

¹ Riita ümchaü sanha Tati, Ajong Pinthum Tati raq, Jerusalem wa nai Juda mung wa maiqse jaq na jamlai phan wa riimtlaq kra kiimaq jamlai phan mo maiq loweatek raq tlamtlaq thun ka wiitashe milam wan. Apaiq tsangshiq tü atsam nai kham anyang chang thun kra milam wan.

Hawa Naga Bible 2001

¹ Taungjix, Tvphaungc Tvsuip Yehowa lex, majuiuc dvyx Yerusalem nuiyc Yuda mungx wawc miq htenc rueq thuinz tvluimc juing nuiyc rvnc rvwak yaq hup vsvmx ruip rawx nuiyc miq pumz tek kuex lvmc gay dvnc yaq. Vpiq rueq tsuingshiq phuiuz vsvy nuiyc tsuingshiq yuix kvmuinz,

ISAIA 3:1 Referencias Cruzadas

2 HOKHVMX 25:3

Kra rawii wa jipi lüblai she angu na kra jipi wa jiha ratiikaü ranaiq na, ramdong ka henghea kha maq, mungmaiqse jaq na aphaq asea chang jamlai min ahü she riito.

Tvtsvmc 105:16

Tati raq tsang mung na ram tiidongto kiimaq tsangshiq dungpin wiita raübaiqto.

ISAIA 1:24

Arningkhan na, ümchaü min, Ajong Pinthum Tati, ningkun ajong rümti Israilnok Shiikeawe raq akha chongtlaq kra tiitsang dada tailaq: “Namshiq ka Ngi ma chiq nai re kong. Ngi raq namshiq khuthaq na iphuk she milamha. Krai mren namshiq raq Ngi ma ikhu tiitsi chang mintsa tiipa man she mirhan.

ISAIA 2:22

Maiqse han-ngam miika naq kamsiq rongkiq she. Tsangshiq thü ka asi shea?

ISAIA 3:16

Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

ISAIA 36:12

Kiijiishe apaiq raq treto, “Namshiq nga hokham ajongwe raq ngi tiikitaq arka, namtsam nai hokham ma lamlamli arthun bomtsi ara tiichongkito ngutiisha tiimatlan? Riimak. Ngi raq chongtiikang arka kra chela ruk khetuk na ümchuwa ngatlaq thun miitu min chongtiikang. Namshiq raq maiqmii daiq misiq han kiimaq maiqmii shii minyang han kiikhiisii tsangshiq riimin maiqmii daiq misiq kiimaq maiqmii shii minyang.”

ISAIA 5:13

Akha ngarai klo lantea sitlan ningkhan namshiq ka munglu shumwikong miishe pongmung na mitsuq wan. Namwelabi thun ka ram raq haü raüta mitsaiphaq. Kiimaq nyungwe nosekong ka khamnyangtsi raq mitsai wan.

ISAIA 51:22

Tatiwe üm Shiikeawe raq ümniika tiiwongkuqtlo raüta ngutlo, “Ngi raq chekhap ka lambaiq tiikang she, itsankhiq tsi ma ümniima akuqha kra. Ümniiraq nyang ka raamak she, kra che nyang laüta ümnaq tropkhoprai tlaü ka.

ISAIA 9:20

Tsang mung barapse na, maiqse angu raq tsangshiq mak maq achhichhi, maiqjaq na phaq nai sea phan akhiishe kra chhi raü min nyeawat wat raütli she riichhin phaqsiq hotlo. Kra taümaq dongdii min tsang ramtsi ka tsaqmak. Tsangshiq raq tsangsetiim noshiisetiim kra dongdii min aphaq riitlo!

JEREMIA 37:21

Krai mren she, Hokhamwe Jedekia raq ngi ka hokhamwe jam rinkea rungkhok niilishe shaq ronglaq nguta aming kuqto. Ngi ka kiijaq she sikang. Kiimaq ranaiqtek winsii lumchang jam wa ngi ma winsii ka thopshi shi lamkuq wan li li riito. Kriika chela mong wa winsii ka wiita thumli mithum shaq wiiwii kuq wa ruq riito.

JEREMIA 38:9

“Chaü lei, arwetiim raq jamlai wa klotaq kriika ashut. Tsangshiq raq Jeremia ka khappong mong na tiisat baiqto. Kiijaq apaiq ka amang ram raq haü raüta mitsai. Jamkhano ngukla chela na aphaq sea chang ka ahü.”

JEREMIA 52:3

Tatiwe tsan ka Jerusalem chelati ma nai Juda mungti ma pinthum khiqto. Kra ningkhan amakki wa tsangshiq ka luhea na tiidoqra jobaiqto. Jedekia ka Bebilon mung Hokhamwe Nebukadnejar wokhong wa donghoto.

JEREMIA 52:6

Kra rawii wa jipi lüblai angu na, jihea ratiikaü ranaiq niishe, ramdong raq mungmaiqse ma aphaqsea chang ka athum kai kun she, ram raq maiq ka ajiim wan nap nap she angu na,

AJONJÜ 5:4

Ümchaü sanha naishiq raq, kham kiimin kampho maq ri nyangchang she. Chin thamki tiikai kiimin kampho maq ri chang she.

EJEKIEL 14:13

“Maiqse lei, maiq mung ashiti raq ngarai klo haüla, raüta iwokhong wa ahin na juho raüla, Ngi raq ijaq ka tiipii lata, tsangshiq rai awong lun lam tsamtiip thun kra mishthen baiqha. Ngi raq ram mitiidongha. Lata ram raq maiq nai jam nyamse thun ka wiita kun kun mijiipbaiqha.

LEWI 26:26

Ngi raq namshiq phaqsea lun wan chang lam thun kra ashang mirbaiqha. Kra ningkhan ramtsi ma jechak nyung roqshi raq tsangshiq winsii lumchang wacha ka ashi kiijiili she milum. Ashong lumchang min ahü she miraq. Tsangshiq raq rai awong ka akhüse kli she mishong phaqsiq. Kra ningkhan namjaq na sitlaq kra phaqsea lot jai, namshiq ka ramtsi hot hot li misi han.

AMO LUIK DVP (AMOS) 4:6

Tatiwe raq ngutlo, “Ngi raq namshiqnok chelatek na ram tiidong wan kang, shatmaq tsii chhi wan man dea, kiimaq ngi pha na jang wan man dea.

Mikha 4:9

Riita ümchaü ümniika agilülü jam hosea wa? Nowü chhitsi ikha shea chamchao rai tlaü? Üm hokhamwe ka ahü riitiishea? Ümmung pengti mungtubi ka atsai kaikun she shea?