ISAIA 24:3 - ASII LAKDAP Bible (BSI)

³ Hiq ka wiita bunlak buncha mitiithenbaiq. Raüta miqchup mitiithenbaiq. Tatiwe raq ngutlo. Arka mihong wan dongdii.

Hawa Naga Bible 2001

³ Ghaq kuex rvthuip rvkhvt bac wvnc tuex. Kvruex kuex Yehowa rueq jungx tueq kvkhoc yaungx wvnc tuex.

ISAIA 24:3 Referencias Cruzadas

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

ISAIA 21:17

Kedar mung wa liqshamti sreabi thun ka pinthum sreakong siisaq. Shatmaq kra phong wiika atsapseli she aso mitiichong. Arka Ngi, Tati Israilnok Shiikeawe raq chongtiikang.”

ISAIA 22:25

Kra akhing she saüwa raüla, kra nyeakii phataqtaq ashong ka asi she mirki. Raüta hiq na midea wa. Krai mren kra khaiq na abat hupsam thun ka wiita she mithumki.” Arka Tati raq ngutlo.

ISAIA 24:1

Tatiwe raq mangjong hiq ka atiithen mirbaiq. Raüta hiqmiq changkhü ma mitiija. Apaiq raq hiq raikhü ka akap atsea miphebaiq. Raüta maiqse ka wiita barapse na minyinbaiq.

ISAIA 24:2

Maiqse angu kunli raq kra kharii mirhum. Ramwebi, kiimaq mungmaiqse, disetiim kiimaq atijongwetiim, hupsam ritibi kiimaq hupsam shatibi, atiinamketibi kiimaq anamtibi, chiitheti kiimaq miitsanbi.

ISAIA 24:4

Hiqraikhü ka ashin riiwanto. Raüta wiita jung wantlo. Mangjong hiq ka kunli ningkun ahü she jam wanto. Hiq nai ra ka anai wiita riim wanto.

ISAIA 42:22

Shatmaq ümchaü asenginok ka laimiq runbaiqto; tsangshiq ka longsha phaqtek ranyaq mong na shaqbaiqto, raüta phaqtek mong na shaq raüta paübaiqto. Tsangshiq ka tekto raüta runto, tsangshiq khrumketi maiq jumin ahü kimak riito.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 13:15

Israilnok lei, Tatiwe raq nguto! Aranse ma jalanta apaiq bom ka taironglaq.

EJEKIEL 36:4

Arningkhan ümchaü tailaq, Ngi, Tati Rakaü Hiqwe raq, namshiq pum thun ma kiimaq ku akin thun ma, namshiq jüraisetiim thun nai jükhü hiqwii thun ma, namshiq hiqshong rahai ümchu wa bunlak buncha tiithen baiqtaqti thun ma, kiimaq namshiq hiqmiq changkhü ma atiijabaiq chela thun re raq tsiiq anyam hiq maq hutse tsuq wantaq, raüta namshiq tro na siti maiq mung thun raq slailiisiqtaqti thun raq ibom chong ara tiitsang taironglaq.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mikha 4:4

Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.

TRI CHONGKE 29:28

Tatiwe tsan ka pinthum walü wa ikhiishe khiq kito. Kiimaq atsan khiqtsi miishe, apaiq raq tsangshiq ka tsang mung wa arang chong maq babaiqto. Raüta tsangshiq ka pong mung na dobaiqto. Kra ningkhan, tsangshiq ka ümchaü pong mung na sitlo.’