ISAIA 24:4 - ASII LAKDAP Bible (BSI)

⁴ Hiqraikhü ka ashin riiwanto. Raüta wiita jung wantlo. Mangjong hiq ka kunli ningkun ahü she jam wanto. Hiq nai ra ka anai wiita riim wanto.

Hawa Naga Bible 2001

⁴ Ghaq kuex httuiz rawk vtueq yuiuq wvnc tueq; mungkawx kuex hunglaungc nulx yaq; ghaq nuiyc raungmungx kuex vramx rvwvnc tuex.

ISAIA 24:4 Referencias Cruzadas

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 24:3

Hiq ka wiita bunlak buncha mitiithenbaiq. Raüta miqchup mitiithenbaiq. Tatiwe raq ngutlo. Arka mihong wan dongdii.

ISAIA 28:1

Israil mungtan ka miqto she! Kra mung khushü ka cherop kong awelabi khu na hokham pepü khuphok aphok thun jung wantlaq ikha mut wanto. Tsangshiq shiikongkhiq khupo thun niika homseng tsai maq jutje. Shatmaq tsangshiq ka cherop makaiq kong bumtlo.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 33:9

Armung ka hiqmii she. Jaqshamseati maiq min ahü she. Lebanon wang wa rum thun ka wiitashe jungkito. Hiqpo hiqwin Sharon tan kiimin kumtsaiphii ikhli she jakito. Kiimaq Bashan wang nai Karmel Pum wa pejaq thun ka achong wa wiita rok wanto.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

AJONJÜ 1:4

Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

Yoel 1:10

Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.