ISAIA 20:3 - ASII LAKDAP Bible (BSI)

³ Riita ümtiikiiwa Ashdod chela ka re raq jiiwantaq, Tatiwe raq nguto, “Ijaqshise Isaia ka kheahü siikumkum kiimaq hokpa ahü hoksii maq wiitsam she khumtlo. Arka Ejip mungti nai Sudan mungti ma akha mra mipin wan nguta winji binriim tiithai.

Hawa Naga Bible 2001

³ Ashdod ghaqyungx taungx lvp gay koq tueq Yehowa rueq, “Ngvy nvrc waz Esaia kuex wawc thuimx tup sawkumx, jotac paungc muq maq dvyx kvroz khuemx tueq. Vruex kuex Ejip nuiyc Ethiopi mungx nuex yaungx wvnc tuex lvmx vyac khawx vshiz rvtueq.

ISAIA 20:3 Referencias Cruzadas

ISAIA 19:4

Ngi raq Ejip mung ka chiqjong liihawe ikha hokham maiqbiwe jaqkhon mong na mikiinong kuq baiqha. Apaiq raq tsangshiq ka pinthum mijam shawan. Arka, Ngi Tati Ajong Pinthumwe raq ngutiikang.”

ISAIA 37:9

Bomtsi ka Asirianok phana Ejip mungti phenlabi ka Sudan mung Hokhamwe Tirhaka raq shea raüta tsangshiq khat wa watlo nguta tsütsa ka saüto. Kra tsütsa ka Asiria mung hokham ajong raq tai raüta, apaiq raq Juda mung Hokhamwe Hejekia ma lak ashi tiihoto.

ISAIA 43:3

Ngi ka Tatiwe üm Shiikeawe, asii Israilnok Shiikeawe, ümnaq chhiitiwe. Ngi raq Ejip mung ka ümkhum dokda miitu mikuqbaiqha; Ngi raq Sudan mung nai Seba mung mikuqbaiqha.

ISAIA 8:18

Ngi ka arjaq Tati raq ngi ma akuq asetiim rai sitiikang. Ajong Pinthum Tatiwe raq, apaiq ngachang hokham ngacho ka Jajon Pum na sitlaq kriiwe raq, nashiq ka atra tsütsa bomtsi raütu setiim ikha Israilnok mung miitu tiikito.

JEREMIA 13:1

Tatiwe raq ngi ma kilaüta raihi-nairai khea patulong thun ka rikikiq laüta samlaq nguta chongto. Shatmaq apaiq raq ngi ma kra khea ka kham na naqtsamkiq nguta chongto.

EJEKIEL 12:6

Tsangshiq raq ümhupsam thop kaü kra ümphaq lam na pitlaü kra michhilaq. Kiimaq ümmak ka khea maq pangshat lam maq, ranyaq mong na, ümnaq kaiho chang lam kiimin chhimaü maq kaiho kra michhilaq. Ümniiraq jamlai wa riitlaü kriika, Israilnok ma honlam bom chong miraq.”

EJEKIEL 30:4

Kra akhing na Ejip mung na re midong Kiimaq Sudan mungti ka pitlang pitthea miraq. Ejip mungti pahea mijiipbaiq; Mung ka hiq maq hutse mirun wan Raüta botkhulai rai mishot baiqthü.

EJEKIEL 30:6

Tatiwe raq ngutlo, “Shekhu nü mung na Migdol chela maq phaho raüta shemai nü mung na Aswan chela na saüli, Ejip mung kheti phenlabi ka thumthum mijiipbaiq. Ejip mungti shiikongsea chang phentu ka mijiipbaiq wan. Arka Ngi, Tati Rakaü Hiqwe raq toqtantiikang.

EJEKIEL 4:1

Shiikeawe raq nguto, “Maiqse lei, kiitelong kaü ashi dolaq. Laüta ümkhaki na tiibumlaq. Laüta kra longkaü thaq na Jerusalem chela sumla ka khat waiqlaq.

EJEKIEL 4:3

Laüta jinpen kaü ashi kra lam laüta, chela kra nai ümnaq heawea na jin pen kriimaq ruk ka hailaq. Laüta chela ka liilaq. Riita arka chela ka re raq trotam maq akom wan kun she. Kiimaq ümniika re nok chela kra khat wanti nguta tiimalaq. Riita arka Israilnok mungti miitu maji binriim miraq.

JEPHANIA 2:12

Tatiwe raq Sudan mungti kiimin, wiita thumthum mijiip baiq.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

WEAWEA 14:34

Namshiq ka namshiq maiqmii ngarai kra ningkhan rawii roqblai michamchao wan han. Kanan mung sisin wa raroqblai kriiwa ranaiq shi la na rawii shishi she michamchao wan han. Namshiq raq Ngi ka namshiq ngengtiwe ma tiija wan ka akhiidea shea ngutiishe misap wan han!